الكرم والشجاعة بطاقة تعريفية للسودانى

[وجدان]

أهم خصائص الشخصية السودانية الشجاعة والكرم وقد تغنى به الشعراء .. كما فى قول الشاعر عمر الحسين محمد خير ...
أبواتك جبير بيسدوا للعوجات
ومطمورتك تكيل للخالة والعمات
وفى الجود والكرم إيديك دوام بارزات
أب قلبا حديد فى الحوبة ما بتنفات
وأيضا عندما قالت شقيقة النعيم فى مدح أخيها عن كرمه فى زمن المجاعة وقالت...
احيا سنن البرامكة .. عاجبنى طول إيدو سامكة
انا غنيت للولد الإسمو النعيم ود حمد
وكت العيش بالقبض .. ديووان النعيم ولا بينسد
وهكــــــــــــــذا
لكن السؤال الذى يطرح نفسه هو ... هل ما زال السودانيون أهل كرم وشجاعة؟
وجدان
ساعد في نشر شبكة بربر والارتقاء بها عبر مشاركة رأيك في الفيس بوك

[محمد سويكت]

الكرم طبع أصيل عندنا نحن أهل السودان ودا شئ معروف من زمان

[مهند الحجازي]

اخت وجدان والله العاصمة دي غيرت طبع الناس وكتلت قلوبهم الواحد كان مشيت ليهو في البيت يزوق منك
وكان خشيت في مشكلة كانو ما بيعرفك.
الكرم والشجاعة دي في البلد هناك

[وجدان]

اقتباس: المشاركة الأصلية كتبت بواسطة محمد طرمبا     الكرم طبع أصيل عندنا نحن أهل السودان ودا شئ معروف من زمان

مشكور على المرور طرمبا
نعم شىء معروف لكن بنسأل هل لسه موجود؟
الزمن ماااا زى زمان يا طرمبا

[وجدان]

اقتباس: المشاركة الأصلية كتبت بواسطة مهند الحجازي     اخت وجدان والله العاصمة دي غيرت طبع الناس وكتلت قلوبهم الواحد كان مشيت ليهو في البيت يزوق منك وكان خشيت في مشكلة كانو ما بيعرفك. الكرم والشجاعة دي في البلد هناك

الحجازى اهلا ومرحب بيك وعطرتنى بمرورك الجميل
والله يا مهند واحد لو البلد ولا العاصمة كلو أحمد وسيد أحمد
وبالاحمر طبعا دى بتكثر فى الغربة وبيحصل كتيييير مغاباة العرفة دى

[محمد سويكت]

اقتباس: المشاركة الأصلية كتبت بواسطة وجدان     مشكور على المرور طرمبا نعم شىء معروف لكن بنسأل هل لسه موجود؟ الزمن ماااا زى زمان يا طرمبا

موجود .....
فقط تغيرت طريقة وأسلوب التكريم حسب الحال والظروف
نعم زمن السرعة في كل شئ ... جاك ضيف ...... اقرب دكان ومشروب بارد .....
ويتوكل على المولى..... كان وقت وجبه .... الظروف صعبة مافي طريقة يفرزوك من ناس البيت كلهم مع بعض حتى الشفع في صينية واحدة ...... برضو كويس....
زمان الضيف ياكل ويشبع وبعدين ناس البيت
زمان الضيف بيكرموه من الزريبة هسع وين؟؟؟
بس الحمد لله نحن بخير والله
خاصة في الأقاليم
بس ربنا يستر علينا من العولمة
طن ود

[وجدان]

وطن شكر طرمبا

[البارود]

لك التحية :
لقد تغير الحال السوداني واصبح الكرم هتافات، والتصريحات التي نعيشها اليوم بأن الشعب السوداني كريم هي مجرد مجاملات قد تتغير بظهور المستجدات التي تطرأ علي واقع الكرم السوداني هذا عمل درامي نعيسه اليوم.
علينا ان نسال انفسنا :
ما الذي حدث؟
تخريمة:
وهل من عاقل يستبدل العادات السودانية الأصيلة التي رسخها أجادننا بعقدة النقص المخزية والتي لا تمنح سوي الخزلان.

[وجدان]

ولك التحية اخى البارود ومرحب بيك
فعلا حديثك واقعى وهذا ما يحدث اليوم مجرد مجاملات وتباهى فى بعض الاحيان ومحاكاة فى احيان اخرى
يا حليل زمن اجدادنا الذين لهم وزن الكرم والشجاعة
وجدان

[ابو روضة]

الكرم موجود داخل كل انسان سودانس اصيل .... ربما تكون هناك بعض العوائق التي اسهمت في انحساره بعض الشي مثل الحياة المدنية ومشغوليات الناس والاوضاع الاقتصادية وتسارع عجلة الحياة وتفاقم المسئوليات وبي ده في اعتقادي مازال البلد بخير
وتخيل كيف يكون الحال لو ما كنت سوداني واهل الحارة ما اهلي

الشجاعة
دي ما فيها شك يعني هسي السودان ده لو ما انسانه بالجد شجاعة ما اي شال ليه خرطوش ومشى يشوف حقه وين بالرغم من انو المسالة دي ليها انعكاسات سلبية واثرت على مسيرتنا كامة واحدة لكن والله بمنظور الشجاعة حرم ما فيهم كلمة

تحييييييييييييييييييييييييييية