السودان الوطن الواحد
شبكة بربر

الرئيسية أضفنا للمفضلة روائع منتديات شبكة بربر أجعل شبكة بربر صفحة البداية ملخص قرارات الإدارة الاتصال بالادارة
 ما شاء الله تبارك الله ما شاء الله لا قوة إلا بالله ، اللهم إني أسالك الهدى والتقى والعفاف والغنى

قوانين وضوابط المشاركة في المنتدى تفعيل العضوية طلب كود تفعيل العضوية استعادة كلمة المرور التسجيل

قـوقـل: شـبـكـة بـربـر أكـبر مـوقـع لـتـجـمـع الـشـباب الـسـوداني والمـواضـيـع الــهـادفـــة

شبكة بربر تهنيء المشرفة ميمي الدكة بمناسبة الزواج

قديم 05-09-2007, 08:17 PM   #1

عضو منتسب

 








محمد ميرغني غير متصل
افتراضي مقاطع دوبيت لكل عشاق الدوبيت

 
وسـط الدارة نزلـن من قصورن
عامـن شوقـن قلبـي البـدورن
هج وضج في ود عينـي نـورن
وطابت روحي من نفحـة عطورن

قمر السبعتيـن قدلت حمـامـة
غطـت جملتن متـل الغمـامـة
محزوز جيدها فوق بانة قوامـه
مجروح ريدها وين يلقى السلامة

ساحت إيـدا في الخـد المبهرج
وعامت ديسها نام فوق المرجرج
صـورةً جهجهت قلبي المضـرج
وفـرع البانـة لعلع فينا كـربج


شالت إيـدا مـن صفحة جبينـا
ومالت ولعـت نـار الكميـنـة
ودارت شتـت شوق ليما فينـا
حليل الراحـة يا روحي الحزينة

حسدت التـوب على اللفة الهنية
وحاسد الروج على الرطب الجنية
وحاسد الحنة في قـدم البنـيـة
على النعمة وعلى الدرجة السنية


شكيت الصيدة كان شالت منامي
وهبّت جمرة الشوق في عضامي
عفيت الصيدة تسلم من كلامـي
براي بربحت تعذيبي وهيـامـي

حلـف بالله أنـا إن كُـت حليلـك
زي المتلي مـا ِبلمـح كحـيلـك
أغطـيك بالرموش في العين أشيلك
واخبيك فـي القليب نومـك مقيلك

******************************************
*****************************************

حرقوصك نتل جاب من هواكي دعاش
خيّم فوقك الليلي ومكاييل هاش
اتهتم سماك اسقى الـ كانوا عطاش
عربك تالتة واقفين ، لا برش لا فراش

ركزنلك بروقك عكّلن قيزانك
انهلن بشايرك واستعد عربانك
اتدلقن سحابك نعّ فوق وديانك
بي فرحة وطرب دقو الرباب عربانك

أضحو مبسطين شاكرين كريماً حي
سندوا الواقعة حلبو وشربو من الني
اتملى التبوب مصعن حمير الري
قاموا يعافرو في الشقق الرباطن ني

أخدوا الهجسة لي الكيفة الشميشا ضحي
يات من كان حلف قال الكرامة علي
أم ريد لولت القلاي ، جميلة الزي
أرياح الدمك غمرن ربوع الحي

********************************
*******************************

قش البطانة الفاقع
برعنو أمات براقع
أنا ما بديك: دهبي اللقيتو واقع

قش البطانة الفرهد
فوق المزرقن يرعد
انا ما جافيت لكن دريبك أبعد

الأخدر عيش الشاتي
صيفو وخريفو مشاتي
أرمولو القيد مفتاحو في حجباتي

ومن نظم البنات
الشايب ما بندورو
بالملالة فوق صنقورو
ناخد الصبي ساكت على حنجورو

الشايب بى التسلو
وبالشوكة التنكسرلو
شايب الضلال أحماني قريني أتلو

الشايب الجمجمــــة
نفسك دعاش الرمـــة
ناخد الصبي ساكت يبرد الحمى

ساعد في نشر شبكة بربر والارتقاء بها عبر مشاركة رأيك في الفيس بوك

 
 
 
 
 
 
    رد مع اقتباس
قديم 05-09-2007, 09:21 PM   #2

المك نمر

العضو الفضي
 
الصورة الرمزية المك نمر

 








المك نمر غير متصل
افتراضي

 
محمد ميرغني
والله جدمبدع وياريت تاواصل واستمتعت
جدا بالكلام الرائع ....ياصيل .....وانكرب اكتب..
ومنتظرين ..
 
 
 
 
 
 
    رد مع اقتباس
قديم 05-12-2007, 06:23 PM   #3

محمد ميرغني

عضو منتسب

 








محمد ميرغني غير متصل
افتراضي

 
مشكور المك نمر
اوعدك بحاجات جميله قريب وتنال رضاك انشاء الله
 
 
 
 
 
 
    رد مع اقتباس
قديم 05-13-2007, 04:29 PM   #4

علي جارالنبي

مشرف منتدى واحة الشعر
 
الصورة الرمزية علي جارالنبي

 








علي جارالنبي غير متصل
افتراضي

 
مشكور الأخ محمد ميرغني .... على هذا الإختيار الرائع الذي ينم عن ذوقٍ رفيع .
يظل الدوبيت ضرباً من ضروب الشعر ذو مكانة خاصة ومميزة لدى متذوقي الشعر .
ولعلنا في أمس الحاجة لمعرفة شعراء الدوبيت وأماكن تواجدهم في السابق والبيئة التي عاشوا فيها .
ياحبذا لو توضحوا لنا لمن هذه المقاطع الرائعة التي قرأناها .................
وان تكتبوا لنا عن شاعر البطانة : محمد احمد ابو سن ( الحردلو ..) & وشاعر بربر /ابراهيم الفراش & طه الضرير & محمد ودحسب الله ( ود الشريقاوي والكثيرون الذين مارسو هذا الإبداع ............
وداً وتحية .
 
 
 
 
 
 
    رد مع اقتباس
قديم 05-14-2007, 04:49 PM   #5

احمدمحمدابشر

عضو غير مسجل

 







افتراضي

 
شكرا علي الابداع نتمني المزيد
 
 
 
 
 
 
    رد مع اقتباس
قديم 05-15-2007, 05:03 PM   #6

مصطفى البشارى

عضو نشيط
 
الصورة الرمزية مصطفى البشارى

 









مصطفى البشارى غير متصل
افتراضي

 
قلتلا يا أم خديد بى نيتك انتى جزيتى
وبى رنعة ضهيرك زدتى لى أذيتى
كان ماك عارفة من جيهتك حمتى مزيتى
ليه عند الضحك تتنى؟ قاصده أذيتى؟

...........................................

قالت لى ياخوى عظمت لى جنيتى
أنا ياخوى مااا بقصد أذاك بى نيتى
لكن الله تقل لى الصدر فى بنيتى
يرجح بالضمير وأتنى من غير نيتى


شكرآ لكل الرائعيييييييين ...
 
 
 
 
 
 
التوقيع

لو ما بشوفك فى المنام ,, ما نمت مدة ما حييت ,,

ولو ما عشم لقياك صباح ,, من نومى أبدآ ما صحيت ,,

    رد مع اقتباس
قديم 05-15-2007, 05:13 PM   #7

ود بانت

العضو الماسي
 
الصورة الرمزية ود بانت

 









ود بانت غير متصل
افتراضي

 
محمد ميرغنى ومصطفى البشارى شكرا لكم يا رائعين ونحن فى انتظار المزيد
 
 
 
 
 
 
التوقيع

نقره لعرض الصورة في صفحة مستقلة

    رد مع اقتباس
قديم 12-10-2007, 10:08 AM   #8

شهدى سعد

عضو منتسب
 
الصورة الرمزية شهدى سعد

 








شهدى سعد غير متصل
افتراضي

 
أنا ماني التنبل الفي البيت صِنٍعتي حليبْ
بَدور الشًّدّة فوق إبلاً شوافي ونيب
إن حرًّت نخت الشكرة ما بنعيب
وإن بردت نكافيبهن سوالف أم طيب
********************
كم شديت على تيساً بسوك الناب
وكم جايب زَمَل من الرَّهد كَسّاب
حديث الناس كتير .. ما عندي ليهو حساب
إنقطَع اللسان يا فاطنة أبوك إن عاب
********************************
كم شدّيت علي تيساً بهمك الغَلة
وكم غوَّص بهن لامن شِهيرن حلَّ
ود مكّة بيقول يا خالي كيف الحّلَة
من سوقهن حلف بلال جنى خادم الله
******************************
كم شديت علي ضهر البِهمْك الشوكْ
وكم كرَّف قُروناً عَبَّكِن دايوك
أمانةَ يا حسن تاخد عشا الولدوك
ياتو الخَلَّسك وكت العساكر جوك؟
*********************
الليل حيلو روح وحس سروجنا يبنِّنْ
جدع النمّة ود أب زيد وصوتو يحنِّن
نحن الكُسًّر النظرة عيوننا تجنن
ديمة درقنا بي دم الرجال متحنن
*************************
كم بنداور المصرة ونمصرو ثديها
وكم بنشق عتاميراً بعيدة وتيها
يا نفس السواد المتعة كملتيها
أبقي لزومة وكت القرعة وقعت فيها
********************
 
 
 
 
 
 
التوقيع

نحنا الكسر النظره عيونا تجنن

    رد مع اقتباس
قديم 02-05-2008, 06:28 AM   #9

حوش الدار

العضو الفضي
 
الصورة الرمزية حوش الدار

 








حوش الدار غير متصل
افتراضي

 
بَشُوف دوبيتنا فاح عَطَّر ربوعك بربر
عروس الشمال زينة البحر والبر
شمينا البخور صندل مسك والعنبر
حطينا الرحال سامعين عشوقك طنبر
 
 
 
 
 
 
    رد مع اقتباس
قديم 02-05-2008, 08:13 AM   #10

حوش الدار

العضو الفضي
 
الصورة الرمزية حوش الدار

 








حوش الدار غير متصل
افتراضي

 
اقتباس:
المشاركة الأصلية كتبت بواسطة حوش الدار نقره لعرض الصورة في صفحة مستقلة
   بَشُوف دوبيتنا فاح عَطَّر ربوعك بربر
عروس الشمال زينة البحر والبر
شمينا البخور صندل مسك والعنبر
حطينا الرحال سامعين عشوقك طنبر


تاريخا قديم كتبوهو ناس أحرار
رجا الدكة سعدابية حوش الدار
خلاوي الغبش قرآنَّا عالي منار
في كدباس نقيف يُطْرِبنا صوت الطار
 
 
 
 
 
 
    رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

Facebook Comments by: ABDU_GO - شركة الإبداع الرقمية
Preview on Feedage: -%D9%85%D9%86%D8%AA%D8%AF%D9%8A%D8%A7%D8%AA-%D8%B4%D8%A8%D9%83%D8%A9-%D8%A8%D8%B1%D8%A8%D8%B1- Add to My Yahoo! Add to Google! Add to AOL! Add to MSN
Subscribe in NewsGator Online Add to Netvibes Subscribe in Pakeflakes Subscribe in Bloglines Add to Alesti RSS Reader
Add to Feedage.com Groups Add to Windows Live iPing-it Add to Feedage RSS Alerts Add To Fwicki
Add to Spoken to You
Feedage Grade C rated

Google

Powered by vBulletin® Copyright ©2000 - 2014, Jelsoft Enterprises Ltd. BrBrNeT
F.T.G.Y 3.0 BY: D-sAb.NeT © 2011
كل المواضيع والمشاركات المنشورة في منتديات شبكة بربر تمثل وجهة نظر كاتبيها ولا تمثل بالضرورة رأي شبـــــكة بربر
اخر المواضيع

العملاق لادارة ويندوز 7 واصلاح جميع اخطاؤه Windows 7 Manager 5.0.1 @ حضــــــــــرت ولم اجدكم @ الرائع في تحويل صيغ الفيديوهات AnyMP4 Video Converter Platinum 6.1.32 @ لماذا هاجر النبي صلى الله عليه وسلم إلى المدينة ؟؟؟ @ العملاق CoolUtils Total Image Converter 5.1.45 لتحويل الصور والتعديل عليها @ برنامج تشغيل جميع ملفات المالتميديا VSO Media Player 1.4.7.492 أخر إصدار @ أقوى عروض الرسائل في السعوديه @ عملاق استرجاع الملفات المحذوفه Aidfile Recovery Software Pro 3.6.6.7 مباشر @ عملاق استرجاع الملفات المحذوفه Aidfile Recovery Software Pro 3.6.6.7 مباشر @ برنامج حذف التروجان وملفات التجسس Kaspersky TDSSKiller 3.0.0.41 رابط مباشر @


 شبكة بربر

Google Adsense Privacy Policy |