القرض

[علي جارالنبي]

ثمرة شجر ة السنط هي :

القرض

ماهي فوائده ... إستعماله وإستخداماته في حياتنا
وهل من دراسات علمية عن هذه الشجرة الثمرة .
ساعد في نشر شبكة بربر والارتقاء بها عبر مشاركة رأيك في الفيس بوك

[مشاكس]

القرض القرض القرض

غايتو باقي لي بينفع وجع الضرس

دراسات علمية دي بي يجوك ناس ود الشقله والمامون والبوصيري

( وعاطف نون وكتاحه) بين قوسين

[ود شندى]

القرض
او شجرة السنط
كشجرة له فوائد عده يستعمل كحطب للوقود وفى صناعة المراكب وينتج كميات مقدرة من الصمغ العربى
اما كثمره ففوائده لاتحصى وانا واحد من الناس لى اعتقاد قوى فى هذه الثمره
على سبيل المثال
مادة رئسيه فى صناعة دباغة الجلود
تستعمل لعلاج بعض الامراض
نزلات البرد الاالتهاب الصدرى الملاريا
تستعمل كبخور مع بعض العلاجات الاخرى
ولها فوائد اخرى

[ودالشقلة]

شاعرنا عمار الحاج وفي بواكير شبكة بربر اتحفنا بقصيدة رائعة اختار لها عنوان :

زمن السنط

مرة من مرات الزمن المكندك بالرماد
شال السواد
ألوان قزح
لبدا في بيت البكا
و عزم الناس كوراك شديد
شجر السنط واقف تمام
شايل الحيل عديل
باني الثبات
و السيرة جات
مخمومة بي كتاحة
رسمت وشا في وشوش ناس الفريق
نفر نفر
واحد حلف يضبح عتوت
و التاني نزل
كايس السعوط
متقريف زمن
يا أخوانا سفة
و الناس تكابس فوق ضليل
لا لامي جاي لا لامي جاي
زمن السنط زمن الوجع
زمن الناس تعيش وجع
تاكل وجع
عمك حسن جا يقعد في البرش
وقع
وقع الخبر شال الأتر
و الناس تشمشم
في الأتر
سبحان مسخر الحديد للنبي داؤود
صلو الشفع
ختو الوتر
عز ظهر
زمن السنط
زمن الرجال التشيل أكل
و تقيف تكل
و نادي بالروراي
لي باقي الناس
زمن السنط زمن
النحاس بقى طوشاتا
و النوبة دلوكة
و الدلوكة
لاندكروزر
زمن المرة بقت عضل
و البطل قبال ما يموت وصل
زمن الملاح بدون بصل
يا أخوانا هوي
نادو حاج اللمين
ياكلو لقمة
الينسند
راجيهو مشوار للبلد
قالو الشويفع داير يخش
يا أخوانا الدحش
دخل الزراعة و شال قمح
هووي يا ناس
أحسن تلزمو الجابرة
كدي ختو الرحمن
في القلب
الدنيا دي ما آخرا كوم تراب
و ياهو داك الدرب
درب البلد لي ود اللحد
زمن السنط
زمنا كعب
زمن الولد أكل القروش
الجابا خوهو
للزرع
سافر مرق
برة البلد
أكل التيراب
و جاهم بي الجديد
قميص حرير
بنطلون
علبة سجاير
وولاعة غاز
و النار تقيد
سلسل دهب لي بت خليل
و الحجة منها طار
النوم عديل
و الحاج يلملم في الحطب
و الحال كرب
يارب يا ودود
أديهو حيل يصبح يلملم باقي تمرا
كان خرب
زمن المتاهة
و الباكسي
و الطرب
زمن العديل أصبح
كعب
زمناً كعب .. زمناً كعب

[محمدطاهرالعباس]

القرض ثمرة السنط ذات أهمية كبيرة فحيات أهلنا فى الريف وفى البيئة القروية التى لا تتوفر فيها الخدمات العلاجية حيث يكون الإعتماد على القرض فى علاج الكثير من الأمراض فى مقدمتها إلتهابات الصدر والجروح والخراجات وفى بعض الأحيان لعلاج أمراض البطن ، وحتى الآن لا ندرى رأى الطب فى العلاج بالقرض هل هو مجدى وفعال أم لا ؟

[أبن مدني]

شوك شجر السنط يستعمل في المشاط وفي تحريم الجلود ....... وكمان ما ننسي الفحم ..... كماين الفحم تعتمد علي هذه الأشجار حتي تم تشريع قضائي بمنع حرق الأشجار بدون اذن .... ولكن الجماعة بيعرفوا كيف يضحكوا علي القانون ... يمشوا بالليل ويقطعوا الشدر وينقلوا الكماين الي اماكن مجهولة.

[أريج الشمال]

مشكورين جميعا للافادة من شجر السنط ومنتجاته

[حسب الظروف]

التسوي كريت في القرض تلقى في جلدها

[علي جارالنبي]

[QUOTE=مشاكس][COLOR="Purple"]القرض القرض القرض

غايتو باقي لي بينفع وجع الضرس


[glint]صحيح ............. يامشاكس
لك التحية .....

كان جدي عليه رحمة الله يخلط بودرة القرض وستاك بها ........... وكان مشهور ببياض الأسنان حتى مماته ( 113 سنة ) وكانت تصوف أسنانه بالشب .[/glint]

[علي جارالنبي]

اقتباس: المشاركة الأصلية كتبت بواسطة ود شندى     تستعمل كبخور مع بعض العلاجات الاخرى ولها فوائد اخرى

بخور القرض شايل للإلتهاب مقلاع .

لك التحية ود شندي .