ديوان تباريح الهوي-التجانى حاج موسى

[ود بانت]

[frame="6 80"]من منا لا يعرف ذلك الشاعر الانسان المرهف التيجانى حاج موسى
الذى اثري المكتبه السودانيه المقروءه والمسموعه بروائعه الشعريه
والتى تغنى بها معظم فناني السودان . وديوان تباريح الهوي يحتوى على
44 عمل ابداعى قام بتأليفها مبدعنا بالعاميه سوف نقوم بانزالها تباعا
مع ذكــــرالفنان الذى تغنى بها ونبدأ بتلك القصيده المشهوره[/frame]

امى

غناها الفنان : كمال ترباس


[frame="2 80"]امى الله يسلمك
ويديكى لي طولة العمر...
وفى لدنيا يوم ما يألمك ..
امى الله يسلمك

امى يا دار السلام
يا حصنى لو جار الزمان
ختيتى فى قلبى اليقين
يا مطمنانى بطمنك
امى الله يسلمك
************
خيرك علي بالحيل كتير
يامرضعانى الطيبه بالصبر الجميل
يا سعد ايامى وهناي
لو درتى قلبى اسلمك
امى الله يسلمك
************
انا مهما افصح عن مشاعرى
برضو بيخونى الكلام
وقولة ( بحبك)
ما بتكفى وكل كلمات الغرام
يا منتهى الريد ومبتداه
يا الليا الله يسلمك
ويديكى لي طول العمر
وفى الدنيا يوم ما يألمك
امى الله يسلك
***********[/frame]

ونوااااااااااااااااااااااصل انشاء الله
ساعد في نشر شبكة بربر والارتقاء بها عبر مشاركة رأيك في الفيس بوك

[أفلاطون]

حبيبي ود بانت

لك التحية

وذكرتني أيام كانت لها إيقاعاااااااااات كثيرة جداً جداً
وبالذات بهذه الأغنية

الوالده الوالده الوالده يديها لي طولة العمر وما يألمها لحظه واحده في دناها وآخرتها

كنا دائماً بي نمشي داخلية كلية الزراعة - جامعة الخرطوم - كان فيها أخوننا وحبائبنا من بربر ساكنين

المهم بي نركب الحافلة من المظلة الفي شارع المؤسسة لحدى ما نخش الداخلية جوه
وفي داك اليوم بتاع الحافله مشغل الرادي وكان لقاء مع شاعرنا الكبير التيجاني حاج موسى
العادة إنو الناس دائماً في الحافله بي تتكلم وتتونس لحدي ما تصل
في اليوم داك واحد فاتح خشمو مافي وقبل ما نخش الكلية بي دقيقتين بدأ يسرد في هذه التحفة
وقفت الحافلة في الموقف والقصيدة لم تنتهي
تخيل ماذا حصل بالرغم من إنو فترة ذروة والطالبة عايزين يطلعوا ... وقفت الحافلة ولم ينزل منها أحد ... والتحت يتزاحموا عشان يركبوا
طبعاً ما في واحد إتكلم كلمة واحدة من الناس الراكبين ... قاعدين في أماكنهم ويسمعوا في القصيدة
بتاع الحافلة: يا جماعة يلا وصلنا أنزلوا.
الركاب: ما في واحد جايب خبر
العايزين يركبوا: يا فرده ديل عملت ليهم شنو مالهم ماعايزين ينزلوا
بقى الشمار حرق الناس البره كل واحد عايز يعرف ديل ما عايزين ينزلوا ليه
بقي كل واحد يسمع طرف القصيدة يتكل على شباك عشان يسمع ابقي القصيدة لحدى ما خلصت


حبيبي أسأل الله أن
يديك لينا طولة العمر
وفي الدنيا يوم ما يألمك
ود بانت الله يسلمك

وتحياتي لكم

[بكري الخير]

الحقنا ياود بانت بالجاني منك ومن تباريح الهوي وصفو بصعب يا جميل سرييييييييييييع

[علي جارالنبي]

تسلم ود بانت والتحية للشاعر الرقيق المرهف التجاني حاج موسى وللفنان الطروب كمال ترباس .
نسأل الله أن ينعم على الجميع بالسعادة وطول العمر ( صحة وعافية ) .

مشكوريييين .وداً وتحية

[فيصل بركه]

ودبانت اختيار ان دل انما يدل علي ذوقك الرفيع
تحياتي

[ود بانت]

صباح الخير
*********
غناء : محمود تاور

[فيصل بركه]

المفروض كان تبدي بتباريح الهوي

[ود بانت]

اقتباس: المشاركة الأصلية كتبت بواسطة فيصل بركه     المفروض كان تبدي بتباريح الهوي

شاعرنا الرقيق التيجانى حاج موسى رتبها فى ديوانه حسب الترتيب الذى
سوف نقوم باتباعه ولعل لديه من الاسباب ما يكفى فكل الديوان كان اهداءه
الى والدته دار السلام .
لك كل الود اخى فيصل واتمنى ان اوفق فى اكماله فى مده وجيزه

[ود باقير]

ود بانت يارايع
الشاعر التجاني الحاج موسي الشاعر الانسان الرقيق المرهف متعه و اياك بالصحه و العافيه
واصل

[ود بانت]

شكرا للاخوان الاعزاء استاذ على جار النبى وافلاطون وبكرى الخير وفيصل بركه وود باقير على المرور والتشجيع