السودان الوطن الواحد
شبكة بربر

الرئيسية أضفنا للمفضلة روائع منتديات شبكة بربر أجعل شبكة بربر صفحة البداية ملخص قرارات الإدارة الاتصال بالادارة
 ما شاء الله تبارك الله ما شاء الله لا قوة إلا بالله ، اللهم إني أسالك الهدى والتقى والعفاف والغنى

قوانين وضوابط المشاركة في المنتدى تفعيل العضوية طلب كود تفعيل العضوية استعادة كلمة المرور التسجيل

قـوقـل: شـبـكـة بـربـر أكـبر مـوقـع لـتـجـمـع الـشـباب الـسـوداني والمـواضـيـع الــهـادفـــة

شبكة بربر تهنيء المشرفة ميمي الدكة بمناسبة الزواج

قديم 09-30-2006, 11:02 AM   #1

محترف
 
الصورة الرمزية أريج الشمال

 









أريج الشمال غير متصل
افتراضي موســوعة الشِــعر الشــايقي

 
أعزائي اعضاء وعضوات منتدى بربر الاعزاء ..

سأقوم من خلال هذا البوست بمحاولة جمع اكبر عدد من القصائد التي كتبها مختلف شعراء الشايقية والتي حملت في طياتها جميع المواضيع التي تهم المواطن السوداني وبجميع الفئات تقريباً .. وعلى الرغم من ان الشعر الشايقي ارتبط قديماً بالحنين للأرض والبلد .. ولكنه حديثاً تطور ليشمل جميع المجالات التي تطرق اليها الشعر وبصورة متفردة جداً جعلت الشعر الشايقي ينتزع مكان له وبقوة وسط الشعر السوداني عموماً..

أتمنى ان ينال جهدي المتواضع اعجابكم ..
الكلمات .. محمد الحسن سالم حميد ..

سوقني معاك يا حمام ..


سوقني معاك يالحمام
... ...
سوقني محل ما الحبيبة
قريبة تراعي الغرام
غريبة الأشواق حبيبة
يجيبا منام في منام
... ...
سوقني محل ما المحنة
أيادي تقطر سلام
سماحة الحياة فوق أهلنا
وبلادي تقرقر وئام
... ...
غلابه وأمان مو الطيابة
ضكارى بصارى وكرام
حبابه الحبان في بابه
وتدخلوا عليّ الحرام

فقارى ولكن غنايا
غنايا بهذا الغمام
بهذا النيل كم تغايا
وتيرابا النرميهو قام
... ...
إرادة القمره البتقدر
براها تضوي الضلام
شعاع شمشاً ياما خدّر
وإذا يبَّس لا يُلام
... ...
فيابا خرابا الحرابة
وخرابة فكر سوسي سام
خرابة الكل نفسو تأبى
عقابه .. تلِم عم سام
... ...
ولِيد مخلوق للقرايي
خزين مدخور للجِسام
تتمر نيتو التخايي
إلاما مذهلل إلام

درب من دم ماب يودي
حرِب سُبّه .. حرب حرام
تشيل وتشيل مابِ تدِّي
عُقب آخرتا إنهزام
... ...
بطانة الشيطان قديمِة
وبعد دا منو العرشو دام

إذا الإنسان ما لو قيمِة
علي إيش خلَّفُو سام وحام
... ...
تعالوا الدم ما هو مويةِ
ولا ها ترايي المسام
أخويا وطراوة الخوة إبتسام
... ...
تعالوا نحانن بعضنا
تعالوا نحانن بعضنا
نخل قلبو على التُمام
نبضنا يشهل أرضنا
وأرضنا تجِم العضام
... ...
تعالوا بدل نبني ساتر
نخيب ظن الصدام
نطَّيب للعازه خاطر
نقوم لأطفاله سام
... ...
أخير كرّاكةً بتفتح
حفير وتراقد الركام
أم الدبابة البتكشح
شخير الموت الزؤام
... ...
تعال لي غابتك يا خيرا
تعال لها يا أسده الهمام
بدل دوشكة يغني طيره
محل قنبلة عش نعام
... ...
بلد صمَّي وشعب واحد
عصية على الإنقسام
أبيه وبكراها واعد
صبية ومشهاده تام
... ...
بساطه أحمدي كم يشيلنا
وتشهِّلنا على الدوام
نَقِل ليلنا تقوِّي حيلنا
ودليلنا تمام التمام
... ...
نلقّم سقف المتاهة
نجم هدّاي في الضلام
ونطعِّم حرف النزاهة
لإيئلافك يا حمام

ديموقراطية وأمان
سوا .. سوا عالين مقام
مواريثنا المن زمان
محصَّنة في أروع نظام
... ...
بريدك يا زول بريدك
بعشقك حتّى الهيام
أريحيتك عد تزيدك
مهابة وليك القيام
... ...
عهدي معاك يا حمام
حبِيْب الرُسل الكرام
رسول الأمراء العظام
عصامي على ما يرام
... ...
ماب تهدِل في خنادق
ولا ب تقدِل فوق حطام
ولا ب تنزل في فنادق
وسطنا مراعيك قُدام
... ...
فيا ملدوغ من أديس
معوَّق في كوكدام
تعال عمِّر فينا ميس
كفانا طشيش الكلام
جناحيك جنوب شمال
وأمش طوِّف يا حمام
محِل غصن العزّة مال
عليك وعليهُو السلام

حكيم الطير يا مهبِّر
شُراكة القَتَلة اللئام
متين بإسم الحق تكبِّر
وبالرحمة تصلِّي إمام
... ...
فلاحة العالم تعمر
محبّة مودة ووئام
يقص الايد التدمر
تشمِّر ساعد السلام
... ...
سوقني زمن كُلُّو عافي
نتاجو عِلم خيرو عام
بري آيمة من المنافي
وطن وافي على الدوام

ساعد في نشر شبكة بربر والارتقاء بها عبر مشاركة رأيك في الفيس بوك

 
 
 
 
 
 
التوقيع

نقره لعرض الصورة في صفحة مستقلة
    رد مع اقتباس
قديم 09-30-2006, 11:18 AM   #2

ود باقير

المشرف العام
 
الصورة الرمزية ود باقير

 









ود باقير غير متصل
افتراضي

 
مشكورة أريج الشمال و انا من عشاق الشعر و الاغاني الشايقيه من زمن أمونة بت الشيخ حمد يلا بالتوفيق
 
 
 
 
 
 
التوقيع

    رد مع اقتباس
قديم 09-30-2006, 11:36 AM   #3

العبيدية

محترف
 
الصورة الرمزية العبيدية

 








العبيدية غير متصل
افتراضي

 
أريج الشمال تشكرى ونرجو المزيد من الفن الشايقى
 
 
 
 
 
 
التوقيع

مابيدى ويقول اديت
ومابسوى ويقول سويت
ياودرحمة ضو البيت
حمدلله بسلامتك جيت
ليل موفشار
سمحة الملكة فوق مختار
جيد ليلا بملك العبيدية

    رد مع اقتباس
قديم 09-30-2006, 01:33 PM   #4

أريج الشمال

محترف
 
الصورة الرمزية أريج الشمال

 









أريج الشمال غير متصل
افتراضي

 
معذور لو قلبي اشتهاك ما إنت عارف فرقتك ما بيحملا القلب الهواك …
معذور…

دا مناه يوم ما نتفرق يا ريتو كان يفضل معاك
لو بي مرادو يقوم يجيك تلقاه بين ايديك حداك
متمني ألحق بيك سريع نتلاقى والأشواق هناك
جاييك هارب من سنين جاييك واقع في حواك


غلبو النواح يوم فُرقتك بالدهشة خانس إتعبر
ما بين نوازع الروح إليك هايم وبين حُكم القدر
ما اتزعزع الإيمان جواه ولكنو في الآخر بشر
قايل عليك شدة وتزول ما قايلك إنت علي سفر

ما كان هو فاهم يومو داك إيه ضحكة البرق اللصف
ولا كان هو شايف للهموم الجاية واقفات ليهو صف
ولا كان هو حاسس بالغرام الباني في الغيم إتنسف
لقى نفسو فجأة بلا وجيع مفجوع ومفقوع بالأسف

يا ريتو كان وقف الزمان قبال تروح صدَّ ورجع
ما كان غشانا الحزن يوم لا فُرقة بيناتنا بتقع
كان لا رثيتك لا بكيت لا قلبي فيك يوم إتفجع
وما كان قدر ذكراك صِبح يومها التزور مُره ووجع

معذور… لو قلبي اشتهاك
 
 
 
 
 
 
    رد مع اقتباس
قديم 09-30-2006, 01:38 PM   #5

أريج الشمال

محترف
 
الصورة الرمزية أريج الشمال

 









أريج الشمال غير متصل
افتراضي

 
عابرة ( عبر الدم )
محمد احمد الحبيّب
يا عابرة عابرة الدم شايلك شرايني
أنا بي لقام مهتم بس كيف تلاقيني
لو عمري يتقدم وأضمن تلاقيني
أنا بعدو ما بندم لو مُتَّ في حيني

طيفك يزورني إشواف في النوم يناجيني
ويرحل بدون إشفاق ساعة يصحيني
يا طيف أكان مشتاق لي مين مخليني
طفل الغرام العاق ربيتو مابيني

يا عابرة دنيا الجن بي كل أعاصيرا
لو سعدي ما ممكن احسن لي من غيرا
أنا بي لقاك مؤمن لكني في حيره
يصعب لقاك كيفن والدنيا بي خيرا

أنا كنت شئ مجهول يا عابرة لولاكي
مع أني أول زول من بين ضحاياكي
فرشّتِي عمري الشاب اشعار من أملاكي
كانت على الاطلاق أجمل هدايكي

يا اماني لي بكرة والليلي والبارح
شايلك معاي ذكرى كان واعي كان سارح
بس يوم تبين سفرة يا عابرة بي الواضح
في نيتي من فكرة داير اجيك نازح

انا لو قدرت اجيك رؤياك منى عيني
أكسير حياتي وشيك من حزني يشفيني
من إشتياقي اليك يا عابرة دسيني
ما بين رموش عينيك شيليني ختيني

كل البسيطة حسان يوم ما ملن عيني
غير عابرة مافي إنسان يهدمني يبنيني
آآآآآآآه يا جمال فتان قلب موازيني
لولا صفاء الايمان يفتني في ديني

مصباحك المسحور جاهرني عاميني
سائق خطاي مبهوش يسوقني يوديني
ما عارف المقدور بالفرقة راجيني
خارج نطاق النور حايم حواليني
 
 
 
 
 
 
    رد مع اقتباس
قديم 09-30-2006, 01:45 PM   #6

أريج الشمال

محترف
 
الصورة الرمزية أريج الشمال

 









أريج الشمال غير متصل
افتراضي

 
جرح الريدة

سافر يا جرح جواي فوق جناح السرعة
الموج يوم يضارب الشاطئ
والريح لما تطفئ الشمعة
والمحبوب وقت يجرحني لو ضمير يحس أو يوعا
جرح الريدة كان يتعد من ضمن العجائب السبعة

الضايق عقارب الريدة يرميهو الأثر بالخلعة
بنوت حواء ما لاتنو بالخوف والشجن واللوعة
بالليل والجراح نتاحة والناس ناموا بعد الهجة
شفت بنات نعش في دمي يتهادن بهيات طلعة

يا قلبي الحزين اسمعني خت قرض الصبر في الوجعة
قول لي كيف تفيدك عترة وانت وقعت كم من وقعة
اشهدت واستغفرت وغسلت العليك بدمعة
اتيقنت قلت براك ما ليك تب عشم في رجعة

مالك قلبي من تطراها بالبيك لا بتحس لا بتوعى
منحوس انت من ما قمت اصلك ما بتفوز بقرعة
سعدك لو تجيبو كرامة كان مديت زمان القرعة
في المر ما عليك ملامة أشرب ما تفضل جرعة

الناس قالوا لي انساها لو داير تطيب بسرعة
حاولت وغلبني انساها ذكرت صبحت لي طبعة
طلعتا في صباح ايامي لا غابت خميس لا جمعة
سرقت بالي ما فضل لي منو قدر اعد لسعبة

يا ست الحسان احلامنا ما بنلقاها عن ست ودع
في دنيا الغرام والريدة البكا والنواح ما بدعة
زول كانت مشاعرو عليك جاري زي الحجر في الفلعة
محتار نارو كيف يطفيها مادام النفس بقى ولعة
 
 
 
 
 
 
    رد مع اقتباس
قديم 09-30-2006, 01:49 PM   #7

أريج الشمال

محترف
 
الصورة الرمزية أريج الشمال

 









أريج الشمال غير متصل
افتراضي

 
الرواسي
حاتم حسن الدابي

مدر مدر يا رواسي نحن بعاد لحقنا القيفة
انت مدبج ونحن نقاسي
برد امشير والموج والزيفة

مركبك الماليها مطارق تمشي تقيف تسرح بي كيفة
مرة مغارب ومرة مشارق وانت تخاف الريح وحفيفة
ساوها زينة وفوقا بيارق وأنت مدبج توب وقطيفة
فيها المات والضاربو الفالق والسالمين في حالة مخيفة


كل الناس ترزح في كفة وأنت وناسك فوق الدفة
الدايشين والراسهم لفة والشاخصين في المدى للضفة
ساو طبالك فوقهم الفه جوة الموية وريقهم جفة
من العطش النص اتوفى وباقي النص الفضل جيفة


ضاقوا المر والحال استعصى الشغال واللاحق الحصة
الواصال للرحم اتقصه والهداي مو لاقي الفرصة
الرساي سافر ما وصى خلى محمد واحمد وحفصة
الأطفال العرفو القصة سدت جو حلوقهم غصة
من الجوع الدم اتمصة وأصبح كل الحلم رغيفة


كل الراكب شاف أحلامو دون احساس ماتت قدامو
فن كتابو وكسر اقلامو لا الولدين لا جار ما لامو
هزموه اخوانو البي الجوع نامو وكم خريج ما لاقي وظيفة


يا الفكيتها وقلت لها سيري وعارف أنو الدنيا دميري
لا في في ضفاف لا شفنا جزيري لا في الحيري لا في الطيري
كسرت جناحها وقلت لها طيري اتملكت الكانت ميري
يا السودت الناصع وجيري ايد الحق صابوني وليفه


قبلك كم متعلم وقارئ عكس الريح فكولو الصاري
مشدوهين متعشي وحاري ريسها شلته البحاري
كم سنوات علاما البارئ واقفي وهم شايفنها جاري
بقينا هلاك والقيف مضاري لا حجار لا دوحة وريفة

حسك عينك ما تتمادى وتنسى الراكب عندو ارادة
الأهوال الشافها وخاضها كان في مدرسة ولا عيادة
شفنا الأيد الكانت اجوادة يا مبتورة ويا شحادة
وياما رقاب كانت سدادة علمت الله من التعريفة


يا ريسنا قدر مديرك فك الدفة وادها غيرك
احفظ نفسك ترضي ضميرك وقف اوع تواصل سيرك
كان طاوعتنا شن بيضيرك عرض اكتافك وفك البريك
لا هني شكرا وكتر خيرك وكل انسان في الارض خليفة
 
 
 
 
 
 
    رد مع اقتباس
قديم 09-30-2006, 02:11 PM   #8

atif2nano

خبير
 
الصورة الرمزية atif2nano

 









atif2nano غير متصل
افتراضي

 
والله يا أخوانا غايتو الشوايقة ديل كتّابين كتابة..
قصدي كتابة الشعر ما الكتابة التانية
مشكورة أريج وكان بي لبن .. أسكت كب
 
 
 
 
 
 
التوقيع

إن رأيتي الصبح يبدي
لك سحرا
فإذكريني وأذكري يوم
البحيرة

    رد مع اقتباس
قديم 09-30-2006, 02:12 PM   #9

امير العضيم

مشرف المنتدى العام
 
الصورة الرمزية امير العضيم

 








امير العضيم غير متصل
افتراضي

 
مشكورة اختنا اريج الشمال
نرجوا منك المزيد وفقك الله
من زمان نحن متعطشين لتوثيق لأغاني اهلنا الشواقه لمافيها من كلمات جميلة وخيال واسع
شكرا كتير اريج ونحن في إنتظار المزيد
 
 
 
 
 
 

التعديل الأخير تم بواسطة امير العضيم ; 09-30-2006 الساعة 02:15 PM
التوقيع

نقره لعرض الصورة في صفحة مستقلة

    رد مع اقتباس
قديم 09-30-2006, 02:15 PM   #10

كرنديس

العضو الفضي
 
الصورة الرمزية كرنديس

 









كرنديس متصل الآن
افتراضي

 
روعه والله يا اريج لو تعرفي كيف شعر الشايقيه بي يسوي فينا . يالله كمان تاني واحده لي حميد او اقول ليك خليك مع حميد حتى يخلص بعدين نشوف الباقين ...
 
 
 
 
 
 
التوقيع

نقره لعرض الصورة في صفحة مستقلة

    رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

Facebook Comments by: ABDU_GO - شركة الإبداع الرقمية
Preview on Feedage: -%D9%85%D9%86%D8%AA%D8%AF%D9%8A%D8%A7%D8%AA-%D8%B4%D8%A8%D9%83%D8%A9-%D8%A8%D8%B1%D8%A8%D8%B1- Add to My Yahoo! Add to Google! Add to AOL! Add to MSN
Subscribe in NewsGator Online Add to Netvibes Subscribe in Pakeflakes Subscribe in Bloglines Add to Alesti RSS Reader
Add to Feedage.com Groups Add to Windows Live iPing-it Add to Feedage RSS Alerts Add To Fwicki
Add to Spoken to You
Feedage Grade C rated

Google

Powered by vBulletin® Copyright ©2000 - 2014, Jelsoft Enterprises Ltd. BrBrNeT
F.T.G.Y 3.0 BY: D-sAb.NeT © 2011
كل المواضيع والمشاركات المنشورة في منتديات شبكة بربر تمثل وجهة نظر كاتبيها ولا تمثل بالضرورة رأي شبـــــكة بربر
اخر المواضيع

مع بداية العام الهجرى الجديد @ لكل مؤمن هجرة @ المريخ يهزم الهلال1/3. @ دعا يقال لمرة واحدة في العمر @ دعا يقال لمرة واحدة في العمر @ ديك الجن كرهتنا المنتدى @ براي @ للاستفسار عن الاجراءات الهجرية بجهاز المغتربين @ من آداب يوم الجمعة @ مخاض ميلاد @


 شبكة بربر

Google Adsense Privacy Policy |