السودان الوطن الواحد
شبكة بربر

الرئيسية أضفنا للمفضلة روائع منتديات شبكة بربر أجعل شبكة بربر صفحة البداية ملخص قرارات الإدارة الاتصال بالادارة
 ما شاء الله تبارك الله ما شاء الله لا قوة إلا بالله ، اللهم إني أسالك الهدى والتقى والعفاف والغنى

قوانين وضوابط المشاركة في المنتدى تفعيل العضوية طلب كود تفعيل العضوية استعادة كلمة المرور التسجيل

قـوقـل: شـبـكـة بـربـر أكـبر مـوقـع لـتـجـمـع الـشـباب الـسـوداني والمـواضـيـع الــهـادفـــة

إذاعة محلية بربر المجتمعية

قديم 09-03-2013, 10:52 AM   #1

مشرفة منتدى البوح والخواطر
 
الصورة الرمزية بت الشيخ

 








بت الشيخ غير متصل
افتراضي حكاوى وعشرة ونسه ((مناريات ))

 


حكاوى وعشرة ونسه عباره عن حكايات ((اغلبها انا بطلتها او احد عناصرها ))لاقت رواجا ونجاحا منقطع

النظير فى موقع التواصل الاجتماعى الفيس بوك ..


ولان اولى لك فاولى ...


منتداى اولى بها ....نقره لعرض الصورة في صفحة مستقلة


تمنياتى ان تنال اعجابكم ...


وان لم تنلها فاعذرونى فما هى الا عشرة ونسه ..

ساعد في نشر شبكة بربر والارتقاء بها عبر مشاركة رأيك في الفيس بوك

 
 
 
 
 
 
التوقيع

وحسبت روحى قدر روحك

كنت موهوما افقت

فوجدت
انك فوق ماتلد النساء

وفوق ماتهب الفصول






نونا

    رد مع اقتباس
قديم 09-03-2013, 10:59 AM   #2

بت الشيخ

مشرفة منتدى البوح والخواطر
 
الصورة الرمزية بت الشيخ

 








بت الشيخ غير متصل
افتراضي رد: حكاوى وعشرة ونسه ((مناريات ))

 
حكايه صباحيه ((بمزاج الراقى ورايق ))

امس مشيت لصاحبتى والده عن اختها ..

انا وصاحبتى دى لينا سبعه شهور ماتلااقينا كان بلمنا الترحيل يومى بعد دخلت فى الوحم وبعديهو الشهور الكبيره اخدت الحكايه من قاصرها وقعدت فى البيت وانا مع جرى الشغل والبيت ورمضان مالقيت وقت امشى ليها لحدى ماجاتنى رساله منها انها ولدت..

امس الضهريه قمت تنقش تنقش مشيت ليها

ازيكم وعيدكم مبارك ومبروك المولود وحلاتو وعان نخراتو ويشبهك ومايشبهك وفيهو من اختو المتلصقه فينى من جيت نقره لعرض الصورة في صفحة مستقلة..قدموا لى ضيافة العيد فى شيالات راقيه جداً
..
ولسه الشافعه لاصقه فينى رغم حمير امها ليها ...
كمان اخباركم وماتكونى تعبتى فى الولاده وحق الله بقا الله جابوا لى المويه والعصير فى كبابى راقيه جداً جداً..
والشافعه لسه مكنكشه فينى نقره لعرض الصورة في صفحة مستقلةرغم تصريح امها ليها قومى امشى العبى مع رفيقاتك ..

وتانى عشرة ونسه وانتى كيف عامله والشغل وحديث الذكريات ..تذكرى فلانه عرسوها وديك خطبوها وديك طلقوها وكر على ابو فلانه سمعتى بيهو مات ..وونسه دقاقه ..جابوا لى الشاى فى طقم راقى جداً جداً جداً جداًجداً ..

وهنا الشافعه فاتت لانو امها اصرت انها تفوتنا رغم كشكرتى الواهنه خليها عليك الله لانى ضد الشفع يقعدوا يسمعوا ونسة الناس الكبار بس قلت اكشكر ساى نقره لعرض الصورة في صفحة مستقلة

المهم ...
وانا بجغم فى الشاى القابضه فى كبايتو الراقيه جداً جداً جداً جداً المستكثراها على شلاليفى وخايفاها تقع من يدى تجى الشافعه تانى تتلصق فينى نقره لعرض الصورة في صفحة مستقلة

وانا هامه بالمشى خلاص وبدينا طقوسنا السودانيه يخسى عليك مالك مستعجله ((رغم انى قعدتا قريب التلاته ساعات ))وماتقيلى معانا ((المقيل ده كيف وانا دخلت بيتهم الساعه 1وطلعتا 4))وعليك الله اتغدى (( ويين مع غداء الخرطوم المغرب ده ))وسمح ونسى حبه ..اصريت انى اعلق على العده الراقيه جداًجداًجداً ..لكن ماعندكم عدة مبالغه ماشاء الله تبارك الله عينى بارده ((وكعادة السودانيات والمحاكاه ))كان لازم اسال ..اشتريتوها من وين عجبتنى امشى اجيب زيها ((رغم كرهتى زول يحكانى فى حاجاتى ))..وقبل مايجاوبنى نطت اللصقه الصغنونه انتى عارفه ياخالتو منار قدموا ليك فى العدة الراقيه ليه ؟؟
ليه ياحلوه ..
عشان انتى راقيه ياخالتو منار انا سمعتا خالتو فلانه بتقول لخالتو فلانه منار دى راقيه قدمى ليها فى العدة الراقيه ..

فديتو انا القوال وفديتها انا حبيبة خالتها الرفعت معنوياتها نقره لعرض الصورة في صفحة مستقلة...
و...
و..
و...
طلعتا زولة رااااااقيه نقره لعرض الصورة في صفحة مستقلة
 
 
 
 
 
 
    رد مع اقتباس
قديم 09-03-2013, 11:08 AM   #3

بت الشيخ

مشرفة منتدى البوح والخواطر
 
الصورة الرمزية بت الشيخ

 








بت الشيخ غير متصل
افتراضي رد: حكاوى وعشرة ونسه ((مناريات ))

 
حكاية صباحيه ((حصلت امس العشاء))

ابوى وعمى زيهم وزى الناس الكبار علاقتهم بالتلفونات حدها

يتفتح من وين ويتقفل من وين .يجيب الاسامى كيف ..يضرب كيف ..

بس
لا رسائل لا نقمات ولا استديو ولا غيرو
وكنا عايشين فى امانة الله
لحدى ماتقوم بت خالتى(( الله يديها العافيه واللقمه الدافيه)) تجيب لعمى اللهو ابوها عمى برضو تلفون جلاكسى
وعمى الله يديهو العافيه جاء يتيختر بيهو قدام ابوى وابوى شبك
((احييييي منك يااميمه ماعارفه انحنا عندنا شفع كبار نقره لعرض الصورة في صفحة مستقلة))
صديق تلفونو بجيب الكعبه
صديق تلفونو فيهو الاذان
صديق تلفونو فيهو بوصله توريك القبله بوين
صديق تلفونو بوريك مكانك وين لو ضعتا ((ياربى ناوين يضيعوا ولا ناوين يمشوا بربر كدارى نقره لعرض الصورة في صفحة مستقلة))
صديق تلفونو بقشطو باصبعو
وانحنا طبعا عارفين القصد ورا الصديقات الكتارات ديل بس عاملين رايحين
ولما لقانا متخنين جلدنا لف عمتو وجانا طالع
ابوى ماشى وين
ماشى اجيب زى تلفون صديق ..انبح فيكم وانتو عاملين طرشانين مش قروشكم دى مااادايره ماشى اجيبو بحقى ((رغم انو هو البنجدنا نهاية الشهر ومرات بصرفنا الشهر كلو))..((طيب ماكان من الاول ^_^))
ابوى انت عارف تلفون صديق نوعو شنو
نوع شنو كمان
طيب ماشى تقول لبتاع التلفونات شنو
بقول ليهو ادينى زى تلفون صديق ((ده على اساس صديق ماركه تلفونات معروفه))
((وانا اشيل واهرج على اميمه فى سرى ))بالله ويمين اقنعت ابوى انى حااجيب التلفون بعد امشى اشوف تلفون عمى صديق او حااضرب ليها استفسر منها ..
ولانو الذاكره خربه واكل النسيان منها حتى العظم
مااتذكر التلفون والا انا بفتح فى باب بيتنا نهاية اليوم
((وطبعا اعترف بانى نسيت لق لق لق هههههههاو تلقوها عند الغافل ))
يكون عذرى ضربت اميمه ماردت ((والحمد لله اميمه مشهوره على نطاق العائله انها مابترد ))مشيت لعمى صديق لقيتو فى الجامع ..مشيت لبتاع التلفون لقيتو مافى ..
ولما كترت الاعذار وابوى عاوز يرجع يزعل تانى مديت ليهو تلفونى
ابوى عاين ليهو كده ورفع راسو سالنى ده مازى حق صديق
ياابوى ده احدث من حق عمى صديق ومتطور اكتر
لا لا شيلى تلفونك الطوبه قلت زى حق صديق ((سبحانك ربى الاس ثرى بقى طوبه ))
و..
جبنا تلفون زى حق صديق
وظبطنا فيهو الاذان والبوصله ونزلنا فيهو القرآن
والظبيطه دى ان شاء الله جند ليها اولادو الخمسه الباقين ((مااااشى ياعم الشيخ ماواثق فينى )) معتز تعال شوف منار دى جد عملت لى الحاجات ..معتز بعد كشف ايوه ياابوى ...ولانو التلفون تطش ابوى يمشى يهبش يسوط الحاجات ويجى يهرج ماظبطوه تعالى ياصفاء شوفى التلفون ده معتز ومنار غشونى ...وكمان صفاء تزبط وتانى يمشى يهبش ويااامعز تعال شوف انت البتعرف صفاء ومعتز ومنار عاملين فيها بعرفوا ساى....وكمان يهبش ويسوط ويكورك بسسسس وحيد هو الماحايغشنى...ويسوط ويعاين لمها ..
مها تضحك وتقول ليهو والله ياابوى اكان قنعان منو وعاوز تلحقو طه مش اماتو ادينى ليهو انا^_^
والعجب الرصيد وانكم اتكلمتو برصيدى ((دى نكته براها )) قدر ماحاولنا نفهموا انو التلفون ذكى وبدخل النت براهو حلف وقسم مايقتنع لا لا لا سرقتو رصيدى ((وطبعا المتهم الاول والرئيسى صفاء)) ونقفل النت وبهبيشوا يفتحوا تانى وتقوم الهرجه فى الرصيد ..الا لقينا التفعيل خالص وارتحنا وقلنا خلاص
اكان امس وانا بحضر فى الفلم الحاضراهو مليون مره يجينى ابوى
منار عمك صديق بسال منك
وعمى صديق فيهو خصله عاجبانى جدا انو لما يجى وانحنا بنكون جوه برسل لينا عشان نطلع نسلم عليهو ده لو ماشرفنا بجيتو جوه
لبست توبى ومشيت عشان اسلم عليهو
ماانا قيلاهو عاوز يسلم على كالعادى حقو
اكان يمد لى تلفونوا
اعملى لى زى ماعملتى فى تلفون ابوك
و
و
و
اتعاد نفس المسلسل بس غيرو اسم صديق بالشيخ نقره لعرض الصورة في صفحة مستقلة
و
و
و خايفه بكره يقولوا عاوزين يدخلو الفيس ..غايتو مبدئيا كده الوول حقى حايتقلب جامع
وفى ناس كده حايتشاتو بره..واى زول من آل الحسين يعمل حسابو كلممممتكم انا
و
و
و
يارب ماتعرفهم بحاجه اسمها واتس يارب يااااااااااااااارب بجاة سيدنا محمد صل الله عليه وسلم اشغلهم فى اذانهم وصلاتهم وقرانهم ..اشغل عمى صديق بدكانو واشغل اخوه بلجنتو ومحليتو
و
و
و
منورين يااااحجاج*_*
 
 
 
 
 
 
    رد مع اقتباس
قديم 09-03-2013, 11:19 AM   #4

بت الباهولي

مشرفة منتدى إجتماعيات الشبكة
 
الصورة الرمزية بت الباهولي

 









بت الباهولي غير متصل
افتراضي رد: حكاوى وعشرة ونسه ((مناريات ))

 
دقااااايق اجيب بنبري واجي
هااااادي قعدة
بصراحة انا بستمتع جدا بحكاويك لانها واااقعية وبعدين ليها سحر والق خاااااص
كسرة : شكلي حا ابيت هنا
 
 
 
 
 
 
التوقيع

نقره لعرض الصورة في صفحة مستقلة

الباهــــــولية

    رد مع اقتباس
قديم 09-03-2013, 02:36 PM   #5

مؤمنه

العضو الفضي

 









مؤمنه غير متصل
افتراضي رد: حكاوى وعشرة ونسه ((مناريات ))

 
نالت اعجابنا ياصاحبة الكلمات الرائعة واصلي متابعبن.
 
 
 
 
 
 
التوقيع

    رد مع اقتباس
قديم 09-04-2013, 10:22 AM   #6

بت الشيخ

مشرفة منتدى البوح والخواطر
 
الصورة الرمزية بت الشيخ

 








بت الشيخ غير متصل
افتراضي رد: حكاوى وعشرة ونسه ((مناريات ))

 
اقتباس:
المشاركة الأصلية كتبت بواسطة بت الباهولي نقره لعرض الصورة في صفحة مستقلة
   دقااااايق اجيب بنبري واجي
هااااادي قعدة
بصراحة انا بستمتع جدا بحكاويك لانها واااقعية وبعدين ليها سحر والق خاااااص
كسرة : شكلي حا ابيت هنا

جيبى عنقريبك وتعالى

بس اوعك تقولى لى دهدهتينى من شغلتى نقره لعرض الصورة في صفحة مستقلة

انا فايقه ورايقه لاعندى امحمد ولا عندى فاطنه نقره لعرض الصورة في صفحة مستقلة
 
 
 
 
 
 
    رد مع اقتباس
قديم 09-04-2013, 10:24 AM   #7

بت الشيخ

مشرفة منتدى البوح والخواطر
 
الصورة الرمزية بت الشيخ

 








بت الشيخ غير متصل
افتراضي رد: حكاوى وعشرة ونسه ((مناريات ))

 
اقتباس:
المشاركة الأصلية كتبت بواسطة مؤمنه نقره لعرض الصورة في صفحة مستقلة
   نالت اعجابنا ياصاحبة الكلمات الرائعة واصلي متابعبن.

انتى يايمه يعجبوك وليداتك ويعجبك زمانك

جيبى عنقريبك خلى باهوليه تترلك نقره لعرض الصورة في صفحة مستقلة
 
 
 
 
 
 
    رد مع اقتباس
قديم 09-04-2013, 10:29 AM   #8

بت الشيخ

مشرفة منتدى البوح والخواطر
 
الصورة الرمزية بت الشيخ

 








بت الشيخ غير متصل
افتراضي رد: حكاوى وعشرة ونسه ((مناريات ))

 
حكايه مسائيه ..((انا والجداد))

انا والجداد مابنتلم فى مكان واحد ...

من صغيره معروفه بخوفى المبالغ فيهو ..مش بقولوا فلان ده بخاف من ضلو

اها انا بس فلان ده ..

لكن خوفى من الجداد كان زايد زياده ..

وجد ماعارفه السر شنو؟؟

اول مااشوف الكائن ده طائر فى سماى بتتلخبط كل الحواس جواى ..

عادى ممكن اقول اتا سامعه بعيونى ولا انا شايفه باضانى ..

ولسانى عادى بتتلسع الحروف فيهو وتطش من مخارجها ..

قبل فتره كنا فى البيت انا وابوى بس ..وطبعا على حس خوفى ده ابوى كان ممنوع من الصرف ..اقصد ممنوع من الخروج ولو للجامع ..
لحدى مايوم العشاء اعلن العصيان واصر ولو حتى جات حاجه اكلتنى قدامو هو حايمشى الجامع حايمشى الجامع ..
اقفلى الابواب عليك واتحشرى فى غرفتك دى وبرضو اقفليها عليك لحدى مااجى ..
الكلام ده قالوا بعد مافتشنا البيت فوق وتحت لاخلينا غرفه ولا خلينا مخزن ولا حمام
حتى تحت السراير فتشنا ..عشان اقتنع انو مافى حرامى ولا كديسه ولا حشره تخوفنى وابوى مافى ..
وبسم الله واتوكلنا على الله ابوى طلع خلانى اواجه معركتى مع الخوف من اللاشئ ..

وانا كلى اذان صاغيه للصمت المحيط حولى ..((لانى كنتا قفلتا التلفزيون والمروحه وحتى التلفون عشان مايضرب وصوتوا يلفت انتباهى من ارهاف السمع حتى من دبة النمله))
فجاءة كده اسمع حاجه تخبط بره الغرفه ..ياااساتر جاك الموت ياتارك الصلاة ..
صنييت حبه بعد حتى دقات قلبى عصرتها بالمخده وماسمعتا حاجه ..اقنعت روحى انو ده عشان بس انا خايفه ...ماتميت اقناعى لروحى وتاااانى اسمع الخبطه ..
بشجاعه خايفه فتحت الباب وبجسد اتكعوج كلو جوه بس عيونى وبنظرى المزغلل وبصوت انا ماسامعاهو ناديت
منو بره ؟؟
اى نعم عيونى كانت مزغلله لكن فجاءة كده نظرها بقى عشره على سته اشوف كائن طائر متجه ناحيتى ..وهو جايينى مبااااااشره وكأنى انا الهدف بقيت اقول ماممكن تكون ....
الحاجه دى اكبر من ....تكون ضبانه ربنا راضى عليها اهون من تكون .....يكون صرصور طاير ؟؟وتكون ..وتكون لحدى ماوصلتنى ووقفنا وجه لوجه انا وهى زولتى المابغباها مكبره عشره اضعاف حجمها الطبيعى وكأنها مسمده كميائيا ..
و...
طااااااااااااااااااااخ بعد صرخه رجت البيت قفلت الباب وبقيت انطط بجوه واكورك وهى تخبط ببره وتطير ..
قعدنا كم زمن انا ماعارفه لكن عارفه حاجتين الاولى انى ماوقفت تنطيط ولا صريخ ..
ماسكتنى الا صوت ابوى المخلوع يابت مالك فى شنو ؟؟
وكوركتا زياده الحقنييييييييييي يااابوى كبر جداده بره
يابت الجداده جات من وين ؟؟
ماعارفه يااابوى بس هى جداده كبيييييييييييره لقيتها فى الهول ده
ماشايف حاجه تكون اتحشرت تحت السراير ..متاكده انها جداده
والله جداده ياابوى والله جداده
طيب كده افتحى الباب وتانى متين بقيتى تخافى من الجداد
لا ياابوى هى ماجداده جداده هى جداااااااااده جداده ياابوى
قولى بسم الله الرحمن الرحيم يامنار كده افتحى الباب واطلعى لى
((ابوى طبعا خاف انى اكون جانى مس ))
مابطلع ياابوى لو ماسكيتها
ومشى ابوىي احليلو يسك الجداده وسامعاهو يقول ليها كر كر وهش هش
وجانى تانى ..
منار مالقيت حاجه تكون كانت تحت سرير وطلعت لما فتحتا الباب بدون ماالاحظ ليها كدى اطلعى والله مافى شى
وطلعتا لابوى وانا غمرانه بالخوف والدموع والله ياابوى ماشفتها كبيره كيف هو ياابوى مش الجداد ده صغار ..

((هنا ابوى اتاكد انى اتمسيت ))و بدل يرد لى بقى يتحسبن ويتحوقل ويرقى لى ..
وانا مواصله فى كلامى ..والعجب جنحاتها ياابوى والله كبااااار وعندهم صوت تقول جنحات طياره شفتا لما جات طايره على كده((وطبعا الوصف مدعم ياليدين )).وضربت كده وضربت كده وفى النهايه قاصدتنى..
هنا ابوى قاطعنى ..منار فى جداد بطير
ايوه ياابوى اول الجداد بعمل شنو غير الطيران
منار انتى قاصده الجراد ..
اجى ياابوى انت بقيت تسمع غلط وانا من الصباح بحكى ليك فى شنو مابحكى ليك عن الجداده الكبييييره الانا شفتها طايره فى الهول
هنا ابوى ضحك وقال لى برضو انا البسمع غلط ولا انتى اللسانك اتعوج من الخوف
كيف يعنى اتعوج بقول ليك جدااااااده جداده هسه عوجة اللسان وينها ..
و..
و..
و...
هسه فى ذمتكم لسانى ده معووج ابوى ده عليكم الله ماحقار نقره لعرض الصورة في صفحة مستقلة
و...
و...
و..
الليله انا شفتا جداده ولااااااااااااخفتا منها نقره لعرض الصورة في صفحة مستقلة
و
و
و
بدلو حرف الدال فى الجداد بحرف الراء
 
 
 
 
 
 
    رد مع اقتباس
قديم 09-04-2013, 10:38 AM   #9

بت الشيخ

مشرفة منتدى البوح والخواطر
 
الصورة الرمزية بت الشيخ

 








بت الشيخ غير متصل
افتراضي رد: حكاوى وعشرة ونسه ((مناريات ))

 
حكاية نهاريه ((حصلت هسه))

انا مشتركه فى منتدى خاص ببلدنا ..

ولانى لبست توب حبوبتى واتحكرتا فى عنقريبها وبقيت اقص وفص

بقوا يقولوا لى حبوبه

وعجبتنى الحكايه وعشت الدور بقيت حتى لما اخاطب واحد/ة فيهم بقول ليهو انا حبوبتك

ولاننا من منطقه واحده بديهى انو التواصل اتعمق واتجاوز العالم الاسفيرى ..

وبرضو ماخليت حركتى برضو لو اضطريت اتصلت على اى عضو/ة فبقول ليهو معاك حبوبتك ..
قبل شويه كنت مغروضه فى واحد فيهم ولانو تلفونوا ما عندى فتشت ودورت لحدى مالقيتو ولانى مابحفظ التلفونات وعندى مشكله كبييييييره مع الارقام وعادى ممكن اشقلب كيانها ...وعندى مشكله اكبر فى اضانى وحاسة سمعها ...طلبت انو يترسل لى الرقم فى رساله عشان اضمن مااضرب غلط
وبكل ثقه نقلت الرقم فى ورقه والغريبه انى نقلتو رقم رقم وكمان شغاله تهجئه
زيرووووو ..تسسسسعه ....وااااااحد ...لحدى ماانتهيت

ومعاها ونسه مع روحى كده تمام يامنورتى ....كده تمام
متاكده انك ماغلطانه فى رقم ...متأااااااااااكده
نتصل يعنى بقلب جامد ...اتصلللللللى
و
اتصلت ..
وعشان انا متأكده دخلت شمال طوالى
فلان ازييييييك وكيفنك والنعلك عافيه والعيد مبارك عليك يخلى وليداتك ويخليك ليهم
((مااديت الراجل فرصه زاتو)) شديد ولضيض ياوليدى ..المطره كيفنها معاكم النعلها ماادتكم عوجه ...
والراجل شغال دقيقه ..الحمد لله ...دقيقه ..لاتمام ..كدى اصبرى ..
وانا مواصله فى مطايبتى وسلامى ..
لما زهج منى قاطعنى بنهره ياخ معاى منو ؟؟
اجى ياوليدى جانا الغبا كمان ((وش صارى))معاك حبوبتك بت الشيخ غبيت منى ياالغبيان ..
رد لى والله انا مافلان
جادى انت ((طبعا نبرة الصوت اتغيرت واكتسبت طابع الجديه ))
والله جادى
طيب معليش وانا اسفه شكلى ضربت غلط ((وعاوزه اقفل))
وقفنى ..عليك الله ماتقفلى بس عاوز اقول ليك كلمه
اتفضل ((بصرامه كده))
اريتك يايمه حبوبة السرور الصوتها عسل كده ورقيق وناعم وصغيرونى اريتك حبوبتى يايمه
طبعا غصبا عنى ضحكتا
وواصل هو كمان بتضحكى ضحكة الهنا والمنى كدى يايمه فوق حبوبات الزمن ده
بس انتى متاكده انو فلان ده انتى حبوبتو ماحبيبتو..

توووووت توووت قفلت الخط ((خلعه ساااااى ماقصدى نقره لعرض الصورة في صفحة مستقلة))
واتفقعتا بالضحك فرحانه عشان ادانى امل ورفع معنوياتى المحبطه من الصباح

لكن يافرحه ماتمت لما رجعت واتصلت على فلان ((وكان نفسى اكون غلطتا تانى))
من فتحت الخط وبلاااااا مااقول الووو زول بهناك يقول لى
اهلااااااااااااااااااااااا حبوبتى بت الشيخ
حبتك شكلوته يايابه (( فى داعى رقمى يبقى مسجل عندك ((وش مغيوظ))))
و
و
و
طلع صوتى حلوووو
و
و
و
طلعتا زوله صغيروووووونه ((ودى اهم شى))
و
و
و
قبليها قالوا لى راقيه
و
و
و
مفكره جاده اشترك فى عرب ايدول السنه دى نقره لعرض الصورة في صفحة مستقلة
 
 
 
 
 
 
    رد مع اقتباس
قديم 09-04-2013, 10:41 AM   #10

بربراوية

المشرف العام
 
الصورة الرمزية بربراوية

 








بربراوية غير متصل
افتراضي رد: حكاوى وعشرة ونسه ((مناريات ))

 
هــــــــــــــــادي برررركة
 
 
 
 
 
 
التوقيع


أولاد أدم
المُـنـظـراتى ......
الإهـــانة دى ليييييه !!!
جـيـبـوووو لى بـخـور....

تستااااااااهل إنت الحشرك شنو......؟؟

    رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
ابو دجانة الشبل المنتدى الإسلامي 1 01-10-2009 09:26 PM

Facebook Comments by: ABDU_GO - شركة الإبداع الرقمية
Preview on Feedage: -%D9%85%D9%86%D8%AA%D8%AF%D9%8A%D8%A7%D8%AA-%D8%B4%D8%A8%D9%83%D8%A9-%D8%A8%D8%B1%D8%A8%D8%B1- Add to My Yahoo! Add to Google! Add to AOL! Add to MSN
Subscribe in NewsGator Online Add to Netvibes Subscribe in Pakeflakes Subscribe in Bloglines Add to Alesti RSS Reader
Add to Feedage.com Groups Add to Windows Live iPing-it Add to Feedage RSS Alerts Add To Fwicki
Add to Spoken to You
Feedage Grade C rated

Google

Powered by vBulletin® Copyright ©2000 - 2017, Jelsoft Enterprises Ltd. BrBrNeT
F.T.G.Y 3.0 BY: D-sAb.NeT © 2011
كل المواضيع والمشاركات المنشورة في منتديات شبكة بربر تمثل وجهة نظر كاتبيها ولا تمثل بالضرورة رأي شبـــــكة بربر
اخر المواضيع

تطبيق مسابقة عظماء الإسلام @ تطبيق جامع الكتب التسعة @ تطبيق دوولينجو المميز لتعلم اللغات - استعراض و مراجعة @ لعبة البالونات التعليمية للاطفال @ متجري دليل المتاجر الإلكترونية حمل التطبيق! @ لعبة Halloween Endless Night @ داعيات سعوديات ينتظرون فزعتك ووقوفك بجانبهن (صورة) @ وداعاً 2016م @ تطبيق قصص لكل مسلم @ لعبة سباق نينجا التنين @


 شبكة بربر

Google Adsense Privacy Policy |