السودان الوطن الواحد
شبكة بربر

الرئيسية أضفنا للمفضلة روائع منتديات شبكة بربر أجعل شبكة بربر صفحة البداية ملخص قرارات الإدارة الاتصال بالادارة
 ما شاء الله تبارك الله ما شاء الله لا قوة إلا بالله ، اللهم إني أسالك الهدى والتقى والعفاف والغنى

قوانين وضوابط المشاركة في المنتدى تفعيل العضوية طلب كود تفعيل العضوية استعادة كلمة المرور التسجيل

قـوقـل: شـبـكـة بـربـر أكـبر مـوقـع لـتـجـمـع الـشـباب الـسـوداني والمـواضـيـع الــهـادفـــة

شبكة بربر تهنيء المشرفة ميمي الدكة بمناسبة الزواج

قديم 05-27-2011, 11:34 AM   #21

بربراوية

المشرف العام
 
الصورة الرمزية بربراوية

 








بربراوية غير متصل
افتراضي رد: نزاريات .. محاولة لتجميع ديوان شعر إبن القمبرات .

 
أين إنت يامبدع القمبرات
غيابك طال وعذبنا الإنتظار
عساااك طيب
 
 
 
 
 
 
التوقيع


أولاد أدم
المُـنـظـراتى ......
الإهـــانة دى ليييييه !!!
جـيـبـوووو لى بـخـور....

تستااااااااهل إنت الحشرك شنو......؟؟

    رد مع اقتباس
قديم 05-28-2011, 08:38 AM   #22

البشير ود مديني

العضو الذهبي
 
الصورة الرمزية البشير ود مديني

 









البشير ود مديني غير متصل
افتراضي رد: نزاريات .. محاولة لتجميع ديوان شعر إبن القمبرات .

 
شكرا لك أخى الجوص -- والله الجنا دا انا سمعتو كتير وشوفتو مرة فى التلفزيون براى فى سرى قلت الجنا الجنا دا هيلنا .
لك الشكر أخى نزار رايع أنت واشعارك كلها فوق جرح حلف بالله مصارينا دبل مقطعات بالوجع من جنس المواسير الحايمة دى عِلا عاد العين بصيرة والليد قصير ة.

مودتى وتقدبرى ....
 
 
 
 
 
 
    رد مع اقتباس
قديم 11-25-2011, 12:27 AM   #23

نزار القمبرات

عضو
 
الصورة الرمزية نزار القمبرات

 









نزار القمبرات غير متصل
افتراضي مرابيع المبيوعة

 
كضابه ورخيصه وإشتراك بالفكه
كسرتي البنيتو وإتهدم وإتدكه
لو قايلاني بندم وإنكسر وإتبكه
تتقده السماء وإبليس يطوف في مكه

ماعقرت عليك الزايله شان إتعنه
بس عقرت علي والمتلي مابتنه
في ستين غرامك والف من تتمنه
لاريدك فرض لا لي بودي الجنه

ومايغررك قليبا" بي غرامو مفشر
الزارع الحرج حتما" حصادو مقشر
بليلتا" من مرحب بالضيوف ومبشر
افضل من ضبايح للبلاقي مكشر

لاطلقك رمتني ولاجرحني عياره
في غيرك رويحتي بتلقه بكره دياره
في النوم إن خيالك مره جاني زياره
عيني بي السهر عدم التلاقي خياره

وإن حرت علي باكر بكرف النسمه
لي هيبه وكرامه من الكواكب اسمه
إن قلتي آلحزن غره وتميمه ووسمه
قبلك كم جرح جواي مضاريه البسمه

والبكاء للبفوت آبنيه تب مابريدو
وإن قلتي الوجع منو ودليلو وسيدو
يوم إطرو الحزن فطرو وصايمو وعيدو
قرريع النخل بعد الصفار آبفيدو

ريدك ولى عهدو وكل سنين الغيره
والقلب العشق مله وكرهتك سيره
لوعشمك شقاي وبكاي ونار الحيره
زمزم تندفن تنشف منابع بيره

قررت وحلف بي الله يامبيوعه
لو صبحت فرض لي رجعتك مرجوعه
لو ترجي الموايق يتهمل مدموعه
تشرق من غرب شمس الله يامخدوعه

موفال عنتره وقيس إتنخج وإتقله
عندي العذه اولى وبيها يوت إتعله
اغبش ود بلد من فرضي مابتخله
ملعون العشق والمتلي مابتزله

عيني مابيبكن ومن خلق ناشفات
وجنحين الصبر والسمته لي صافات
احلام العبوس اقلبي خيل صافات
وخلي الجفلتهن واقرع الواقفات

باكر تندمي وتنزل دموعك سايله
يا المتكله في حيتطا" قصيره ومايله
كان المولى مده عمرنا فوق الزايله
بوريك النجم عذ نهار القايله

لو غراك جمالك فوقي ماتتعالي
نسبي جمالك إنتي ومابيبقي كمالي
كان انا مابخاف الله الكريم العالي
يوسف يابنيه جمالو باقي جمالي

فوقي عفاف وهيبه مستفاني وعذه
ركازا" قسم ساعت تخبت الهذه
من زمني الصغير انا مابعرف البذه
برضع لبوة الاسد ام جددل لذه

ضق لبن السواجع وإنفطم بي شربو
داوسة الاسد جربته كتلو وزربو
إبليس اللعين انا يوم امش بي دربو
بصبح شيخ وواعظ وينسه شركو وحربو

كلمات:نزار سراج احمد الحاج
15/7/2009
 
 
 
 
 
 
    رد مع اقتباس
قديم 11-25-2011, 12:30 AM   #24

نزار القمبرات

عضو
 
الصورة الرمزية نزار القمبرات

 









نزار القمبرات غير متصل
افتراضي مره العيد

 
جاني مره العيد ورووح،وليا جررح بي سيوفك..
لا فرح عمالمشاعر،لارضة جادت ظروفك..
وديمه تبعدي ياحبيبه،وتكوي بي هجرك ولوفك..
ونفسي افرح بيهو مره،وبيكي إتهنا وآشوفك..

وياحبيه آلفرحه دونك،مره من غيرك مأسي..
وكوني زي قارب بفتش،لي ضفافات المراسي..
ولاشمس مدت شعاعه،ولا قمر ضوه الاماسي..
ويافرح قلبي آلبريدك،ويادواي وهواي وآسي..
حياتي من غيرك متاهه،وخوفي قلبك يبقا ناسي..

وعارفه إنك في آلدواخل،وقلبي مابحمل عزوفك..
ويوم آنوم انا بيكي بحلم،وبصحى بترقب طيوفك..
ويوم آمس وتر القصايد،آغني وآكتب في حروفك..
ويوم آعاين في المرايا،مابشوف نفسي وبشوفك..
ويوم آعاين في المرايا،مابشوف نفسي وبشوفك..

نزار سراج احمد الحاج

بتاريخ رابع ايام عيد الاضحي المبارك العام الماضي
 
 
 
 
 
 
    رد مع اقتباس
قديم 11-25-2011, 12:34 AM   #25

نزار القمبرات

عضو
 
الصورة الرمزية نزار القمبرات

 









نزار القمبرات غير متصل
افتراضي رد: نزاريات .. محاولة لتجميع ديوان شعر إبن القمبرات .

 
مساجله مع الاخ الشاعر محمد يونس ود كبير2008


ود كبير

وخابرك ود سراج في الحاره إت قدامي

في القول والنضم ياكا البكون الهامي

وحدك يا الاصم قادر على الجامي

حبك في الضلوع مكتوب علي الزامي

* * * * * *

ود سراج

وإت رعد ام هبج منك بيروه آلظامي

يا ود الاصول الكا السهيل السامي

إت وطن الشعر منك بمد إلهامي

وإت ملك الشعر بحر آلدميره الحامي

* * * * * *

ومعروف يا الاصم من تال ابوي وجدي

كل الناس يمين ما بقيفو ابدا ضضدي

عارفك يا الاصم تمساح دميره بعدي

سويلي الكلام خلي الاقيف فوق حدي

* * * * * *

ودسراج

وإت ياكا الاصم زولاً بعز اخوانو

ماشبه الخسيس الخان عروض جيرانو

إن قلنا الشعر فحلاً تجيد ميزانو

وإن قلنا الكرم منك وجد عنوانو

ود كبير

* * * * * *

وتسلم يا الاصم إلا الجواب اخرتو

شحتفت القليب ريقي العلي بخرتو

احسب في الوقت نوم العيون قللتو

وشن لازم السرير وانا بي قفاك كسرتو

* * * * * *

ود سراج

لا ببخل عليك لا ردي استكترتو

متلهف نزال الا القلب صبرتو

نغجلت القلب بي شعرك إت حيرتو

ود عيني صحى ومني النعاس طيرتو

* * * * * *

ود كبير

وسواي للحديث طيرت مني القافيه

خليت الحروف تبعد و تصبح جافيه

ارهبت العقول ظنيتك إت المافيه

تسلم ود سراج كل حاجه منك كافيه

* * * * * *

ودسراج

ناديت الحروف وعليكا لبت حافيه

ياود الاصول الروحو طيبه وصافيه

اشعارك معنفه والمؤكد شافيه

ليك جواي مكان يديك ربي العافيه

* * * * * *

ود كبير

وإت يا الاصم همباتي بخبر صيو

قناص للنجيض ما عندو شغله بنيو

مغمول الجراح بداوي إت بكيو

خيك دار يطيب وكتير معاهو الزيو
 
 
 
 
 
 
    رد مع اقتباس
قديم 11-25-2011, 12:35 AM   #26

نزار القمبرات

عضو
 
الصورة الرمزية نزار القمبرات

 









نزار القمبرات غير متصل
افتراضي رد: نزاريات .. محاولة لتجميع ديوان شعر إبن القمبرات .

 
حبابك جيتي من تاني،بعد راحت سنين الهــــــم..

رجعتي تبعثري الفرحه،وتربي في حياتي الغـــم..

وحاتك لالا مابقدر،مرادك تاني مابنتــــــــــــــــــم..

نسيت ايامك المره،وزمن كان القلب مغــــــــــرم..

كفاي العذه افضل لي،غرامك زنبي وإتحـــــــــرّم..



منو الدلاكي من تاني،بعد عيني نست وصـــــفك..

بعد كرهت حياتي هواك،وملت دنيته وعطـــــــفك..

بعد قلمي الكتب فوقك،مسح من النضم حــــرفك..

بعد موجك همد ريدو،وطمح يمي وعمدجـــــــرفك..

حبابك وإلا مابقدر،انووم بالفرح طــــــــــــــــــرفك...



وداعا" وتاني مابرجع،ولابندم عليك اشـــــــــــكي..

وبقفل سكت الرجعه،وشبيبيك الامل بتـــــــــكي..

وإذا طيفك عبر صدفه،بونسو بي هواي احــــــكي..

ومناديلك عزاي ودواي،اقشبه دمعي يوم ابــــكي..

ومناديلك عزاي ودواي،اقشبه دمعي يوم ابــــكي..

كلمات نزار سراج احمد الحاج

2011/4/17م
 
 
 
 
 
 
    رد مع اقتباس
قديم 11-25-2011, 12:41 AM   #27

نزار القمبرات

عضو
 
الصورة الرمزية نزار القمبرات

 









نزار القمبرات غير متصل
افتراضي اخوك آآسلمى

 
اخوك آآسلمى دخرك وللقصايد ســـاس..

ونمرا" ود نمر فوق النفايس مــــــــــاس..

اخوكي بخووف الجن المخووف نـــــــاس..

اخوك آآلحره صندل كم معطر فـــــــــاس..



اخوك آآسلمى عالي ومابنكــــــس راسو..

في كل المجالس صال وراكز ســــــــاسو..

نمر آآسلمى ماباره الرجال الخــــــــــاسو..

ديوان الرجاله وطبلتو وتربــــــــــــــــــاسو..



اخوك آآسلمي عنوان الخصال الســـمحه..

فارس ودجعل طبق الشُكر بي طـــــمحه..

شقاق الخلا وصبق البراق اب جــــــمحه..

عينو تخووف الاسد الزأر بي لـــــــــــمحه

..

اخوك آآسلمى شاعر ومن سغيير عاصدو..

قناااص القوافي وديدبــــــــــــــانن راصدو..

تاني الخلفاء بي صفة الرججْـــــــل قاصدو..

فايز بي خصالن وست مقامن حـــــــاصدو..

اخوك آآسلمى اوصاف الرجال تتبــــــــعلو..

مشايا" جزم خيل الصبق تخـــــــــــــدعلو..

اخوك آآلحره إن ضرب الجبال تدمـــــــــعلو..

خووك آآلسمحه إن نضم الطرش تسمـعلو..

اخوك آآسلمى بلسم وللمنغجل كــــمدو..

ساسا" للقصايد والمربع عــــــــــــــــمدو..

بركان الشعر،هابو ورجع لي خــــــــــمدو..

وإبليس إن لقاهو بتووب وبقراء آآلحــــمدو..



اخوك آآسلمى سامي ونضمو مو طلقيبه..

نجْض للحروف وقوافي مي ســـــــلقيبه..

راكز للعبوس ومغايسه وفــــــــــــــلقيبه..

دربو آبليس إخافو وبهدله وزلــــــــــــقيبه..

كلمات نزارسراج احمد الحاج

 
 
 
 
 
 
    رد مع اقتباس
قديم 11-25-2011, 12:45 AM   #28

نزار القمبرات

عضو
 
الصورة الرمزية نزار القمبرات

 









نزار القمبرات غير متصل
افتراضي مساجله ونسه مع الإخوه وبألتزام كامل بالرد من ناحيتي بفن الدوبيت

 
نزار سراج
يا الفسباكه مشتاقيين وكيف اصبحتو..
شوقا" بالقصايد والشعر وضحتو..
النم للعذاذ آل مو خمج نقحتو..
فوق الفيس مرسلو بي عطر نفحتو.
منذ 15 ساعة عبر فيس بوك جوال: • إلغاء إعجابي •

أنت وعثمان محمدحاج عمر وزووزو عابدين عوض وعادل عبد الباسط و 8 آخرون معجبون بذلك.

Alfaki Hamza ماف كلام والله
منذ 15 ساعة • أعجبني

بلسم جروحى ياهلا رمضان كريم تصومو وتفطروا على خير
منذ 15 ساعة • أعجبني

Mohammed Ali اخوي نزار والله مشتاق ليك
منذ 15 ساعة • أعجبني

Rani Farah ومرحب ودسراج يا الغالي كيف اخبارك
يا سيد الشعر واحشنا وين مسدارك
جيتك بالكلام الليلة قاصد دارك
عارفك زول كرم في الظلمة واقد نارك
منذ 14 ساعة • أعجبني • شخص واحد

عبدالله الانقريابي شوقك قبلناه وفي القلب ختيناه
وين الذول ياناس الشوقنا ماراعاه
إنشاء يكون المانع خير مننا الوداه
منذ 14 ساعة • أعجبني

ومضه سورج
معقوله ودسراج شخصياوالله مشتاقييييييييين وينك مختفي ورمضان كريم
منذ 14 ساعة • أعجبني

نزار سراج
حبابك يالفكي وشرفت خلك اخوكه..
ويابلسم جروحي حبابك آآلمبروكه..
آهلا" بي محمد فارس المعروكه..
لاباره الكباير لامدغ بازوكه..
منذ 14 ساعة • أعجبني
نزار سراج
حبابك راني نورت ومشررف كارك..
آآلتعل الهميم المابتتطعن جارك..
نقرش دف قصيدك ولينا نقر طارك..
آآدود أم لفيخ الما لبد بي تارك..
منذ 14 ساعة • أعجبني

Khaldoun Khalafalla
رمضان كريم وانشاالله من عواده نزار
منذ 14 ساعة • أعجبني

عبدالله الانقريابي
وين يامك قالوا البعد جفاء
ونحنا شوقنا ليك خلانا ماشين حفا
منذ 14 ساعة • أعجبني

نزار سراج
حباب عبدالله مرحب جعلي وإنقريابي..
نسلك نسلي من ناب آب جددل نابي..
مرحب ومضه شايقيتا" صدحلك دابي..
علك طيبه وإن جاك العدل ماتابي..
منذ 14 ساعة • أعجبني

نزار سراج
ود خلف الله اكرم وبي وجودك عايد..
الشهر العظيم المنو ضقنا فوايد..
آآعبدالله هجرا" من صدود ومكايد..
طبع الدنيا زايله ولي فراقه عوايد..
منذ 14 ساعة • أعجبني • 2 شخصان

ومضه سورج
طيبه يااخوي بس فاقدنك كيف رمضان معاك
منذ 14 ساعة • أعجبني

ام ايمن محمد
نذار رمضان كريم تصوم وتفطر على خير واناسعيده جدا بى ملاقاتك فى الفيس
منذ 14 ساعة • أعجبني

عبدالله الانقريابي
مرحب حباب نزار فارس القبيله وساسه
ليك السلام من أم نخيل البنبقي ليها نحن حراسه
منذ 14 ساعة • أعجبني

نزار سراج
حباب ام آيمن آهلا" حباب الطله..
يابت الملوك إرعاك إصونك جلا..
مرحب بالجميييع آهلا" حباب الخله..
واللييك مشا والجاني سلم وهله..
منذ 14 ساعة • أعجبني

عبد العزيز جبريل الجبارابي
حبابك ود سراج ياضل هجير الصيف
حباب نمر النزال فارس القلم والسيف
منذ 14 ساعة • أعجبني • شخص واحد

نزار سراج
ياومضه السلام الزايله بي لمتنا..
وافضال الصيام المي خمج عمتنا..
ود إنقر منور وابقي من شلتنا..
بي لمة حبايب تندمل علتنا..
منذ 14 ساعة • أعجبني • 2 شخصان

حافظ الأمين
صباحك ياالهميم حالى ورزازو لمحتو
باهى وصبوح باينه وشهيه فرحتو
هانى وسعيد زى الضريره نفحتو
يهيج فينى تزكارا" من قليبي مسحتو
منذ 14 ساعة • أعجبني

نزار سراج
ود جبريل حبابك ياتمام الكيف..
وآهلا"بالأصيل النمو واضح نييف..
آآناس السلام المني شالو آلطيف..
إهذ الفيس ودارو وحدو حد السيف..
منذ 14 ساعة • أعجبني

عبدالله الانقريابي
حباب الجباراب حرررم فراسا تقلبوا البيعه
والمابيكم ماعندو وصف غير نقول عليه تبيعه
منذ 14 ساعة • أعجبني

ومضه سورج
أحبارك وتلفونك علي طول مقفول جبتلك حبت افترا
منذ 14 ساعة • أعجبني

عبد العزيز جبريل الجبارابي
الله اكبر الانقريابى حرررررررم حبابك مليون آ مك
منذ 14 ساعة • أعجبني

ام ايمن محمد
شكرا ي ودسراج على التعبير الجميل المافى ذيو مثيل وربنايحفظك ويرعاك لينا ولى امك الوالداك
منذ 14 ساعة • أعجبني

نزار سراج
عوووك عوكين حبابك حافظ..
آآدخري آلقبيله آلي كتابك حافظ..
آهلا" بالأصيل البي آلكضب مو لافظ..
التعل النزل فووق الوديين نافظ..
منذ 14 ساعة • أعجبني • شخص واح
د
Khaldoun Khalafalla
ماشا الله عليكم مبدعين والله وربي يحفظكم واقترح عليكم انشاء مجموعه تضمكم وبمتعونا بي نمكم الجميل دا
منذ 14 ساعة • أعجبني

عبدالله الانقريابي
سلام آناس سلام أهل الكلام والنمه
من قلب أم نخيل ليكم درر منتظمه
تدافر حروفه دايره الطلوع والمرقه
تحمل سلام مطبوق من تحت ضل التمر والمنقه
منذ 14 ساعة • أعجبني

نزار سراج
ومضه:زيرو وتسعه وإتنينين وماغيرتو..
فوقو تلاته فوقو تمانيه ماضيرتو..
تاني تلاته تاني تمانيه ليك سيرتو..
تسعه تامنيه آخر ارقامو ماغيرتو..
منذ 14 ساعة • أعجبني • شخص واحد
 
 
 
 
 
 
    رد مع اقتباس
قديم 11-25-2011, 12:46 AM   #29

نزار القمبرات

عضو
 
الصورة الرمزية نزار القمبرات

 









نزار القمبرات غير متصل
افتراضي خاطرة فراق

 
من غيرك بعيش مكسور،ومتستف عزاب وجراح..
وإلا على البعد مجبور،اخير ارحل كفاي آتراح..
ولابندم عليك وبجور،ولا ببكي الغرام الراح..
وببعد بالغصب معذور،وماضاقات وراكي براح..
ويمكن بكره يشرق نور،وينسج من ضياو افراح..
اعيش اسعد بشر مسرور،ومن دنيا العزاب إرتاح..
كلمات:نزار سراج احمد
2009/10/11م
 
 
 
 
 
 
    رد مع اقتباس
قديم 11-25-2011, 12:50 AM   #30

نزار القمبرات

عضو
 
الصورة الرمزية نزار القمبرات

 









نزار القمبرات غير متصل
افتراضي انا وانتي

 
إذا مات الفرح والحب،ولو ضلت قلوب الناس..
ولو تتبدل الريده،وهان إتجمد الإحساس..
احسك في نبض قلبي، ومعا شهقت زفير انفاس..
ولو غابت شموس الكون،وكل دنيانا تبقي دماس..
اكيد إنتي القمر والنور، ولى خط السماحه تماس..
ولو هانت وعود الريد،ولو رخس الدهب والماس..
اكيد إنتي البراك اغلا، ولإنك ملهمه الإحساس..
ومنك بستمد مغناي،واكتبلك شعر حساس..
اعتق للحرف وصفك، عصارة ريدك اجمل كاس..
احبك ياملاذ الروح،وحبك لا لا مابتقاس..
إذيد إتعله في كل يوم، احبك وإنتي اغلا الناس..
وياحبي آلعشقتك انا،ومتيم_بك وفا وإخلاص..
لو ماتت شدرة الريد،ولو قطع جزوره الفاس..
(أنا وإنتي)نظل صندل،ولي قصر الغرام الساس..
الموافق: 2007/2/1م
 
 
 
 
 
 
    رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

Facebook Comments by: ABDU_GO - شركة الإبداع الرقمية
Preview on Feedage: -%D9%85%D9%86%D8%AA%D8%AF%D9%8A%D8%A7%D8%AA-%D8%B4%D8%A8%D9%83%D8%A9-%D8%A8%D8%B1%D8%A8%D8%B1- Add to My Yahoo! Add to Google! Add to AOL! Add to MSN
Subscribe in NewsGator Online Add to Netvibes Subscribe in Pakeflakes Subscribe in Bloglines Add to Alesti RSS Reader
Add to Feedage.com Groups Add to Windows Live iPing-it Add to Feedage RSS Alerts Add To Fwicki
Add to Spoken to You
Feedage Grade C rated

Google

Powered by vBulletin® Copyright ©2000 - 2014, Jelsoft Enterprises Ltd. BrBrNeT
F.T.G.Y 3.0 BY: D-sAb.NeT © 2011
كل المواضيع والمشاركات المنشورة في منتديات شبكة بربر تمثل وجهة نظر كاتبيها ولا تمثل بالضرورة رأي شبـــــكة بربر
اخر المواضيع

برنامج رفع الملفات والصور الشهير File & Image Uploader 6.9.7 في آخر اصدار @ عملاق تحميل وتحويل الفيديوهات VSO Downloader Ultimate 4.2.2.3 باخر اصدار @ العملاق لادارة ويندوز 7 واصلاح جميع اخطاؤه Windows 7 Manager 5.0.1 @ حضــــــــــرت ولم اجدكم @ الرائع في تحويل صيغ الفيديوهات AnyMP4 Video Converter Platinum 6.1.32 @ لماذا هاجر النبي صلى الله عليه وسلم إلى المدينة ؟؟؟ @ العملاق CoolUtils Total Image Converter 5.1.45 لتحويل الصور والتعديل عليها @ برنامج تشغيل جميع ملفات المالتميديا VSO Media Player 1.4.7.492 أخر إصدار @ أقوى عروض الرسائل في السعوديه @ عملاق استرجاع الملفات المحذوفه Aidfile Recovery Software Pro 3.6.6.7 مباشر @


 شبكة بربر

Google Adsense Privacy Policy |