السودان الوطن الواحد
شبكة بربر

الرئيسية أضفنا للمفضلة روائع منتديات شبكة بربر أجعل شبكة بربر صفحة البداية ملخص قرارات الإدارة الاتصال بالادارة
 ما شاء الله تبارك الله ما شاء الله لا قوة إلا بالله ، اللهم إني أسالك الهدى والتقى والعفاف والغنى

قوانين وضوابط المشاركة في المنتدى تفعيل العضوية طلب كود تفعيل العضوية استعادة كلمة المرور التسجيل

قـوقـل: شـبـكـة بـربـر أكـبر مـوقـع لـتـجـمـع الـشـباب الـسـوداني والمـواضـيـع الــهـادفـــة

إذاعة محلية بربر المجتمعية

قديم 09-18-2014, 09:58 AM   #81

بت الشيخ

مشرفة منتدى البوح والخواطر
 
الصورة الرمزية بت الشيخ

 








بت الشيخ غير متصل
افتراضي رد: هل كان حلما..............

 
فى المفاهيم القديمه لصباح
انو المسموح فى الحب كلمة بحبك ووبريدك ومشتاقين
والمرفوض تماما شكلا ومضمونا التجاوزات لو كلاما او فعلا مهما كانت ..ولو حصلت تبقى دى قلة ادب وعدم تربيه
وعشان صباح لا هى عديمة تربيه ولا عمرها كانت قليلة ادب كانت متازمه نفسيا رغم انو مجدى ماكان بتجاوز الا كلاميا ولما يكون مسافر بس وتبريرو انو الشوق والبعد هو البفقدو السيطره على نفسو لكن لما يكون متواجد ويكونوا مع بعض ماكان بحاول حتى يمسك يدها وده الكان بطمن صباح وعشان تقلل من شعورها بالذنب ناحية ربنا وابوها واسرتها قالت لمجدى انا شهدتا ربنا انك زوجى قدامو وهوقال ليها وانا برضو شهدت ربنا انك زوجتى قدامو لكن احساس انها الخيانه كان موجود رغم انها بتحاول تداريهو وده الخلاها تتجنب ابوها قدر استطاعتها وكتييير بتعمل روحها نايمه لما تلقاهو جاى يقعد يتونس معاها او يتفقد احوالها ولو صادف مالقت طريقه بتكسر عينها منو خجل وندم وخاصه انو رسل ليهو وصية عبر امها انو تخلى علاقتها مع مجدى فى حدود الجامعه
يعنى ياصباح طلعه ونزله لا
انحنا عارفنك ماالزوله المحتاجه يوصوها ماشاء الله وربنا يحفظك من يومك عاقله
ورغم انو قلب صباح اتعصر بالوجع والحزن لكن مازادت على : حاضر ياامى ..ودنقرت فى كتابها مواصله لقرايتها
احاسيس الخجل والندم كان سر صباح الكاتماهو جواها ومابحات بيهو لزول حتى من مجدى لانو كان ساعى فى تتويج حبهم بالزواج وكان بحسب فى الزمن الحاينتهى فيهو الماستر عشان يتزوجو على حسب اصرارها هى فى بداية علاقتهم ووافقوها ابوها وامها
عاينت للساعه فى الحيطه لقتها ماشه على 12 ومجدى كان اتصل اتكلم معاها شويه كده وقفل ولما سالت اذا كانت تنتظرو حايضرب تانى ولا تنوم
قال ليهاانتظرى لحدى 12 لو فاتت نومى تانى مابتصل لانو كان برافق ليلا عمو الفى المستشفى وعشان ماعندو اولاد بنات بس فقسموا المناوبات بيناتهم هو واخوانو واولاد عمو التانين
قفلت كتبها ورقدت نامت وفجاءة قامت صارخه بسبب حلم مزعج شديد
بسم الله ياصبوحه مالك ...لقت ابوها قدامها وسمعت اذان الصبح ياذن
قلبها وجعها شديد لانو مره قرت انو الحلم البتصحى منو على صوت الاذان معناها دى رؤيه
ختت يدها على قلبها وقالت لابوها :حلمتا بحلم مزعج شديد
استعيذى من الشيطان وقومى اتوضى وصلى الصبح
اتوضت وصلت بقت تجهز للشغل وتشغل فى روحها عشان تنسى الحلم لحدى ماجاها الترحيل لما وصلت ضرب ليها يصبح عليها من صوتها عرفها : فى شنو ياصبوحه مالك
حلمت حلم مزعج شديد ..عمك كيف اصبح
الحمد لله الليله احسن كتييير حتى اصر انو يطلع ..اها ان شاء الله خير احكى لى الحلم
حلمت انا وانت زى مسافرين ومفروض نلحق سفينه واقفه فى البحر ووحانصلها عبر لنش صغير اللنش ده واقف فى نهاية ممر طوييل بالخشب وكنا جاريين نحصلو لكن كان فى مره لابسه توب احمر ساكانا او ساكاك انت بالتحديد وقدرت تمسكك وبقيت تلاوى فيها لحدى ماوقعتو انتو الاتنين فى البحر انا بقيت اصرخ واكورك ليك وانت لسه تلاوى فيها جوه المويه بتقول لى اجرى اجرى حصلى السفينه اقول ليك مااابمشى اخليك تقول لى والله بحصلك وتقدر تغطسها وتجى عايم تركب معاى فى اللنش ده ونتحرك لكن المره تكون طلعت من المويه وواقفه تهدد فيك لحدى ماوصلنا السفينه نلقى سلم من حبال لما شفتو قلت ليك انا بخاف مابقدر اطلع بيهو تقول لى ماتخافى اطلعى انتى اول انا بكون وراك عشان احميك ماتقعى وفعلا اطلع السفينه لكن بعد اطلع مابلقاك تانى
ان شاء الله خير ياصبوحه ماتفكرى فيهو كتير بس بكون الارهاق وضغطه القرايه
خايفه نكون حانتفارق
لا لا نتفارق شنو مااااقى اى فراق مش انتى عامله لى النغمه حقت(( يانعيش مع بعض حبيبى يانموت احنا الاتنين اوعدنا نكون ياحبيبى مع بعضنا فى الحالتين ))..ومش انا وعدتك انو نكون مع بعض فى الحالتين
ايوه
طيب مالك ..صبوحه ماتخلى حلم يعكر يومك عشانى انا حبيبتى مابحب اشوفك متعكره انا طوالى بتعكر معاك
طيب
خلاص رايك شنو نقضى اليوم مع بعض اجيك هسه ولا شغل ولا جامعه ولا غيرو
طيب منتظراك
ساعه بالكتير وبكون معاك
فى اثناء مامنتظراهو جاتها رساله منو كاتب ليها فيها
واتنفسك لحظة شهيقك زفرتى
واتحسسك فى حتة جواك حقتى
رايك شنو اكتب عليك ممنوع دخولك ومرقتى
واقفل كمان كل الدروب ياسكتك ياسكتى
سافرتى حااسافر معاك
لو حتى نمشى ومانجى
فكرتى حاافكر معاك
بكل حواسك وقدرتى
لو مره فى الايام بكيت
حاتسبق مدامعك دمعتى
دايرك تكونى امى وابوى
وضحكتى فى غربتى

جاها وقضى معاها يوم حلو ونست الحلم واى شى وهم مع بعض كانو الدنيا بتكون مافيها غيرهم الاتنين ...وصلها لحدى البيت ورجع عشان مفروض يستلم مناوبتو مع عمو ....
وهى شايله ملابس البيت عاوزه تغير حقات الشغل تلفونها ضرب بنغمة مجدى وقبل ماتقول الووووو سمعتو قال ليها
حبيبتى عمى مات
 
 
 
 
 
 
التوقيع

وحسبت روحى قدر روحك

كنت موهوما افقت

فوجدت
انك فوق ماتلد النساء

وفوق ماتهب الفصول






نونا

    رد مع اقتباس
قديم 09-28-2014, 10:05 AM   #82

بت الشيخ

مشرفة منتدى البوح والخواطر
 
الصورة الرمزية بت الشيخ

 








بت الشيخ غير متصل
افتراضي رد: هل كان حلما..............

 
رغم مشغولية مجدى بوفاة عمو وسفرهم للبلد عشان العزاء كان هناك لكن ده ما منعو يكون متواصل مع صباح ماانقطع منها ولا لحظه كل مايلقى طريقه اتصال بضرب ليها ويحكى ليها ويسمعها ويطمن عليها لانها رجعت اتازمت من الحلم واعتبرت وفاة عمو اشاره لبداية تحقيقو ومهما حاولت تخبى منو ومايظهر فى صوتها كان بعرفها
حبيبتى عليك الله الحلم ده ماتذكريهو شيلى من بالك خالص جايه علينا امتحانات وبعديها عرس يعنى بالك ده فى حاجات اهم تفكرى فيها
صباح: الامتحانات وعرفناها مافى مفر منها ..لكن العرس ده ناجلو حبه ماممكن تعرس وعمك ليهو شهرين
مجدى: ااجل شنو مافى شى بتاجل
صباح: لا يامجدى يتاجل لانو لو كان ده عمى انا مابتم العرس بعد شهرين اقلو بعد مرتو تطلع من الحبس والمابرضاهو لروحى مابرضاهو ليك ..
مجدى : ياصباح ..
قاطعتو: مجدى الواجب واجب وغير كده بعيد الشر لو ده كان ابوك كان حاترضى ودعمك يعرس بعد شهرين من وفاتو
مجدى: طيب كده الموضوع ده نتناقش فيهو بعد اجى الخرطوم.. .عاينى فى ناس جاين على بضرب ليك تانى
صباح: طيب لا اله الا الله
مجدى:محمد رسول الله
الصباح برضو قبل ماتطلع الشغل بضرب ليها ولما تجى ماشه الحامعه بضرب ويوصيها
-حبيبتى خلاص طالعه الجامعه
-ايوه
-اوع تتلفتى فى الشارع واوع تقعدى جنب راجل لو فى المواصلات او الجامعه ومن المحاضره وعلى باب الجامعه وعلى بيتكم طوالى والتلفون لو ضرب فى المواصلات اوع تردى
بتعمل شنو يعنى
-بقتلك بس
-حااااضر بحبك وانت حمش كده
-وانا بموووت فيك وانتى بتسمعى الكلام كده ربنا مايحرمنى منك
-ولا منك
-يلا ابقى عشره على روحك وخلى بالك من نفسك
-وانت كمان
-اول ماتنتهى المحاضره بضرب ليك طيب
-طيب ..مجدى
-عيون مجدى
-انا بحبك شديييييييد ومشتاقه ليك شديييييبد وفاقداك شدييييد وبدونك حاسه انى وحيييده ومامعاى زول ورغم انك طوالى بتسافر وبتغيب اكتر من اليومين ديل لكن ماعارفه ليه المره دى الشوق زايد
-حبيبتى مالك عاوزه تجرسينى انا والله متأزم شديييد وفاقدك ومشتاق ليك اكتر منك لكن بس فايتك بالصبر
- ماتاخد فى بالك ..بس انت عارف انا بفضفض ليك بى اى حاجه فى بالى ..الووو مجدى انت معاى مشيت وين
-ايوه معاك بس عاينت للساعه لقيتها واحده ولو ماطلعتى طوالى ماحاتحصلى المحاضره ..يلا لا اله الا الله
رغم انو ردو صدمها لكن بكل استسلام ردت:محمد رسول الله
بعد قفلت الخط طلعت على جامعتها وكانت الدموع رفيقها لانها كل مايتكلم معاها كلام حلو تنسى الحلم لكن مع اول رد يوجعها حتى لو ماقاصدو كان برجع وينط قدامها ..
بعد المحاضرات اتصل عليها لكن على السريع لانو كان مشغول ولما رجعت البيت برضو اتصل يطمن انها وصلت وقال ليها امكن مايقدر يتصل تانى لانو لسه مشغول ..حاولت تشغل روحها باى شى مره تحاول تقرا ويغلبها ومره تحضر تلفزيون تلقى نفسها سارحه .... على الساعه تسعه ضرب ليها فتحت الخط وقبل ماتتكلم سمعتو

صباح انا بره اطلعى لى
 
 
 
 
 
 
    رد مع اقتباس
قديم 09-28-2014, 10:06 AM   #83

بت الشيخ

مشرفة منتدى البوح والخواطر
 
الصورة الرمزية بت الشيخ

 








بت الشيخ غير متصل
افتراضي رد: هل كان حلما..............

 
بعد ماكانت راقده وقفت على حيلها:بره وين يامجدى
-قدام بيتكم
-كيف يعنى قدام بيتنا انت مش فى بلدكم
-جيت هسسسه دى واقف قدام بيتكم اطلعى ياخ
-انت بتهظر صاح ..بلدكم مسافه سته ساعات من الخرطوم ولحدى اخر اتصال منك الساعه تمانيه انت كنت هناك
-لا كنتا بتكلم معاك وانا فى الشارع متحرك على الخرطوم ولو ماضربت لى عربيه فى الشارع واخرونى كنت حصلتك فى الجامعه
-كمان عملت حادث بطل هظار ياخ
-والله ماهظار انتى مدى راسك بس فى الشارع لو مالقيتى عربيتى واقفه فى بداية شارعكم
اتسحبت وفتحت الباب براحه لقتو فعلا واقف
-مجدى انت مانصيح والله وتانى حاجه انا مابقدر اطلع زى المواعيد دى عارف نظام بيتنا
-صبوحه اتصرفى انا ماحاتحرك لو ماشفتك الليله ..قولى ماشه الدكان ماشه لانعام اى مصيبه بس اطلللعى
-طيب اقفل
قفل ضربت لانعام كلمتها: صباح اووووعك تطلعى
لكن هو مصر ياانعام اعمل شنو وبعدبن عاينى ليهو جاى من وين وسايق كم ساعه
ياخ بلا مصر ومافى زول جبرو يجى ولا يسوق
انا محننى والله
صباح قلبك الحنين ده بضيعك والله انا بقيت خايفه عليك رسمى منو لانو مجدى ده بقى مستغل حبك ده وانتى انا ماعارفه الهباله والعواره القايمه فيهم دى شنو .. الليله لو مراهقه نقول ولو زوله معروف عنها انها ماعاقله نقول لكن انتى زوله من وانتى صغيره مشهود ليك برجاحة العقل والرزانه والهدوء عشان حبيتى تتغيرى 360 درجه ليه بس ماكلنا حبينا لكن عقلنا ده حكمناهو ومالغيناهو ..
اثناء مابتتكلم مع انعام كان مجدى بدخل ليها ويتنق فقاطعتها : انعام شفتى عشان الردحيبه حقتك دى و بقيتى تعمليها لى مواعظ انا بقيت مابكلمك زى زمان وهسه ااقول ليك حاجه اها ماطالعه ارتحتى
وقفلت الخط قبل ماتسمع ردها ... وفضلت مدوره فى البيت ماعارفه تعمل شنو فى النهايه لبست توبها وقالت لامها:ماشه الصيدليه سريع وجايه
وقبل امها ماتعترض او تقول ليها كالعاده ماتمشى براك سوقى واحده من اخواتك كانت هى طلعت ضربت ليهو : اها انا طلعت وحاادخل الصيدليه جد جد ماحااركب معاك العربيه لو داير تجى داخل وتسلم على زى اللاقيتك صدفه كويس ولو كده شفتنى عاوز تمشى برضو كويس
-بدخل الصيدليه خلاص
دخلت وسلمت على الصيدليه وسالتها من احوالها وقبل ماتطلب حاجتها دخل مجدى وكانو لاقاها صدفه سلم عليها ووقف معاها شويه وطلع ضرب ليها فتحت الخط ردت وطلعت من الصيدليه:اها ارتحت فى داعى لحركات الافلام دى
-معليش حبيبتى بس كلامك حق قبيل جرسنى وفقدنى صبرى لقيت نفسى ماقادر انتظر اسبوع تانى حتى اشوفك
وهى بتبكى-برضو يامجدى ماصاح كان تنتظر للصباح مافرقت
-خلاص ماتبكى انتى هسه انا اسف امسحى دموعك عشان انتى داخله على بيتكم وبعد تروقى بتكلم معاك تانى
-طيب خلاص انت اتحرك انا دخلت خلاص
-ايوه شايفك خلاص بعد اصل مع السلامه
 
 
 
 
 
 
    رد مع اقتباس
قديم 09-28-2014, 10:07 AM   #84

بت الشيخ

مشرفة منتدى البوح والخواطر
 
الصورة الرمزية بت الشيخ

 








بت الشيخ غير متصل
افتراضي رد: هل كان حلما..............

 
رغم الموقف المربك الختاها فيهو مجدى واجبارو ليها تطلع تلاقيهو فى وقت متاخر بالنسبة ليها الا انها كانت سعيدة جدا جدا بيهو وبغض النظر عن اى شى اكد ليها حبو ليها وخاصه انو لما لاقاها بكره من الصباح كلمها انو كيف من قفل منها ركب عربيتو واتحرك طوالى بعد ما قال ليهم جاءو شغل مستعجل ولازم لازم يسافر الخرطوم هسسه دى وانو كان سايق باعلى سرعه عشان يحصلها فى الجامعه قبل ماتمشى البيت لكن كل مره تعترضو حاجه واتختمت بضربة الركشه وسيدها اتلايق وبعد تحنيس رضا بالتعويض بدون بلاغ وقومه وقعده ..
والله انت مجنون وجننتنى معاك
عارفه بالجد انا جنيت انا عمرى ماكنت كده ..عملتى فينى شنو يابت الناس
ولا شى بس حبيتك
يارب تحبينى اكتر عشان اجن اكتر
لا لا كفايه لحدى هنا لانو اكتر حاندخل التجانى الماحى .. حاترجع البلد طوالى
لا ماحارجع تانى الا بعد عشره يوم عشان اجيب ناس البيت واجى بس ..انا ماحمل ارجع وتضربى لى تقولى لى فاقداك ومابعرف شنو تجهجهينى تخلينى اجى طاير على الخرطوم
ههههههه جنس خفه عليك لكن لو عارفه كده ماكنت قلت ليك كده بعد اسبوع
عدت عليهم الايام وهم احلى اتنين وحب مجدى ولهفتو عليها نساها الحلم وكل الافكار التعيسه الكانت بتخطر على بالها رغم انو مرات بتحس انو فى حاجه شاغله بالو ولما تسالو كان بقول ليها مشكله فى الشغل ضغطه فى البيت هم الامتحانات او يفول ليها زعلان عشان اصريتى انو العرس يكون بعد زوجة عمى تطلع من الحبس ....
انتهت الامتحانات وبدل الجامعه بقوا اغلب الاسبوع يتلاقو بعد الشغل يتغدو مع بعض ويرجعها البيت لحدى مايوم اتصل عليها وصوتو متغير واصر انو تلاقيهو هسسه دى انا تحت انزلى لى
ولمانزلت وشافت منظرو :مالك فى شنو يامجدى
صباح انتى متاكده انى بحبك ومتاكده من انك عمرى وحياتى وانت احلى حاجه حصلت وحاتحصل فيها
مجدى فى شنو قول طوالى انا ماحمل جرجره
ماعارف اقول ليك شنو ..بس انا فى موقف صعب شدييد ...وعاوزك تتفهمينى ..
صباح بكل هدوء قالت ليهو: عاوز تعرس بت عمك
اتلفت عليها بخلعه: عرفتى كيف فى زول كلمك
بنفس الهدوء: مافى زول كلمنى بس ده الحسيتو من وفاة عمك وكنت لما اشوف لهفتك وتصرفاتك معاى اكضب احساسى ده
انا من ايام الامتحانات قلت لابوى يستعد عشان نقابل عم عبدالرحمن ونحدد العرس زى مامتفقين ..لكن هو رفض واصر على بت عمى ..وانا اصريت على رائى وطوال الفتره دى بحنس فيهو ودخلت ليهو اعمامى واخوالى واسطه بس للاسف لانهم من رائو ماافادونى كتير وهسه انا مقاطعو عدييل وقلت ليهو بمشى براى اطلبك بعد ماهم برضو ابو يمشو معاى لابوك..
وتفتكر لما تجى براك لابوى حايوافق بيك وابوى بقول انا بناسب القبيله مابناسب راجل بتى
صباح ماتبقى انتى زاتك على
انا ماعليك انا ادرى بابوى منك وحتى ولو رضى عشانى انا مابرضى يقلل من مكانتو وسط العائله وغير كده انا مابرضى اكون سبب فى تفريقك من ابوك
طيب ورينى اعمل شنو بس دبرينى وانتى مالك هاديه كده ..صباح انتى اقل شى بتجرسك هسه مصيبه زى دى وقاعده هااااديه كانو الموضوع مابخصك
اعمل شنو يعنى
ماعارف صرخى ..ابكى..اى تصرف هيستيرى بس ماتكونى كده
انا لا حاابكى ولا بصرخ ..ممكن تودينى لانعام
صباح..
ودينى لانعام يامجدى
دور عربيتو وداها لانعام وزى يوم صارحها بحبو اول بس باختلاف الاوقات وبدل مايفتح صلاح الباب فتحتو انعام براها واول ماصباح شافتها

انهارت

وبرضو زى ذات اليوم مجدى لقى روحو قاعد مع عم عبدالرحمن وبحكى ليهو باى شى
 
 
 
 
 
 
    رد مع اقتباس
قديم 09-28-2014, 10:08 AM   #85

بت الشيخ

مشرفة منتدى البوح والخواطر
 
الصورة الرمزية بت الشيخ

 








بت الشيخ غير متصل
افتراضي رد: هل كان حلما..............

 
رفض عبدالرحمن كلام مجدى رفض قاطع ونصحو انو ينسى انو لاقى صباح فى يوم او اتقدم ليها وقال ليهو نفس كلام صباح انو لما يناسب بناسب قبيلتو قبل مايناسبو هو وانو مابرضى بتو تكون سبب فى غضب ابوهو عليهو وتفريق اسره غير انو متفهم جدا موقف ابوه وانو لو اتختا فى نفس الموقف كان جبر ولدو على بت اخوه ودى الاصول والتقاليد المتربين عليها ...
المصيبه كانت كبيره على صباح ورغم انهيارها عند انعام الا انها بعد رجعت البيت كتمت وجعها كانت متماسكه جدا عشان عارفه انهم قلقانين عليها وبشخصيتها العاقله المعروفه عنها والكانت لسه محتفظه بيها قدامهم طمنتهم عليها وقالت ليهم دى القسمه والنصيب وكلو لخير
اتصل عليها مجدى بالليل يشوف حالها كيف وقدر ماحاولت تفهمو انو خلاص والبينهم لازم ينتهى بعد ده رفض واصر انو يلاقيها بكره بعد الدوام لانو لقى الحل
اول لاقاها خاطبها :حبيبتى مشتاق ليك ..
رغم انو كلامو وجع قلبها وكان نفسها ترد ليهو الشوق والحب الا انها قالت : مجدى قول لى الحل اللقيتو
حاارضى ابوى واتزوج بت عمى وبعد داك اتزوجك ..
مجدى عاوزنى اكون مره تانيه وانت عارف مفاهيمى غير انى ماكنت برضى تعاين لزوله غيرى خليك تتزوج
صبوحه بدون مفاهيم وكلام كبار انحنا فى ظرف وظرف صعب حايضيعنا من بعض عشان ده مايحصل نشوف اى حل مانبعد من بعض .. مش ابوى عاوزنى اعرس بت عمى برضيهو و بعرسها .. وبعد داك ارضى روحنا انا وانتى ..حبيبتى علييك الله ماتكسرينى انا لو سبتينى بتكسر ..ماتكونى انتى والزمن على ..لو انتى ماحترضى والله بقتل روحى وارتاح
بعد الشر عليك ماتقول كده العمر الطويل ليك
حياه مافيها انتى اعمل بيها شنو ..حبيبتى عليك الله توافقى
طيب انا لو وافقت فكرك ابوى وامى واخوانى حايوافقو ولا ابوك واسرتك حايوافقو ولا بعد تعرس بت عمك وتعرسنى ماحاتحصل مشاكل بالعكس يداااااب الفتحت طاقة مشاكل مااحاتتقفل تانى ونيران ماحتنطفى
انتى بس وافقى وخليك ولا ضهرى انا متصدر لى كل شى وقادر اقنع اهلك واهلى
رغم انو كلامو لفت انتباها لحته ماكانت منتبهه ليها لكن قالت ليهو: تفتكر يامجدى
ولما لقاها مارفضت الفكره قال ليها : افتكر ونص وخمسه حبيبتى عليك الله توافقى
-حبيبى انا ماحمل مشاكل ولاعمرى كنت زولة مشاكل ولا بقدر عليها
-احححح الحمد لله طالما قلتى حبيبى معانها موافقه من قبيل صاره لى وشغاله مجدة مجدى
نهرتو-اتكلم جادى ماوقت هظار
-سمح اتكلمت جادى قلت ليك انا متصدر للمشاكل دى بس انتى خاليك وراى اتفقنا
-اتفقنا
-طيب مشتاق لحاجتين اسمع متك كلمة بحبك واشرب جبنه معاك
-بحبك
ابتسم وطلب الجبنه
 
 
 
 
 
 
    رد مع اقتباس
قديم 09-28-2014, 10:09 AM   #86

بت الشيخ

مشرفة منتدى البوح والخواطر
 
الصورة الرمزية بت الشيخ

 








بت الشيخ غير متصل
افتراضي رد: هل كان حلما..............

 
طوال استعدادت مجدى لعرسو كان متواصل معاها زى كأنو ماحاصله حاجه بالعكس كمان كانت بتحس انو حبو ولهفتو عليها اكتر من الاول وده الكان زى مخدر لمخاوفها وقلقها من الحايحصل لقدام حتى لما كانت بتقول ليهو حاتنشغل وتغيب عنى ايام العرس كان بقول ليها البغيبنى والبشغلنى شنو منك انا حااسافر يوم الخميس بالليل والعقد مع صلاة الجمعه وطوالى بتحرك بعدو ولا بنتظر ولا دقيقه وحااعمل ليك زى المره الفاتت بجى طوالى على بيتكم لازم اشوفك بالليل داك زاتو ونقضى اليوم السبت كلو مع بعض
انت بتقول كده لكن مااظن ..
ماتظنى شنو حاتشوفى براك بس
مجدى ماتدينى امل ساى وتعيشنى فى وهم
انا بوهمك ياصبوحه يعنى مامصدقانى الله يسامحك
خلاص ماتزعل مصدقاك بس اول ماتصل طمنى عليك
اطمنك على شنو انتى حاتسافرى معاى بالتلفون حااخلى الخط فاتح من لحظة اتحرك لحدى مااصل
وسافر مجدى ولانو سافرو معاهو اولاد اهلو ماقدر يتكلم معاها بس لما وصل اتصل عليها سريع وقال ليها معاى ناس ومشغول يوم العقد نهائى ماكان فى اتصال بيناتهم وعذرتو عشان مهما كان هو العريس ورغم حالتها الكانت صعبه لكن كانت متواصله مع ايمن الرفض يسافر للعقد مع مجموعه الموظفين السافرو لانو كان زعلان لصباح شديد وشايف انو مجدى لو كان بحب صباح فعلا كان رفض باى طريقه الزواج ده ورغم انو كان متحفظ فى التعامل معاها من عرف بعلاقتها مع مجدى الا انو وقف معاها شديييد ولما تم العقد كان هو اول واحد قال ليها العقد تما لانها طلبت منو يكلمها اول مايعقدو وكان كل مره يطمن عليها بالتلفون فضل مساهر معاها لانها مانامت ليلتها ديك متتظره تلفون من مجدى يطمنها ويطمن عليها بعد ما عرفت من ايمن انو مااتحرك بعد العقد زى ماقال ..فكانت مؤمله فى تلفون منو اقلو ثانيتين لكن املها ضاع فى الفاضى وقضت ليلتها بدون مايغمض ليها جفن لحدى ماشرقت شمس السبت ورغم انو السبت اجازه الا انها لبست وطلعت بعد ماقالت لناس البيت انو عندهم مراجعه ومشت الجامعه وابت تمشى لانعام عشان لما يتصل عليها تلاقيهو طوالى لكن قعدت لحدى الساعه تلاته ضهر ومجدى لاحس ولا خبر لا بالتلفون ولا هو شخصيا ..رجعت بيتهم حاولت تشغل روحها باى شى عسى ولعل وبرضو لاحس ولا خبر ..
و مره اسبوع ومجدى كانو فص ملح وداب ..وصباح خلال الاسبوع ده مانامت لا ليل ولا نهار ودموعها ماوقفت تلفونو مقفول ..سالت منو ناس الشركه بحجة فى اوراق مفروض يوقعهم وكلهم بستغربو فى سؤالها ..كيف تسال منو واى ورق يوقعو وهو عريس فى شهر العسل ..
ومرا الاسبوع التانى والم صباح عباره عن سيف مسموم اخترق قلبها ..خمستاشر يوم ونهارها وليلها حاجه واحده عيونها متعلقه بتلفونها منتظراهو يضرب ويقول ليها انا بره انزلى لى او انا بره بيتكم اطلعى لى .. كل ماباب مكتبها اتفتحت طار قلبها انو ده هو الجا داخل ..وكل ماسمعت زول يناديها اتلفتت بلهفه انو هو الناداها..
خمستاشر يوم وصباح بين الناس فى عالم تانى بس فى العالم ده اصرو انعام وايمن يرافقوها فيهو.،
فى اليوم الخمستاشر الساعه واحده تلفونها ضرب برقم ثابت غريب وقبل ماتقول الوو سمعت جوطه شديده فى نصها صوت مجدى بقول:
حبيبتى عارف انى غلطتا فى حقك وعارف انو حالتك بتكون صعبه لكن والله غصبا عنى ..انا كنت بره السودان وجيت هسه حتى لسه ماطلعت من المطار ..واحد من اصحابى عندو وكالة سفر فاجاءنى بعد العقد بتذاكر سفر شهر عسل لمصر هديه والطياره كانت دقش السبت واصحابى عشان بقولو عنى رجل اعمال ومشغول شديد شالوا منى تلفونى من قبل العقد قالوا لى عشان عارفنك حاتشتغل وهناك حاولت كتير اتصل عليك بس الشبكه كعبه ولما يجمع معاى كان مابتردى
ورغم انها فعلا كم مره كانت بتجى تلقى مكالمه فايته وتلقاها باسم الرقم الخاص الا انها قالت ليهو:كان ترسل لى رساله طيب
حبيبتى ارسل ليك من وين والله ماكان عندى تلفون..وماتعاملينى بالجفاف ده رغم انى بستحقو لكن والله مابستحمل منك الجفاف ده
مجدى عارف انا الاسبوع ده قضيتو كيف ..اى تفكير سئ جانى فى راسى ..
وبكت وهى بتحكى ليهو عن حالتها وعن الكان بخطر على بالها
حبييبتى ماتبكى عليك الله انا مابستحمل دموعك دى ونهائى ماتفكرى انى سبتك ولا ممكن يدخل غيرك قلبى انتى الاولى فى كل شى فى حياتى بدليل هسه قبل مااطلع من المطار اتصلت عليك
خلاص بعد تطلع تعال لى طوالى
اجيك وين فى بيتكم !!
تعال قريب للبيت وانا بطلع ليك
حبيبتى ماينفع لكن بكره من الصباح حاتلاقينى فى وشيك فى البنك ونفطر مع بعض
خلاص مامشكله نتلاقى بكره
اتقفنا يلا مع السلامه انا بس قلت اطمنك وبعدين بتصل عليك
طيب مع السلامه
قفلت منو ضربت لانعام كلمتها بالحصل كلوو وكانت معنويتها مرتفعه ومبسوطه
انعام بعد سمعتها: يازوله تمام ..المهم انو انك بقيتى كويسه وظاهر من صوتك وانك انبسطتى بعد اسبوعين من الهم والغم الله لا عادهم تانى
بعد قفلت منها انعام بكت على حال صاحبتها لانو تصرف مجدى ماااابطمن خالص بس ماحبت تكسر بخاطرها وبقت تردد الله يكضب الشينه واحساسى
بس هى ماعارفه انو الشينه جات وعششت واحساسها كان فى محلو..
لانو باقى اليوم كلووو صباح حاضنه تلفونها منتظره الاتصال زى ماوعد ومااتصل وبكره
خالص ماظهر ولااااا حتى بتلفون
 
 
 
 
 
 
    رد مع اقتباس
قديم 09-28-2014, 10:12 AM   #87

بت الشيخ

مشرفة منتدى البوح والخواطر
 
الصورة الرمزية بت الشيخ

 








بت الشيخ غير متصل
افتراضي رد: هل كان حلما..............

 
وبدات معناة صباح مع تهرب مجدى فبعد يومين من وعدو ليها جاها فى المكتب رغم انو كان برفض يلاقيها فيهو وبصر يتلاقو بره ..ولما عاتبتو كان عذرو انو ماعاوزها تشوف الحنه فى يديهو وانو ماكان عاوز يتحنن لكن امو اصرت عليها وقال ليها انو حاسى روحو زى الرجل الآلى عايش بتحرك لكن بدون حياه ..وكلمها انو حايسافر بكره بورسودان لعرس ودخالتو حايقعد يومين ويجى راجع ووعدها انو يطمنها اول مايصل ..وكالعاده مااوفى بوعدو الا هى اتصلت وعلى عجل ردا بانو وصل وقفل الخط قبل ماتقول ليهو مع السلامه ..مرت اليومين واتصلت عليهو تشوفو لو جا رد بانو من هناك مشى بلدهم وماعارف يجى متين .ولما لو اصرت تعرف مالو متغير واشتكت من الاهمال طالبها بالصبر وطمنها انو بعد يجى راجع الخرطوم حايرجع معاها زى زمان ..
ورجع الخرطوم لكن مارجع زى زمان واتعكست الايه بدل مامجدى الكان بحاصرها بالتلفونات بقت صباح هى البتحاصرو وتضرب التلفونات كتيييير تلقاهو مقفول واكتيييير مايرد والاكتر يقفل الخط فى وشيها ولو حنا عليها يارد على عجل ونهى المكالمه لانو مشغول او رد برساله
لحدى مايوم اصرت تلاقيهو عشان تعرف الحاصل وتصل معاهو لكلام اخير وتحت ضغطها جا
وبعد عتاب ولوم من جانبها ولما ذكرتو بكلامو قال ليها :صباح الحياة الزوجيه دى طلعت عالم تانى ومختلف مابتعرفو الا بعد تعيشو
-طيب افهم شنو انا هسه
-ماعارف اقول ليك شنو لانى ماحااقدر انفذ وعدى معاك قريب
-مامشكله انا معاك للخمسه سنين اقول ليك للخمسين سنه
-صباح...
قاطعتو :مجدى انت قبل كده طلبت منى مااكسرك واتخلى عنك لما قلت ليك نتفارق ورغم عدم اقتناعى لكن عشان بحبك رضيت وفضلت جنبك ومابعدتا هسه انا بطلب منك ماتكسرنى
-خلاص خير
لكن الجا منو بعد داك كان ابعد مايكون من الخير.. لانو زياده على التهرب والاهمال التام ليها وبعد صغطه واصرار منها اعترف انو ببعدها منو عشان الحاجه الجات بينو وبين مرتو
شنو الجات بينكم
الفه وموده
اهااا وانا
انتى ماعارف اقول ليك شنو احسن نبعد من بعض عشان مااظلمك اكتر وشوفى حياتك زى ماانا شفتها وارتبطى بزول يقدرك ويكرمك انتى انسانه تستحق كل الخير
انت جادى يامجدى ولا بتهظر
جادى والله
ماعارفه اقول شنو او هو مافى شى يتقال غيرشكرا على الاذلال والاهانه
صباح انا مااهنتك ولا زليتك
ده كلو مااهنتنى وزليتنى طيب لو كان حاتزلنى كان حاتقول شنو ولا تعمل شنو
وانهارت صباح وادهورت حالتها النفسيه وجسمها ترجم الالم فى هئية مرض عضوى شكو انو يكون قاتل وبدت رحلة الفحوصات واكتشاف المرض ولما غلبو الحيله مع دكاتره السودان سافرت فى معية حاج عبدالرحمن وماما ساره لمصر الكانو لما يشوفو دموعها بخبو دموعهم ويطمنوها انو اكيد الفحوصات حاتطلع نضيفه وحتى ولو المؤمن مصاب وانها مؤمنه قدرت تتخطى محنه مرضيه وهى صغيره اكيييد حاتتخطاها هسه.. طلعت الفحوصات نضيفه ورجعوا السودان مبشرين بالعافيه وكل البحبوها لاقوها فرحانين وببكوا معاها فرحه بالمحنه العدت ويتحمدو سلامتها و هم ماعارفين انها بتبكى لالم تانى وتبكى محنه تانيه مامرت.. كان نفسها تحضنهم وتقول ليهم انها ماخايفه من المرض ولا من الموت بقدر ماخايفه من الالم الفى قلبها ده .. وكان نفسها تقول ليهم انو الموت راحه بالنسبه ليها لو ماتت ..بس ياربى لو ماتت مجدى حايزعل ويبكى عليها ...مجدى المن اخر مره اتعامل معاها بكل قسوه وجفاف .. مجدى المتاكده انو سمع بمرضها بحكم شغلها فى البنك ياربى شاغله بالو ولا بس قال الله يشفيها وتانى ماخطرت عليهو ...ياربى زى ماقالت عليهو انعام ومنى اختها انو هو هسه عايش حياتو مع مرتو ومبسووط ولا شغال بيها بكت مرضت عييت .. طيب هو عمل كده ليه .. جاتو ولا جاها .. منو الاصر يحب التانى هى ولا هو .. منو الكان مابنوم غير يسمع منها كلمة بحبك ..ومنو الكان معاها اربعه وعشرين ساعه ولو غابت لى ظرف روحو مابترجع الا برجوعها ..منو بقول انو اليوم ماببقى لو ماشافها او لاقاها بالتلفون ..منو الكان بحلف انو مايألمها ولا يبكيها ..منو الكان بحس بيها بدون ماتتكلم .. منو الكان بحلف بحياة التانى وانو مابفرقهم الا الموت .. المات منو فيهم .. مجدى ولا هى .. ولا ياربى ده كلووو كان حلمها الكانت بتحلم بيهو من هى صغيره وانو لا كان فى مجدى ولا هى كبرت ...
مدة سنه كامله وصباح عايشه ميته ..بتاكل وتشرب بس شنو هى ماعارفه ..تضحك وتهظر بس فى شنو هى ماعارفه ..رجعت كفوة فى شغلها بس كيف هى ماعارفه... رجعت تلاقى صاحباتها بس بتلاقيهم بقولو فى شنو ماعارفه ... هى عارفه حاجه واحده انها عاوزه توهم البعرفو علاقتها بمجدى انها اتجاوزتو بكل تفاصيلو وانو صار ماضى لكن الحقيقه الهى عارفاها كوييييس انها لازالت رغم الوجع بتحب مجدى
و
انها منتظراهو يرجع ويوفى بوعدو ليها لانو مجدى البتعرفو وحبتو مستحيل مايوفى بوعدو
 
 
 
 
 
 
    رد مع اقتباس
قديم 09-28-2014, 10:25 AM   #88

بت الشيخ

مشرفة منتدى البوح والخواطر
 
الصورة الرمزية بت الشيخ

 








بت الشيخ غير متصل
افتراضي رد: هل كان حلما..............

 
((الاخير))
السلام عليكم ..
رفعت صباح راسها ترد السلام لقتو محمد اخو مجدى وكان مسك الشغل بعد مامجدى فكاهو قبل سنه وسافر ومنها صباح لا شافتو ولا حتى سمعت صوتو : وعليكم السلام هلا وسهلا محمد اتفضل
جيتك بخصوص مشكلة الورق انا كلمت مجدى وقال نقول ليك لاقيهو فى الماسنجر عشان يفهم منك الحاصل
صباح قلبها وجعها عشان الماسنجر ده فيهو كل ذكرياتها معاهو ومن يوم اتفارقو تانى مادخلتو ولا عاوزه تدخلو عشان كده قالت ليهو: الماسنجر حقى فيهو مشكله لكن خليهو يلاقينى فى الاسكايب
ضرب ليهو قدامها وملاهو العنوان ورجع قال ليها اضافك منتظرك هناك
فتحت الاكاونت حقها ولقت طلب الاضافه قبلتو وطوالى رسل ليها الوش المبتسم اصلهم كانو متعودين يحيو بيهو بعض اول ماواحد فيهم يدخل لكن هى ردت: وعليكم السلام ورحمة الله تعالى وبركاته
مساااافه حتى ردا ليها : وعليكم السلام
شرحت ليهو المشكله وكل الحاصل والمطلوب منهم ..فهمها وقال ليها خلاص بتابع وبوريك ..انتى كيف احوالك
-كويسه الحمد لله انت كيف
-الحمد لله كلو تمام
-يارب دايما
-صياح ممكن اطلب منك طلب
-اتفضل
-عاوزك تعفى منى وتسامحينى على العملتو فيك
-انت قاصد تعملو فينى
-اكيييد لا بس الظروف
-خلاص طيب
-لا الا تقولى لى عافيه منك
-عافيه منك ولله والرسول وانت اعفى منى
-وانتى عملتى لى شنو عشان اعفى منك
-ماقصرتا سمعتك كلام كتير حار
-رغم انو من حقك عشان انتى كنتى المظلومه لكن ياستى لله والرسول وماقصرتى تسلمى يارب
-تسلم بكره نتلاقى بكره اشوفك عملت شنو
-خير فى امان الله
-فى امان الله
رغم انو المحادثه كانت رسميه شديد لكن اثرها كان شديد على صباح كمية من الذكريات وكميه الاحاسيس المختلطه لكن كانت حاسه بسعاده وفرحه ظهرت على ملامحها الكانت قاتمه وحزينه لمدة سنه
و
اتواصلت بيناتهم المحادثات حتى بعد المشكله اتحلت ورجعت تطول زى ماكانت زمان وبالشوق المتحفظ والحب المكتوم ليهو سنه رجعوا يطلو تانى بين كلماتهم وبين الذكريات البتذكروها.. بس مااتقال صراحه لحدى ما صباح واجهته بالكلام وسالتو السؤال الكان نفسها تسالو عملت كده ليه
كنت عاوزك تكرهينى ..باى طريقه عاوز اكرهك فينى ودى اسرع طريقه
اكرهك وماهماك اكرهك كيف ..تصرفك ده ودانى للموت وجابنى
عشان كده انا مابستاهل حبك
انت اكييد مابتستاهلو بس ولو انت كنت بتعرفنى كويس كنت عرفت انى ما بكره عدوى خليهو انسان حبيتو الحب ده
طيب اعمل شنو عشان اعوض عليك
انا الاقول ليك تعمل شنو
صباح انا مافى يدى اعمل حاجه الظروف اقوى منى وبجى يوم تعرفيها
قولها لى انت
مابقدر اقولها
طيب ممكن اسالك سؤال
تفضلى
انت بتحبنى لسه
-مجدى رد على مااظن سؤال صعب ردو بكلمة واحده ايوه او لا
((ولما مارد واصلت ))مجدى انا ميته لى سنه فى يدك تحيينى بكلمه وفى يدك افضل زى ماانا
-انتى بتسالى ليه عاوزه تصلى لشنو
-انت بس رد على عشان اوريك فهمى
-بحبك
-وعاوزنى ابعد منك
-اكيييد لا
-طيب انا نفسى نتواصل زى زمان
-وانا كمان نفسى بس ظروفى وعارف انى مابقدر اعمل حاجه وانو تواجدنا مع بعض غلط
-طيب تذكر زمان كنت بقول ليك انا مرتك قدام الله سبحانه وتعالى
-صباح عاوزه تصلى لشنو
-انت بس جاوبنى
-ايوه وكنت بقول ليك انا راجلك قدام الله سبحانه وتعالى
-طيب رغم انى ضربت ديوان الافتاء وسالت شيخ وقال لى انتى وقعتى فى ثم استغفرى منو وده بتعتبر ليك كحلف يمين كفرى عنو يااما تصومى او تطعمى وانا اطعمتا عننا الاتنين..بس انا عاوزاك تطلقنى
-ده كلام شنو ياصباح
-مش انت قلت عاوز تعوض على واى حاجه بتسعدنى بتعملها
-ايوه
-يلا خلاص انا لو قلت لى طلقتك بتسعدنى
- طيب انتى طلقانه
-كررها تلاته مرات
-لاااااا انتى مانصيحه جنيتى رسمممى
-امكن اكون زى مابتقول بس انت كررها عشان احكى ليك حاجه
-طيب اها طلقانه ... طلقانه .... طلقانه .. اهااحكى
-الحمد لله والشكر لله ..مجدى انا سنتين متعذبه بسبب كده ..انا حبيتك وحبى ده خلانى اضعف واغضب ربى واغضب نفسى واحس انى اجرمت فى حق اهلى الربونى لكن رغم عن كده كنت بستغفر لى وليك وكنت بدعى ربنا يقبل منى التوبه والاستغفار ويدينى اشاره انو قبلها منى فقبل يومين شفتا الرسول عليه الصلاة والسلام فى النوم وانا اعتبرتها البشاره منو وامس استخرتا فيك ودى كانت اول مره اسنخير فيك زمان كنت مابستخير وبقول لو حتى انت شر بالنسبه لى انا عاوزاك وماعاوزه ربنا يصرفك عنى ...لكن المره دى استخرتا ودعيت ربنا انو يبينك لى على حقيقتك ولو انت فعلا بتحبنى زى مابتقول ولو انت خير ربنا قادر يجمعنى بيك بحلالو ولو انت شر ربنا يصرفك منى...
الوووو مجدى ..
-شكلك بعدتا من الجهاز وانا اتاخرتا مفروض اطلع بعد ده فخير يازول نتلاقى بكره خلى بالك من روحك وابقى عشره على نفسك وسوق براحه وماتتكلم فى التلفون وانت سايق
وفى امان الله
عملت خروج من الاسكايب وقفلت اللابتوب وشالت شنطتها وطلعت من البنك وهى ماشه فى الشارع حاسه انها رجعت صباح القديمه ..صباح الرقيقه الكانت بسمتها صافيه وبضحكتها بضحك الكل .. صباح الشايله الحب وتنثرو حولينا كل مامرت .. صباح المتسامحه مع نفسها ومع الكل ..
خلال الايام التاليه ولمدة شهرين صباح كانت كل يوم بتدخل الاسكايب وبتقعد من الصباح لحدى نهاية الدوام منتظره مجدى يدخل لكن مجدى تانى مادخل خالص والحاجه دى نهائى ماضايقتها بالعكس كانت سعيده جدا بيها لانها اعتبرتا نتيجة الخيره وتاكدت من كده يوم اتفاجاءت هى وكل البنك بانو مجدى طلب يسحب كل رصيدو من بنكهم وجمد حسابو ... وكانت سعيده لانها اتحررت من حب كان مسيطر عليها اتحررت من الوجع والالم والدموع اتحررت ورجعت صباح حبيبة الكل حبيبة امها وابوها واخوانها صاحباتها واصحابها وانها رجعت علاقتها بيهم..ضربت لايمن عزمتو غداء اعتذار هو خطيبتو واتونست وضحكت معاهم .. انعام عفتها منها وبقت تغشاها يومى من الشغل عشان تلعب مع ولدها ... اتصلت على فتح الرحمن وباركت ليهو ولدو وسالتو عن احوالو وعرضت مساعدتها لو احتاجها فى اى شى ... عملت عمره هديه لامها وابوها ...
المحادثه الرجعت الحياة لصباح وغسلت حب مجدى جواها قربت تتم سنه ولسه محتفظه بيها فى الجهاز زى ماهى...ورغم انو التجربه كانت صعبه وقاسيه وفقدتها الثقه فى الحب الكانت بتحلم بيهو طول حياتها لكن مافقدتها الثقه فى الله سبحانه وتعالى وفى تعويضو ليها فى شخص جدير بيها وبقلبها النقى ..
ولحدى مايجى تفضل صباح انسانه جميله فى حياة كل البعروفها ....
 
 
 
 
 
 
    رد مع اقتباس
قديم 10-20-2014, 04:15 PM   #89

هاشم الرزقابي

العضو الذهبي
 
الصورة الرمزية هاشم الرزقابي

 









هاشم الرزقابي غير متصل
افتراضي رد: هل كان حلما..............

 
يديك العافية بت الشيخ خيال خصب
 
 
 
 
 
 
التوقيع


وقل ربي زدني علما

    رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
صاحبي العهد علي جارالنبي منتدى القصص والروايات والدراسات الأدبية والبوح 473 09-28-2016 09:03 PM
الف ليلة وليلة حنان مبارك منتدى القصص والروايات والدراسات الأدبية والبوح 257 07-06-2009 11:12 AM

Facebook Comments by: ABDU_GO - شركة الإبداع الرقمية
Preview on Feedage: -%D9%85%D9%86%D8%AA%D8%AF%D9%8A%D8%A7%D8%AA-%D8%B4%D8%A8%D9%83%D8%A9-%D8%A8%D8%B1%D8%A8%D8%B1- Add to My Yahoo! Add to Google! Add to AOL! Add to MSN
Subscribe in NewsGator Online Add to Netvibes Subscribe in Pakeflakes Subscribe in Bloglines Add to Alesti RSS Reader
Add to Feedage.com Groups Add to Windows Live iPing-it Add to Feedage RSS Alerts Add To Fwicki
Add to Spoken to You
Feedage Grade C rated

Google

Powered by vBulletin® Copyright ©2000 - 2017, Jelsoft Enterprises Ltd. BrBrNeT
F.T.G.Y 3.0 BY: D-sAb.NeT © 2011
كل المواضيع والمشاركات المنشورة في منتديات شبكة بربر تمثل وجهة نظر كاتبيها ولا تمثل بالضرورة رأي شبـــــكة بربر
اخر المواضيع

تطبيق مسابقة عظماء الإسلام @ تطبيق جامع الكتب التسعة @ تطبيق دوولينجو المميز لتعلم اللغات - استعراض و مراجعة @ لعبة البالونات التعليمية للاطفال @ متجري دليل المتاجر الإلكترونية حمل التطبيق! @ لعبة Halloween Endless Night @ داعيات سعوديات ينتظرون فزعتك ووقوفك بجانبهن (صورة) @ وداعاً 2016م @ تطبيق قصص لكل مسلم @ لعبة سباق نينجا التنين @


 شبكة بربر

Google Adsense Privacy Policy |