10-07-2008, 12:39 PM
|
#1 | ||
|
حاذق
 
|
الاستاذ الرائع ....محجوب شريف ..... تقف الكلمات عاجزة عن وصفه ...فهو ضمير الامة الناطق بلسانها ...وهو المناضل عبر الكلمة القويه ... اهديكم هذه القصيدة والتى سطرها فى وآلدته مريم ....والى كل ام سودانيه .... يا والدة يا مريم ... يا عامرة حنية أنا عندي زيك كم ... يا طيبة النية بشتاق وما بندم ... اتصبري شوية يا والدة يا مريم ما ني الوليد العاق ... لا خنتّ لا سراق والعسكري الفراق ... بين قلبك الساساق وبيني هو البندم ... والدايرو ما بنتم يا والدة يا مريم عارف حنانك ليّ راجيك تلوليني دايماً تقيليني وفى العين تشيليني ألقاه عز الليل قلبك يدفيني ضلك عليَّ مشرور قيلت فى سنيني أنا لو تعرفيني لو تعرفي الفيني أنا كم بحبك كم والعسكري الفراق بين قلبك الساساق وبيني هو البندم ... والدايرو ما بنتم يا والدة يا مريم طول النهار والليل فى عيني شايلك شيل لكني شادّي الحيل لا خوف عليَّ لا هم هاك قلبي ليك منديل الدمعة لما تسيل قشيها يا مريم والعسكري الفراق بين قلبك الساساق وبيني هو البندم ... والدايرو ما بنتم يا والدة يا مريم يا والدة يا مريم ... يا عامرة حنية أنا عندي زيك كم ... يا طيبة النية بشتاق وما بندم ... اتصبري شوية يا والدة يا مريم ما ني الوليد العاق ... لا خنتّ لا سراق والعسكري الفراق ... بين قلبك الساساق وبيني هو البندم ... والدايرو ما بنتم يا والدة يا مريم عارف حنانك ليّ راجيك تلوليني دايماً تقيليني وفى العين تشيليني ألقاه عز الليل قلبك يدفيني ضلك عليَّ مشرور قيلت فى سنيني أنا لو تعرفيني لو تعرفي الفيني أنا كم بحبك كم والعسكري الفراق بين قلبك الساساق وبيني هو البندم ... والدايرو ما بنتم يا والدة يا مريم طول النهار والليل فى عيني شايلك شيل لكني شادّي الحيل لا خوف عليَّ لا هم هاك قلبي ليك منديل الدمعة لما تسيل قشيها يا مريم والعسكري الفراق بين قلبك الساساق وبيني هو البندم ... والدايرو ما بنتم يا والدة يا مريم ساعد في نشر شبكة بربر والارتقاء بها عبر مشاركة رأيك في الفيس بوك المصدر : :: BRBRNET FORUM :: - من ديـــوان الــشــــعـــراء
|
||
|
|
10-07-2008, 12:42 PM
|
#2 |
|
حاذق
|
محجوب شريف وابنته مى قصيدة نضاليه للشاعر محجوب شريف ...عندما كان فى السجن مساجينك مساجينك نغرد فى زنازينك عصافيرا مجرحه بى سكاكينك نغني ونحن في أسرك وترجف وأنت في قصرك سماواتك دخاخينك برغمك نحن ما زلنا بنعشق فى سلاسلنا بنسخر من زنازنا وبنسخر من زنازينك للسودان مواقفنا وللسودان عواطفنا ولما تهب عواصفنا فما حيلة قوانينك المصدر : :: BRBRNET FORUM :: - من ديـــوان الــشــــعـــراء |
|
|
|
10-07-2008, 12:45 PM
|
#3 |
|
حاذق
|
عشرة مقاطع للحيـاة محجوب شريف********** ( 1 ) غطى الجبال الليل لكن هدير السيل لكن صهيل الخيل نار الغضب والجوع تحت الجبل مسموع يضووا عز الليل ( 2 ) والموج شديد الظلام غطى الشهيد الهمام لكن دماهو بتقيد لكن طريقو المجيد ابداً شديد الزحام رايات ترفرف غمام ينزل رزاز النشيد والنجمة تلمع هناك رغم المكان البعيد ( 3 ) والنهر عبر السنين يزحف بعنف وبلين في الليل بيلمع يبين فارس بسيفو السنين يحمينا حضنو الامين نطلع بكتفوا الشمال ننزل بكتفوا اليمين لكنو مين يقدر يقول أنا سيدو مين ( 4 ) في منحنى الدرب الطويل الحبة تفلت من جراب عابر سبيل مسكين هزيل عطشان يموت في السكة ما يتم الرحيل تكبر تشيل تلبس جميل تصبح مقيل عابر سبيل ( 5 ) عصفورة من أخر بلاد في رحلة لي أخر بلاد تعرف مواعيد الحصاد وكل دورات الفصول وأنضر ايام الحقول وتعادي أسراب الجراد وتنادي لوكركب زناد صياد على العش والولاد ( 6 ) أنسانة ابسط ما يقال لو صاح اعز من النساوين الرجال أنثى ولا دستة رجال تمشي وما بتطأطي ما بين بير وشاطي تطلع عالي واطي نهارها مع السواقي وليلها مع الطواقي وعمرها للجهال ( 7 ) والنملة في الصف العجيب وعلى انفراد نفس النشاط والأنضباط نفس الحماس تسعى وتجيب ولا من رقيب ولا حتي في الأمر التباس ولا في اختلاس أحسن كتير من بعض ناس ولا في اختلاس وهيلا .. وهيلا هيلا .. هيلا تلقى تفسها في سفينة وهيلا .. وهيلا هيلا .. هيلا تاني في شارع مدينة والحكمة بنفس الحماس تلقاها في الصف العجيب كم مرة تهرب من مداس من طفل عابث ومن لهيب بالحبة تمسك في عناد الحبة ملك الاتحاد ( 8 ) والحكمة في مر السحاب والعلاقة البينو ما بين الجذور واللسة في الباطن بذور وغنا الطيور والمعركة الدارت تصلصل بسيوفها وبالحراب والعلاقة البينو بين الغابة والهبابة والربابة والمنديل ومجرى النيل وضلفة باب وبكية طفلة في الكتّاب تفتش عن قلم رصاص وقع في الباص وحس رصاص هدر في ناحية فيها العيش حكر للجيش بتاكل من زمن مافيش وتشرب من زمن مافيش وكان اضراب ( 9 ) والشمس تطلع يبين ادق ما في الجبال تبدأ الموانئ العظيمة الهدور وتصحى المصانه بيهمة وتدور ووتملأ الشوارع وكل الجسور وتشفى الصدور جموع الشغيله خطاها ثقيلة تخلى القصور تحس بالفتور وحمى الزوال ( 10 ) تصحى المدينة تقوم تستحم وتولع سيجارة تدخن تسخن بشاى الصباح وحق الملاح وسيد الجزارة وتقعد تدندن تخيط زرارة ترتق هدوما وتفتق هموما وتسب الحكومة وتفن الريال وتنفض سريعاً غبار النعال وتنزل تواجه مشاكل عويصه تشرّط قميصا وتدق العيال ليه العيال يعيش النضال يخلى الحكومة تدخن تسخن بنار الكفاح وتقعد تطنطن لحدي الصباح بتطلع بتطلع حزينة وكتومة تشرّط هدوما وتحش المصحة يعيش الأصح يعيش النضال وضروري النضال المصدر : :: BRBRNET FORUM :: - من ديـــوان الــشــــعـــراء |
|
|
|
10-07-2008, 12:48 PM
|
#4 |
|
حاذق
|
طـــــريق ....الشعب طريق الشعب أوسع من زحام الضيق وقلب الشعب أرحب من رحاب الضو ونبض الشعب كل حلم براه يتم شجر متشابك الهامات جيلاً جاي حلو الشم صبايا وفتية يمرحوا فى صباح الغد عيونهم برقهن لماح سوالم رد وتطلع من شقوق الأرض آلاف المدن قامات يطلعوا من قلب الحجر الصم خفاف ولطاف ثعابيناً أوان الجد دفاعاً عن حياض السلم والإفصاح سلموا ليَّ عليهن جملة حتى اللسة قبل الخلق والتكوين صناع الحياة اليوماتي ملح الأرض نبض الشعر والموسيقى والتكوين هدامين قلاع الخوف كانت هذه الدراجة يوماً ما.. كلاشنكوف وما بين منارات السمّع والشوف نقاشين جدار الصمت نساجين خيوط الشمس كهربجية الظلمات وأجمل ما تكون الدنيا رسامين وحفارين مجاري العصر نصراً نصر مقدامين زمانهم فيه ضبط الوقت بالتقدير شروق الشمس بالإنجاز حروفهم وا حلالي تشمهم ترتاح حا.. حرية تا.. تغيير جـ.. جدار ك.. كتاب س.. سمار وسكة حديد تهز وترز با.. بحارة بحراً عبَّ وثار واو.. وطن مدرار جرت تتلاحق الأنهار كما تتلاحق الأعراف كما تتصافح الأديان كما تتمازج الألوان هجيناً من سلالات الفخار والعز مرور النسمة وأيضاً هزة الإعصار علم فى نشرة الأخبار وهيبة على امتداد الكون وعلماً فى حماه الورد حتى الزهرة والمريخ شبح حرب النجوم ينزاح أيادي القهر خلف الظهر مكتوفين أفاعي السمت حيث مزابل التاريخ المصدر : :: BRBRNET FORUM :: - من ديـــوان الــشــــعـــراء |
|
|
|
10-07-2008, 12:56 PM
|
#5 |
|
حاذق
|
لمحات من الشاعر الكبير محجوب شريف يعتبر محجوب شريف مثلا أعلى، ويلخص الروح السودانية بامتياز، فهو نسيج من التصوف والزهد كما تجلى في تاريخ السودان، وحتى الآن لا يزال يعيش في بيت قديم بحي "الثورة" وهو من أشهر الأحياء الشعبية في العاصمة، ويكاد يكون شريف شيخ طريقة خاصة، عندما يستنجد به مريدوه تحلق فوقهم قصائده معجونة بطين الشعب وعرقه كما قال في رثاء عبد الخالق محجوب: أهلا مرحب .. ايوه اتفضل" نادانى مشيتلو.. مصدق وما مصدق سلمت بقلبي واحضانى وشعرت كأنه بيعرفنى شعرت كأنه بيقرانى راجل نكته عميق ومهذب رائع جدا وانسانى ولما جمعنى وشجعنى سألتو بدهشة عن الحاصل قاطعنى .. "بتعنى الاعدام؟ اعدامنا .. بتقصد اعدام؟ الموت لو شنقا حتى الموت الموت .. لو رميا بالرصاص ما هو الموت" "الشعب يقرر من الحى والميت مين الشعب يقرر مين الحى والميت مين المصدر : :: BRBRNET FORUM :: - من ديـــوان الــشــــعـــراء |
|
|
|
10-07-2008, 12:59 PM
|
#6 |
|
حاذق
|
قصيدة ....كـــجبار الدم شلال ..... السد ارواح الموج اترنح في الحلال اتراح اتراح شهداء حياتم يا لله تلال .. وظلال ومعيشة حلال..... وضمير مرتاح تاح... تاح .... تاح.... تاح بينم وبين الحبة محبة وبينم وبين الضفة صراح جنا يا حليلو سبيط اتدلي... مرصص راح كم الورد صباهو .. عيونو لسع فيهن باقي مزاح اسال عنو حفيف العشب لم يكسر في عمرو جناح غني معاهو القمري زمانك حسع راح بابا جاب الهم والذم والسد ينسد وحسع ينزاح بابا جاب الهم والذم والسد ينسد يوما ينزاح نحن كذلك برضو كفاية .... كفاية كفاية كفاية جراح اي زيادة حنبقي نفاية ويبقي الطمي في العين سفاية وكل وطنا بيوت اشباح اهي دارفور الصمت رماها جياع وحفايا وآ اسفايا وآ اسفايا كاني بايدي طعنت قفايا كفاية كفاية كفاية كفاية حريق وصياح ويا ادروب سامحنا سكتنا عرق اتصبب .. ودمك ساح سلك.. وزلك..راحل ضلك..منهك كلك ليل وصباح ويوم فتحتو وراكم.. تاح ترراح... تاح ترراح السودان الوطن الواحد شبرا شبرا بقي نتاح يا اشعار العار العار اذا ما الحنضل بقي تفاح وتم تررم.... مع تاح ترراح كم سفاح ارتاح واتقدل.... والكاتلنا انحنا سماح اعتي دروع وجذوع تتهاوي.. وشتلة تقاوم اعتي رياح المصدر : :: BRBRNET FORUM :: - من ديـــوان الــشــــعـــراء |
|
|
|
10-07-2008, 01:02 PM
|
#7 | ||
|
مشرف إداري
 
|
تسجيل حضور ... وجلوس في المقاعد الأمامية ... واصلي يا رائعة ... مع ودي المصدر : :: BRBRNET FORUM :: - من ديـــوان الــشــــعـــراء
|
||
|
|
|
10-07-2008, 01:41 PM
|
#8 | |||||||||||||||||||||||||
|
العضو الفضي
|
سمراء تحياتي كمان انا اجيب شاي واجلس جنب بربر نت الزول الرائع ..تحاتي وواصلي المصدر : :: BRBRNET FORUM :: - من ديـــوان الــشــــعـــراء
|
|||||||||||||||||||||||||
|
|
|
10-07-2008, 03:19 PM
|
#9 | |||||||||||||||||||||||||
|
عضو مميز
|
المك .. شاهيك لازم يكون .. احمر زاهي باهي يلفت انتباهي هل سكر زيادة ام سكر خفيف ... سمراء ... شكرا جميلا ... بنجي كتير هنا ... كل الاحترام المصدر : :: BRBRNET FORUM :: - من ديـــوان الــشــــعـــراء
|
|||||||||||||||||||||||||
|
|
|
10-07-2008, 08:20 PM
|
#10 | |||||||||||||||||||||||
|
حاذق
|
دفعته اول شى ؟ ولا قاعد لوج ملح ؟  سعيده بالطله , مع سعادتى بشاعرنا الفذ محجوب شريف المصدر : :: BRBRNET FORUM :: - من ديـــوان الــشــــعـــراء |
|||||||||||||||||||||||
|
|
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| مدينة بربر الشامخة | العبيدية | منتدى أرض بربر | 4 | 05-27-2009 07:50 AM |
| محجوب شريف يعتزر للشعب عن قصائد مايو | المك نمر | المنتدى السياسي | 18 | 10-11-2008 07:53 PM |
| الاطفال والعساكر .ومحجوب شريف ..دراسة لجيلي عبد الرحمن | المك نمر | ديـــوان الــشــــعـــراء | 3 | 08-05-2008 10:58 PM |
| اسمع محجوب شريف ياوالدة يامريم | المك نمر | منتدى البوح والخواطر | 4 | 08-04-2007 12:54 PM |
| إنحناءة للشاعر محجوب شريف | ودالشقلة | ديـــوان الــشــــعـــراء | 25 | 08-28-2006 09:41 AM |
العرض العادي
