عمـــــــــــــــــــة ترباس

[أمنيات]

المقادير:

3 كوب دقيق، ¼ كوب نشأ، ¼ كوب أرز مطحون
2 بيضة، 2 م ص باكنج بودر، م ص فانيليا، رشة ملح
½ كوب زيت، (¼ كوب + 3 م ك) ماء للعجن
زيت للقلي ،شيرا، جوز هند
الطريقة:
يخلط الدقيق، النشا، الارز، الباكنج بودر والملح جيدا
يمزج البيض والزيت والماء والفانيليا جيدا
يضاف الدقيق تدريجيا ويعجن حتي الحصول علي
جينة ملساء وتترك لمدة ½ ساعة

يرفع الزيت علي نار متوسطة في وعاء عميق ليسخن
تفرد العجينة بشكل طولي وتقطع شرائح متوسطة الطول
(كلما كانت الشرائح طويلة كان الشكل كبير)
تستخدم الشوكة الكبيرة في لف العجينة حولها
ويكون اللف تدريجي في البداية تلف بداية العجينة في اسنان الشوكة



وتوضع في الزيت وتبدئي في لف الشوكة بتسحب الشوكة وتترك ثم تقلب للجهة الاخري وترفع من الزيت

يترك يبرد ثم يصب عليه الشيرا وجوز الهند
وبالهنــــــــــــــــــاء
ومع طريقة الوصفه بالصور :


/IMG]



وده الشكل النهائي همممممممممممممم

والله الوصفه عجبتني شديد حبيت أنقلها لكم .... وبالهناء
ساعد في نشر شبكة بربر والارتقاء بها عبر مشاركة رأيك في الفيس بوك

[بربراوية]

الشغلة جدا ظريفة مسخيتها بعمة ترباس دي
والله أفوت جاي وجاي أبيت أفتح البوست قلت أوديها وين عمة ترباس
بركة الجيت الليلة الروعة دي كلها تفوتني
بس كان غيرو الإسم دا

[بت الشيخ]

والله الوصفه ساهله شديد

بس لو عرفت م ص وم ك اختصار لشنو ؟؟

[بنت ابوها]

اقتباس: المشاركة الأصلية كتبت بواسطة أمنيات     المقادير: 3 كوب دقيق، ¼ كوب نشأ، ¼ كوب أرز مطحون 2 بيضة، 2 م ص باكنج بودر، م ص فانيليا، رشة ملح ½ كوب زيت، (¼ كوب + 3 م ك) ماء للعجن زيت للقلي ،شيرا، جوز هند الطريقة: يخلط الدقيق، النشا، الارز، الباكنج بودر والملح جيدا يمزج البيض والزيت والماء والفانيليا جيدا يضاف الدقيق تدريجيا ويعجن حتي الحصول علي جينة ملساء وتترك لمدة ½ ساعة يرفع الزيت علي نار متوسطة في وعاء عميق ليسخن تفرد العجينة بشكل طولي وتقطع شرائح متوسطة الطول (كلما كانت الشرائح طويلة كان الشكل كبير) تستخدم الشوكة الكبيرة في لف العجينة حولها ويكون اللف تدريجي في البداية تلف بداية العجينة في اسنان الشوكة وتوضع في الزيت وتبدئي في لف الشوكة بتسحب الشوكة وتترك ثم تقلب للجهة الاخري وترفع من الزيت يترك يبرد ثم يصب عليه الشيرا وجوز الهند وبالهنــــــــــــــــــاء ومع طريقة الوصفه بالصور : /img] وده الشكل النهائي همممممممممممممم والله الوصفه عجبتني شديد حبيت أنقلها لكم .... وبالهناء

تسلمى ياالحبيبه وصفه واضحه ورائعه والعجب لما تاكلوها
بالهنا ليكم ......................

اقتباس: المشاركة الأصلية كتبت بواسطة بت الشيخ     والله الوصفه ساهله شديد بس لو عرفت م ص وم ك اختصار لشنو ؟؟

هههههههههه غايتو ياحبوبه اثبتى صحى انك حبوبه
اسى م ص ماعرفتيها معناها (ملعقه صغير)
م ك (ملعقه كبيره)
الله يديك العافيه جد ضحكتينى ههههههه

[عصام الجيلى]

والله حاجه جميله جدا يااستاذتنا امنيات
لكن نحن عاوزين بيان بالعمل يعنى التجربه
خير برهان ولاشنو ياشباب

[ام ابراهيم]

تسلمي أمنيات ان شاء الله ..

[فريدة خليفة]

اقتباس: المشاركة الأصلية كتبت بواسطة بت الشيخ     والله الوصفه ساهله شديد بس لو عرفت م ص وم ك اختصار لشنو ؟؟

والله قلت إنشاء الله ما يكون في زول رد لي حبوبة ...........عشان أبراها شوية ...لكن راحت علي..هههههههههههه
تسلمي أمنيات على الوصفة الجميلة........ونحن جاهزين للتطبيق.....

[النورشيخ الدين جبريل]

حسي انا جيت جاري قايلا عمتو اخت ابو
قتا يا كافي البلاء الجاها شنو - امنيات ما بلقا لي عندك
كرسي جابر ما دايراهو هههههههههههه

[بربراوية]

اقتباس: المشاركة الأصلية كتبت بواسطة عصام الجيلى     والله حاجه جميله جدا يااستاذتنا امنيات لكن نحن عاوزين بيان بالعمل يعنى التجربه خير برهان ولاشنو ياشباب

دا الكلام ياعصام
وأدينا النتيجة
علشان مانجغمس ساكت

[محمد احمد مصطفى]

ياامنيات انتي الاسم دا جايباهو من عندك ولا شنو
ياخ عمة ترباس بتكون عرقانة عامل كادوسو الزي المسحانة دة هههههه
تقبلي مروري وطلتك قلت في الراكوبة بعد الازرق ليه يعني