السودان الوطن الواحد
شبكة بربر

الرئيسية أضفنا للمفضلة روائع منتديات شبكة بربر أجعل شبكة بربر صفحة البداية ملخص قرارات الإدارة الاتصال بالادارة
 ما شاء الله تبارك الله ما شاء الله لا قوة إلا بالله ، اللهم إني أسالك الهدى والتقى والعفاف والغنى

قوانين وضوابط المشاركة في المنتدى تفعيل العضوية طلب كود تفعيل العضوية استعادة كلمة المرور التسجيل

قـوقـل: شـبـكـة بـربـر أكـبر مـوقـع لـتـجـمـع الـشـباب الـسـوداني والمـواضـيـع الــهـادفـــة

إذاعة محلية بربر المجتمعية

قديم 11-19-2008, 12:41 PM   #11

هيثم حاج على

مشرف إداري
 
الصورة الرمزية هيثم حاج على

 









هيثم حاج على غير متصل
افتراضي

 
لك التحيه أخ عادل

وإن شاء الله سنتواصل عبر هذا البوست الذي سيكون فيه تكريماً لهذا الأستاذ الرائع كقلمه

وهذا أقل ما نقدمه له من واجب علينا تجاهه
 
 
 
 
 
 
التوقيع

نقره لعرض الصورة في صفحة مستقلة
نقره لعرض الصورة في صفحة مستقلة

    رد مع اقتباس
قديم 11-19-2008, 03:59 PM   #12

تاج السر

العضو الفضي
 
الصورة الرمزية تاج السر

 









تاج السر غير متصل
افتراضي

 
لك التحية مرة أخرى أبنى الغالى هيثم .. وأنا مهما تحدثت فلن
أستطيع أن أوفيك حقك كاملا .. لكن يكفى فقط بأنك ابنا عزيزا
نفتخر به .. لك تحياتى مرة أخرى ..

أما أبنى الغالى عادل عبدالباقى .. لك التحية والتقديرات ..
وأحب أن أذكرك بأن تتابع صحيفة الخرطوم عامودى ( كلام
بفلوس) موجود هنالك .. مع أرقى تحياتى ..

والدكم / تاج السر
 
 
 
 
 
 
التوقيع

نقره لعرض الصورة في صفحة مستقلة
    رد مع اقتباس
قديم 11-20-2008, 07:56 AM   #13

هيثم حاج على

مشرف إداري
 
الصورة الرمزية هيثم حاج على

 









هيثم حاج على غير متصل
افتراضي

 
[frame="4 80"]
فش غبينة

فش غبينة !!!!! لست أنا القائل لكن لنقرأها جميعا فهل تفضلتم بذلك أحبتى .........

(( كعادته عصر كل يوم حمل ( حاج صديق) بنبر ( البلاستيك) وخرج من منزله متجها
نحو ( شجرة النيم) التى تقع فى ( ناصية الشارع) والتى يجتمع فيها بشكل يومى ( شلته)
من الجيران ( كبار السن) .. ما أن وضع حاج صديق البنبر على الارض وجلس عليه
حتى أخرج من جيب ( العراقى) صحيفة قام بفضها والاطلاع فيها قليلا ثم قال مخاطبا
بقية الشلة :

- عليكم الله قريتو الخبر المكتوب فى الجريده ده ؟؟
- خبر شنو كمان فى طياره ( خامسة) تانى وقعت ؟
- لا لا ده خبر من الصين ..
- والله ياحاج صديق عندك جنس ( شمارات) كده أقراهو لينا
- يقوم بتثبيت نظارته الطبيه ويستعدل فى قعدتو .. الخبر ياجماعة بيقول أنو فى
جمهورية ( الصين ) عملو ليهم محلات بتاعة ( بيوت بكا ) و ..
- مقاطعا .. كيف الكلام ده ياحاج يعنى هو البكا بيعملولوا كمان محلات
- أنت أصبر ياكامل ياخوى خليوه اليكمل لينا كلامو
- هو لكن ( كامل) بيصبر ؟؟ ( مواصلا) أها ياجماعة الخير قالوا ليكم المحلات
دى عملوها عشان الواحد ( الصينى) يعنى المواطن ( الصينى) يمشى ليها ويدخل
يقعد يبكى ويجعر لمن يفش غبينتو !!
- أها ياحاج صديق والحكاية ده بقروش
- والله ( يامامون) ياخوى أنا بفتكر أنها أكيد بى قروش يعنى العملا يكون عملا
هوايه يعنى ؟
- والله ياحاج صديق أنحنا المستاهلين لينا محلات ذى ده الواحد فينا ( ممغوس)
وماشى ..
- والله ياحاج صديق لو عملت المشروع ده بى ( قريشات المكافأة) بتاعتك دى
ينجح جنس نجاح !
- والله يجوك كترت شباب بيكو حظهم العاثر ويلطمو ويجعرو .. الواحد تلقاه أتخرج
ليهو كم سنه ومالاقى ليهو وظيفه وعايش عاله على ناس البيت وقاعد عاطل لاشغله
ولامشغله !!
- ياحاج صديق اتوكل على الله وأعمل المشروع والله تكسب دهب وكمان تفش غبينة
الناس ديل والعجب كان عملت ليك قسم ( للناس الكبار) والله ديل كمان غبينتهم شديده
بالحيل المرضان مرض مزمن وماقادر يتعالج ( تعمل ليهو شنو)عينهم للعلاج المجانى
والدواء المجانى وماعاوزين يمشو ؟؟ وكمان فيهم الماعندو مصدر دخل والدولة ماشغاله
بيهو وعامله أضان الحامل طرشه؟؟

نواصل .. فالحديث ذو شجون
أنتظرونى . أوعكم تمشو بعيد
( سمح ) ..

تاج
[/frame]
 
 
 
 
 
 
    رد مع اقتباس
قديم 11-20-2008, 07:58 AM   #14

هيثم حاج على

مشرف إداري
 
الصورة الرمزية هيثم حاج على

 









هيثم حاج على غير متصل
افتراضي

 
[frame="4 80"]فش غبينة!!!!


أخونا .. طبعا قال الحكومة عامله أضان الحامل طرشه .. كده نواصل الحديث

- والله ( ياحاج صديق) أقول ليك حاجة .. لو عملت المشروع ده لو جوك بس المواطنين المغبونين
من ناس المرور والكشات براهم المشروع ده ينجح .. والله يجوك كترت ناس ( مغبونين).. أقول ليك
حاجة والله لو جوك ناس ( الركشات) ساااااااكت كفاية تلقى الواحد اليوم كله يجمع فيها ( جنيه ...
جنيه ) بس مايفكر يمشى يشترى ( القفه) لى أولادوا إلا يقابلوا ليك ( هادم الملذات) وتصيد الغرامات
وفى لمحة عين تلاقى ( الايراد) فى خبر كان يعنى ( اتلحس) وبدل الايراد مايدخل لقفة الملاح يدخل
فى جيب ( الحكومة) .
- الحاج صديق يستعدل فى جلسته ( والله ياجماعة دخلتو لينا فكرة المشروع دى فى رأسى) -مواصلا -
هسه تفتكروا الزول كان قدم ليهو لى محل ذى ده مايرخصوه ليهو !!!
- افو والله يرخصوهو ليك جنس ترخيص .. هم قالوا ليك عندهم شغله بى حاجة غير القروش .. شئ
رخص وشئ ضرائب وشئ زكاة وشئ عوائد وشئ مابعرفو داااااك .
- حاج صديق فى ( جديه) مصطنعة اقول ليكم حاجة والله أنا إلا أسوى ليا محل بتاع ( بيت بكا) ذى
العملوهو فى ( الصين) ديل
- إنت أعملو والله نجى نبكى ليك جنس بكا !!
- هوووى اسمعوا كان جايين تبكو ليا ( بكا ملح ) ماتجونى ولاأشوف وشكم ده

حاج صديق ينفذ :
كان الجميع يعتقدون بأن ماقاله ( حاج صديق) بالامس ونيته فى فتح ( محل بكا) قد كان نوعا من
المداعبه لولا أن ( كامل) قد قابله الصباح الباكر وهو يحمل عددا من الاوراق فى يده متجها الى
محطة المواصلات :
- على وين الليله من الصبح كده ؟ المعاشات ولا ايه
- معاشات ايه ياكامل ياخوى انحنا ماقبضنا المكافأة .. أنا ماشى المحليه ..
- إن شاء الله خير ماشى تشتكى ناس النفايات الإتراكمت وملت الواطه ده؟
- نفايات شنو ياكامل البيشتكوها ديل إلا نشتكيهم لى اللانام ولاأكل طعام
- طيب المقومك من بدرى كده شنو على المحليه قبال الموظفين مايمشو؟
- ماشى اقدم طلب للمحل .. عاوز أعمل نفس فكرة ( الصينيين) القريتا ليكم أمبارح
- أنت يازول بجدك ؟
- طبعا بى جدى هو يعنى كان ( الصينيين) الإسمهم صينيين( ممغوسيين) وقاعدين يبكو
نحنا نعمل شنو ندق ( السكلى)؟
- والله من ناحية كلامك صاح فهو صاح لكن باقى ليك المشروع ده بينجح ؟
- والله شوف من ناحية بينجح فهو بينجح يا ( كامل) لانو أنا شايف إنو نحنا أكتر شعب بيبكى
من الحاصل ليهو ده

فى المحلية :
- الضابط الادارى فى مكتبه الوثير وأمامه يقف عدد من المواطنين يمسكون بطلباتهم ..
يقوم ( حاج صديق) بالانتظار ريثما يأتى دوره للوقوف أمام ( الضابط الادارى) الذى ماأن يقوم بقراءة
( الطلب) حتى يفتح فاه دهشة ثم ينظر الى ( حاج صديق) من تحت نظارته الطبيه وهو يخاطبه :
- قلت ليا عاوز تفتح شنو ؟
- بيت بكا !!
- فى إندهاش بيت شنو ؟
- بيت بكا !!
- مافاهم .. كيفن يعنى ؟
- ايوه أفهمك يااستاذ أصلو الفكره إنو ....
- قام ( حاج صديق) بشرح فكرة المشروع للضابط الادارى والذى استمع اليها وهو فى غاية الاندهاش
إلا أنه أخيرا قام بالتصديق على ( الطلب) وهو يقول بصوت خافت :
- بيت بكا .. بيت عرس .. المهم تدفع لينا حق ( الرخصة) والعوائد والنفايات والضرائب والزكاة !!

التحضير للمشروع :
ما أن استلم ( حاج صديق) تصديقو وختاهو فى جيبو حتى قرر أن يغشى ( الفاضل السمسار) فى سبيل
ايجاد ( مقر) لهذا المشروع
- والله ياالفاضل ياخوى انا بفتش لى فى بيت يكون كبير
- إنت ياحاج صديق ماساكن فى ( ملكك) عاوز بالبيت شنو ؟
- بقول ليك يالفاضل عاوز لى بيت كبير !
- أنا بقصد يعنى عاوزو لى عايله كبيره والا عايلتين يعنى ؟
- ياالفاضل ياخوى أنا ماعاوزو لى سكن عاوزه ( تجارى) تجاااارى
- عاوزو مخازن يعنى ؟
- لا ما مخازن .. عاوزو لمشروع كده ..
- حقو تورينى عاوزو لى ياتو مشروع عشان أقدر اشوف ليك البيت المناسب
- والله يالفاضل ياخوى عاوز اعملو بيت بكا!!
- فى أندهاش ( بكا شنو؟) المات ليكم منو ؟ ثم مستدركا طيب ماتدق ليك ( صيوان) فى الشارع
- ياأخى أنا أقول ليك مشروع تجارى .. تقول لى المات ليكم منو ؟ وصيوانات ومابعرفو شنو ؟
- ياحاج صديق أنا رأسى ( جاط) كده فهمنى الموضوع شويه شويه
- ما أن انتهى حاج صديق بشرح الفكرة للفاضل السمسار حتى بادره الاخير قائلا :
- والله ده فكره بت ستين كلب .. الشعب ده كلو عاوز يبكى ويتفشى وما لاقى ليهو طريقه !
- والله أنا أول زول يجى ( يفش غبينتو) عندك !! ناس المحليه ماغصنى جنس مغص كل يوم
رسوم شكل !!
- اها عندك ليا بيت للمشروع ده
- شوف ياحاج صديق أول حاجه لازم البيت العاوزو للمشروع ده يكون بعيد من ( الناس) عشان
ماتعمل إزعاج وناس النظام العام ديل يجو يكشوك !!
- ماتنسى يالفاضل إنو ده مشروع استثمارى .. يعنى لو بعيد من الناس البيجينى منو؟ عشان
كده لازم يكون فى موقع إستراتيجى .. وبعدين ماتخاف من قصة الازعاج دى أنا ح أعمل عوازل
للصوت عشان الناس تبكى لمن تقول بس !!
- أكان كده أنا عندى ليك بيت ( لقطه) فى شارع الاربعين ينفع للمشروع ده
- قام حاج صديق بمعاينة المنزل والذى يحتوى على عدد كبير من الغرف ( وصالة كبيره) إضافة
الى ( صالون) قرر حاج صديق أن يقوم بتعديله ليكون بمثابة ( حجرة استقبال )
- انا البيت عجبنى ياالفاضل لكن بس عاوزك تجيب السباك يعمل لى فى كل أوضه ( حوض) غسيل
و( حنفيه) ويوصلو ( بالسايفون) عشان الزول بعد ما ( يجعر) ويتفشى تماااام يقوم يستغفر ويغسل
وشو !!!

فى البيت :
- أها عملت فى مشروعك شنو ياحاج ؟ صدقو ليك الطلب ؟
- طبعا هم ( يانفيسه) حاجه تجيب ليهم ( قروش) ماشين يرفضوها ؟ مواصلا وكما ياحاجة أقول
ليك حاجه ؟ أنا اليبت ذاتو الح يكون فيهو المشروع ليقتو وكمان أجرتو !
- كان كده عاد بس فضل ليك الزبائن
- لا الزباين ديل مضمونيين والله كترت ناس ماسكاهم ( غبينيه ) وعاوزين يفشوها
- غايتو أنا يوم الافتتاح عليا أجيب ليكم كم واحده يحررو ليكا البكا جنس حرير !!
- فى اندهاش تجيبيهم من وين ياوليه ؟
- كيفن اجيبن من وين ؟ الطلعن ( الصالح العام) والاولادن ماتو فى ( المعسكرات) والرجالن
( ماتو) فى الطيارات الكل يوم ( تقع) دى .. والله أعمل ليك إقتتاح ( ووووب واحيااااااا ) ماتديك الدرب
- إنتى ياحاجه عاوزه تطرشقى لينا المشروع ؟
- أطرشقو كيفن يعنى ؟
- انتى ماعارفه أنو ( الاختلاط ) ممنوع ؟ عايزه كمان تجيبى لينا نسوان يبكن ويسكلن قدام الرجال
- ممنوع كيفن ؟ مما يبقى علينا يكون ممنوع ؟ ماأهو ( المذيعات ) مع ( المذيعين) والموظفات مع
الموظفين ( والمسئولات ) مع المسئولين أكان فى برلمان أكان فى غيرو !
- معليش ياحاجه ده الحكومه تخلط زى ماعاوزا .. لكن نحنا .. لا
- فى هذه الاثناء يتمطى ( حماده) الطالب الجامعى الذى كان يستلقى بعد أن إستيقظ من النوم ظهرا
وقد استمع لنقاش الحاجه والحاج :
- والله يابوى أنا اجيب ليك لى مشروعك ده كترت ( جكس) عاوز يبكى !! شواكيش ساااكت
- ماقلنا ليكم أبعدونا من الحته بتاعت ( الخلط) ده احسن النظام العام يقفل لينا المحل قبل مانبدأ
- تعرف يابوى عشان نتخارج من حتت ( الخلط) دى أنا عندى ليك فكرة ؟؟

وهنا نقف لنواصل بمشئية الله غدا .. وياترى ماهى فكرة ( حماده) ده ...
أها أنتظرونى وأوعكم تزهجوا عشان ماتبكوا كتير .. سمح .....

تاج
[/frame]
 
 
 
 
 
 
    رد مع اقتباس
قديم 11-20-2008, 08:00 AM   #15

هيثم حاج على

مشرف إداري
 
الصورة الرمزية هيثم حاج على

 









هيثم حاج على غير متصل
افتراضي

 
[frame="4 80"]فش غبينة !!!!!!!!!



أمس وقفنا عند الود حماد عندما قال لابيه :

- تعرف ياحاج تعمل ليك قسمين ( قسم بكا حريمى .. وقسم بكا رجالى )
- والله فكرة ياحمادة ياابنى .. ماتقول البيت فيه سته غرف بيبقو ثلاث غرف حريم وتلاته رجال
أهو كله ( تنفيس) وفش غبينة
- الحاجة تتدخل .. والله أنا رايى غير كده
- رايك شنو يعنى !!
- أنا رايى كل ناس غبينه تعمل ليهم ( صالة) ويكونو براهم .. يعنى ضحايا ( الصالح العام) صاله براهم
وأهل ضحايا ( حوادث الطيارات ) صالة براهم .. وضحيا واهل ( الاخطاء الطبية ) صالة براهم وضحايا
( الشنو مابعرف داك ) صالة براهم .. يعنى تلم الناس العندهم غبينة واحده عشان يواسو بعضهم ..
والله رايك شنو ؟
- حماده يتدخل .. وكمان يابوى فى ناس عندهم ( دبل غبينة) يعنى زول تلقاه شالو هو الصالح العام جاهو
( ضغط وسكرى) مشى يتعالج وقعت بيهو الطياره .. أها زى ده أهلو مش ح يكون عندهم ( دبل غبينة) ؟

المحل جاهز :
بعد تجهيز المحل قام حاج صديق بوضع مناديل ورق وفوط ومناشف كما يحتوى على كمية من الدلاقين
لزوم تمزيقها من قبل الزبائن فى حالة تعرضهم لاى نوبات من نوبات البكا ( الهيسترياء) كما لم ينس أن
يضيف لدولاب قسم الحريم ( عبوات ) من الرماد لزوم نثره على الروؤس بواسطة ( المغبونات) .. تنفيس
تماااااااااااااااااااااااااااااااااااام ,
- اها يابوى المحل عاوز تسميهو شنو
- بعد تفكير طويل خلاص اقوليك سميهو ( فش غبينة) !!! خلاص امش اعمل ليك لافته كبيره للمحل وأعمل الاعلانات
عشان الافتتاح

الاعلانات :
على جميع الصحف اليوميه ( وخاصة الاجتماعية ) ظهر الاعلان التالى :
يتم فى الساعة السابعة مساء بإذن الله افتتاح محلات ( فش غبينتك) صالات مكيفة عوازل صوت للبكاء الحار
والسكلى .. والحى وووووب .. يوجد قسم خاص للنساء .. المحل مزود بمناديل الورق وأحواض الغسيل
والبراطيش والجزم والشباشب القديمه لزوم اللطم .. الاسعار فى متناول أى مواطن غلبان !

ونجح المشروع :
لم يصدق حاج صديق عينيه وهو يرى افواج المواطنين تتداعى نحو المحل لدرجة أنو إضطر لطلب ( قوات الامن)
لتنظيم الصفوف التى انتابت بعض المواطنين الواقفين حالات من ( الاجهاش البكائى) حتى قبل أن يقومو بالدخول
الى صالات وغرف ( البكا) .. الجميع ينتحبون فى تشنج
- خلاص ياجماعة إنتظمو شوية .. ناس حوادث ( الطيران ) يجو يقيفو فى الصف ده .. وناس ( الصالح العام) عشان
كتار خليكم فى الصف دااااااك وناس( سندس) بى هنا ..
- آلو حماده ؟ إنت وين ياأبنى ( مناديل الورق ) ده خلصت .. اشحن ليك دفار جيبو بسرعه 00 تانى يابوى عايزين
حاجه !!
- ايوه كمان اغشى سوق الخضار جيب ليك شوال شوالين ( بصل) عشان حالات الاغماء ..
ثلاثه شهور مرت والمشروع يسير على مايرام .. يدخل المواطن الى محلات ( فش غبينتك) بعد أن يقوم بتحديد
( ساعات ) البكا والنحيب التى يود أن يقضيها داخل صالات معزولة الصوت ويخرج محمر الوجه متورم العينين
مستريح الاعصاب بعد أن يكون قد قام بفش غبينته .. بعد أن راى حاج صديق بعينيه ( الغبائن) المختلفة للحالات
التى تأتى اليه وسمع بأذنيه ( الجعير) والسكلى .
- بينما كان حماده جالسا على ( كاونتر الاستقبال) حضر اليه شخصان يحمل بعضهما بعض الاوراق بينما يحمل
الاخر على كتفه ( كاميرا فوتوغرافية )
- السلام عليكم
- وعليكم السلام
- الحقيقة نحنا من جريدة ( عالم الاثارة) الاجتماعية وعاوزين نعمل معاكم تحقيق مصور خاصة والمشروع
بتاعكم ده مشروع جديد وغير مسبوق
- جدا مرحب بيكم .. اتفضلو
- بس لو ممكن أول حاجه كده تعمل لينا ( جولة ) داخل ( صالات البكا) عشان نشوف المواطنين قاعدين
يفشو غبينتم كيف ؟
- جدا أتفضلو .. فى الصالة المعنيه كان هنالك أكثر من ثلاثين شخصا من مختلف الاعمار ( ينتحبون) بطرق مختلفة
منهم من يبكى بحرقة ويتمتم ببعض الكلمات غير مفهومة .. ومنهم من يلطم وجهه ويصيح فى ( هستريا) وقف
( الصحفى) بعيدا عند باب الصالة وهو يتابع هذه اللوحه ( التراجيدية) بينما لفت نظره أحد ( المواطنين) المنتحبين
وهو يضرب رأسه على الحائط بقوة فى حركات متتالية وهو يجهش بالبكا وهو يردد :
- أنا كان مالى ومال كده
- انا كان مالى ومال كده
نظر ( الصحفى) الى ( حماده) متسائلا :
- إنت الزول القاعد يبكى ويضرب فى راسو فى الحيطه ده مشكلتو شنو ؟
- ده الوالد ( حاج صديق) سيد المحل ده .. امبارح ناس ( الضرائب ) جابو ليهو ضرائب اكتر من رأس مالو
وأدهو انذار 48 ساعه يايدفع يايصادرو المحل !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!


وهنا أترك كل هذا لفطنة القارئ الكريم .. ودعتكم الله ..

تاج السر
[/frame]
 
 
 
 
 
 
    رد مع اقتباس
قديم 11-20-2008, 08:03 AM   #16

هيثم حاج على

مشرف إداري
 
الصورة الرمزية هيثم حاج على

 









هيثم حاج على غير متصل
افتراضي

 
[frame="4 80"]أهتفوا معى بهتاف الشعب !!

بأسم النائمين على ارصفة المدينة يقتاتون ( الكرته) بأسم الانفس والانفاس
المحشورة فى أقفاص ( مواصلات) الخرطوم بأسم عشرات النظرات الملهوفه
الحيرى فى ( فترينات) المحال الراقية بما حوت مما يخطف ( الابصار) ودونهم
خرت ( القتاد) بأسم نبضات القلب المرعوب فى ليلة ممطره عاصفة تحت سقف
غرفة ( جالوص) متهاوية بأسم تلميذ بلافطور ينظر ( لسندوتش) أبن(الاكرمين)
بأسم أم تحتضن طفلا هده المرض تقف به أمام الطبيب يريد الوف( الجنهيات)
ثمنا لكشف لايستغرق دقائق معدودات بأسم الارامل والمطلقات على أبواب
( المحاكم) وقد هدهن طول الزحف إنتظارا لقرار ( قاضى) مرهون بدهان
ومرواغة( محامى) خصم ثقيل الجيب .. بأسم ( المهملين) على ارصفة قنصليات
السودان بالخارج خرجوا من أجل لقمة شريفة وضاعوا هناك تحت إغراءات
الجوع والحرمان والاحباط .. بأسم حبات ( العرق) تتصبب من جبين عامل فى
ورشة أو على قوائم عمارة ( السيد) .. بأسم ( المظلومين ( والمحرومين)
( والعاطلين) عن العمل بلاذنب .. بأسم الزراع والرعاة فى فيافى السودان ..
نهتف بأسمهم جميعا يسقط ( السماسرة) فى كل المكاتب والطرقات والاحياء ..
يسقط ( الوزراء) الذين يرسلون ( الوريقات) لخدمة المحاسب .. يسقط
أكلوا المال ( الحرام) .. يسقط زعماؤنا المترفون الذين يقضون إجازاتهم
ويعالجون مرضاهم خارج السودان على حساب ( الشعب) .. يسقط ( الخونة)
يسقط عملاء ( السفارات) والمتعاملون مع السفارات .. لك الله ياوطن الرجال
حتما سنصل ليوم النصر والثأر من كل لص ( عميل) ... ودمتم ..

تاج السر
[/frame]
 
 
 
 
 
 
    رد مع اقتباس
قديم 11-20-2008, 03:50 PM   #17

عادل عبدالباقي

عضو مميز
 
الصورة الرمزية عادل عبدالباقي

 









عادل عبدالباقي غير متصل
افتراضي

 
الرائع دوما..... هيثم
لك التحيه....و مشكووووور كتيييير!!
وقبلك للاستاذ تاج السر حامد...الوقوف و الهتاف و التجله...
ايه الروائع دي ياهيثم .
اتحفنا كمان وكمان و الى مزيد من الالق..
 
 
 
 
 
 
التوقيع

لنا الصدر دون العالمين أو القبرنقره لعرض الصورة في صفحة مستقلة

    رد مع اقتباس
قديم 11-21-2008, 07:55 AM   #18

ديك الجن

مشرف منتدى الراكوبة
 
الصورة الرمزية ديك الجن

 









ديك الجن غير متصل
افتراضي

 
فش غبينة ...

أجمل عمود قرأته لك التحية عمنا الرائع تاج السر والأخ هيثم على هذه الروعة..


قد قرأت هذا العمود من قبل ولكن لا أذكر أين...
 
 
 
 
 
 
التوقيع

نقره لعرض الصورة في صفحة مستقلة

    رد مع اقتباس
قديم 11-21-2008, 10:12 AM   #19

هيثم حاج على

مشرف إداري
 
الصورة الرمزية هيثم حاج على

 









هيثم حاج على غير متصل
افتراضي

 
[frame="4 80"]جامعة الخرطوم تحتضر .. فمن ينقذها

الكل يعلم بأن جامعة الخرطوم ظلت تخرج الأجيال وراء الاجيال .. فلماذا لايمدون يد العون لهذه الجامعة ؟ ماهى المشكلات التى تواجهها جامعة الخرطوم الان ؟ ولماذا أنهارت البنيات الاساسية للجامعة ؟ وماهى الظروف التى أدت الى هجرة الكفاءات من الجامعة ؟ ولماذا لم تعد المكتبة فى المستوى المطلوب ؟ ولماذا لم يتحقق التقدم التكنولوجى الذى يواكب ثورة المعلومات الذى شمل العالم بأسره ؟ ولماذا تم أستغلال اسم الجامعة تجاريا بقيام ( أكاديمية) يدخل فيها القادرون على سداد المصاريف المرتفعة دون تقيد بالمؤهل ؟ أليس هذا عاملا خطيرا لا على مستوى الجامعة فحسب بل على إسمها وسمعتها ؟؟

تساؤلات .. ومشكلات لاحصر لها تواجه جامعة الخرطوم .. لابد من الجميع الوقوف بجانبها .. لا .. للحكومة .. ولكن من أجل ابنائنا وطلابنا .. ومن أهم المشكلات التى تواجه الجامعة الدعم الذى تحصل عليه من الدولة لايفى بإحتياجاتها مما أدى الى ضعف وأنهيار البنيات الاساسية للجامعة .. حتى المكتبة التى كانت منبرا حيا لطلاب الجامعة لم تعد فى المستوى المطلوب .. والعالم اليوم يواكب التقدم التكنولوجى فى ثورة المعلومات إلا جامعة الخرطوم .. ومرد ذلك لضعف الاجهزة والمعدات المساعدة من معامل وأجهزة تدريب الامر الذى أنعكس سلبا على الطلاب .. علما بأن الظروف الساسية والاقتصادية الضاغطة ساعدت فى خروج أعداد كبيره من الكفاءات مما أضعف كودارها فى ميادين التدريس والبحث 0

وأمام تلك الظروف لابد أن يتجه التفكير نحو الحلول الجذرية بأن لاتتدخل الحكومة فى شئون الجامعة حتى لايفقدها ميزة الاستتقلالية الكاملة وأن يكون هنالك أتحاد للطلبه أو مجلس للجامعة حتى يتجه التفكير السليم نحو مدى أمكانية توفر الدعم الاهلى والشعبى للناحية المالية للجامعة بدلا من أعتمادها بالكامل على الدعم والعون الحكومى الذى بات من الواضح إنه لن يأتى بالقدر المطلوب لان الحكومة لاتملك الامكانات لذلك .. لابد للحكومة أعطاء الفرصة لاجهزة الجامعة لكى تؤدى دورها بالصورة المطلوبة 0

علما بأنه وعلى مدى عقود طويلة من الزمان ظلت جامعة الخرطوم تخرج الاجيال وراء الاجيال .. وأكثرهم اليوم يحتلون أماكن مرموقة داخل وخارج السودان وبعضهم حقق نجاحا عمليا وحظى ببسطة الرزق ولله الحمد .. مثل هؤلاء لن يترددوا من مد يد العون لهذه الجامعة .. وهذه حركة يمكن أن تتطور وتتنامى إذ ماأحس الناس حقا وصدقا بإستقلالية الجامعة وقويمتها !!0

أما محاولة استغلال اسم الجامعة تجاريا بقيام ( أكادبمية) يدخل فيها القادرون على سداد المصاريف المرتفعة دون تقييد بالمؤهل العلمى فهذا أمر بالغ الخطورة على اسم الجامعة العريق .. والجامعة غير مؤهلة لا من ناحية عدد اساتذتها ولا من ناحية بنياتها الاساسية لكى توفر الوقت الاضافى لتدريس الاعداد الجديدة تدريسا جامعيا .. علما بأن الضغط على هيئة التدريس وعلى البنيات الاساسية سيؤدى الى تدهور مستويات طلابها الحاليين والجدد معا !!!0

وهل من المعقول أن تتجاوز شروط القبول بقبول طلاب من مستويات أدنى بمجرد قدرتهم على ( الدفع) فهذه قاعدة بالغة الخطورة لا على مستوى الجامعة فحسب بل على اسمها وسمعتها 0

فالسؤال لكل اولياء الامور والذين تخرجوا من تلك الجامعة .. هل سيقفون مكتوفى الايدى أم سوف تكون لديهم رؤية أخرى لهذا الموضوع الخطير ؟ أم سيعيدون لهذه الجامعة العريقة قوميتها وكينونتها واستقلالها قبل أن تحتضر ؟ أم ماذا ؟؟ هذا مانريد أن نسمعه .. فهل من مجيب .. ودمتم ..

تاج السر محمد حامد
[/frame]
 
 
 
 
 
 
    رد مع اقتباس
قديم 11-22-2008, 08:01 AM   #20

هيثم حاج على

مشرف إداري
 
الصورة الرمزية هيثم حاج على

 









هيثم حاج على غير متصل
افتراضي

 
[frame="4 80"]الموت والدمار للخونة والعابثين



يوم السبت الحزين !!

فى موقف كموقف السودان العظيم .. حيث أتضحت الرؤيا السودانية وكشفت يوم السبت المواقف الذليلة تجاه وصلابة وقوة شعب السودان المستهدف من قبل الخونة والعابثين وقوى الشر والطغيان خاصة بعد ذلك الهجوم السافر من قبل ذاك المفترى ( إدريس أبى) ورفاقه الجهلاء .. إن القضية الأن لم تعد حبا أو كرها لنظام أو لحزب أو لحاكم بل أصبحت قضية أهل السودان وبقدرته الدفاع عنها والوقوف بالمرصاد لكل العابثين والمأجورين والمعارضين .. وكما يبدو بهذا العمل الخسيس لم يفهموا شعب السودان أو لم يريدوا فهمه لأن أرتباطهم بالصهاينة أقوى من أرتباطهم بالسودان وبمصالحه وأهدافه السامية .. فياأيها المأجورين أعلموا بأن الشعب السودانى المؤمن المتمسك لن يتزعزع من تماسكه بتلك القوقعات الهشه .

نرى الكثير من بايعى الضمير والوطن فى مختلف الميادين يطلون علينا يوميا فى الصحف بالمواعظ والحكم ومهمتهم نكء الجراح والتشكيك فى نظام السودان وأهل السودان فى وقت لاتفيد فيه هذه المواعظ والحكم .. وكان آخره هذا العمل الجبان الذى لايفعله إلا العاجزون من الخونة والمأجورين .. فالعار كل العار لهؤلاء .. فماذا بقى لهم غير هذا العمل الخسيس .. وليعلموا جميعا بأن أهل وشعب السودان رجالا .. وشبابا .. وأطفالا سيظلون العين الساهره للتصدى بكل قوة لكل العابثين والمرتشين .

هؤلاء دفعتهم الرغبة فى المخاطرة بأهل السودان .. لكن هيهات لقد دفعوا ثمن الرغبة وعشق المخاطرة أبهظ ثمن .. نحن شعب السودان جميعا ومعنا الملايين فى جميع أنحاء العالم شهود على فعلتكم النكراء الخسيسه .. فعلتم ذلك بعين مفتوحه وقلوب جامدة وربما رعشة حزن من البعض لم تستغرق وقتا مع جنودنا البواسل .. وعدنا جميعا أهل السودان نواصل الحياة بأنكسرات وأحباط مهين إزاء فعلتكم الشنعاء لاحقاد تافه نستعذب أبخرتها المتصاعده فى الصدور وطموحات مهما بلغت فلن ترقى مع طموحات من أنصهرت عظامهم بكرات اللهب الجامح التى أنفجرت فى قلب أمدرمان .

إن أدريس أبى هذا الجبان وهو يعلن عدوانه السافر على السودان ويجيش جيوشه وجيوش حلفائه .. كمن يمشى معصوب العينين لايدفعه البصر ولاالبصيره بهذا الامر بقدر مايدفعه طمعه وجشعه .. وإذا كان أدريس يستميت من أجل تحقيق هذا الهدف عليه قبل أن يموت أن يفكر ولو للحظات بأهدافنا فى حماية سوداننا العظيم .. فإذا كان جنديك المتهالك المسكين وهو يعانى ظروف الجوع والعطش القاتل يحدوه هدف واحد هو تحقيق رغبتك الطامعه .. فالسودان أينما كان له أسباب كثيرة تدفعه للاستماته فى سبيل صد جيوشك الغازية وردعها .. ألم تسمع بالمثل القائل ( أضغط على الرجل لا على الزناد ) فالذى يستعمل السلاح هو الجندى .. وعليك أن تقوم وضع جنديك المهزوم أصلا قبل أن تغامر .

أما جولتك الاخيرة ليوم السبت المشوؤم ضد أهل السودان لن تضيف الى رصيدك المشترك شيئا جديدا ولن تغير مجرى الاحداث التى أخذت تكشف أوراقكم الخاسرة .. فماذا ستجنون من لهاتثكم وراء أطفاء شمس السودان سوى أنها ذات يوم ستحرقكم بنارها .. وأن غدا لناظره قريب .. وأحذر أيها العابث المأجور !!

تاج السر محمد حامد
[/frame]
 
 
 
 
 
 
    رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
عن القبائل السودانية (دراسة تحليلية لبعض المهتمين بالقبائل السودانية) بربراوية المنتدى العام 263 02-10-2013 06:11 PM
الجلاء :- الاعجاز والانجاز والتاريخ . ود حماد المنتدى الرياضي 31 07-29-2009 06:21 PM
نشأة أحمد زكي وبدايته الفنية بربراوية أرشيف منتديات شبكة بربر 5 11-03-2008 11:10 AM
المولد النبوى الشريف بربراوية أرشيف منتديات شبكة بربر 23 03-15-2008 10:19 PM
سالم ود السما رواية nazar منتدى القصص والروايات والدراسات الأدبية والبوح 57 11-10-2006 08:23 PM

Facebook Comments by: ABDU_GO - شركة الإبداع الرقمية
Preview on Feedage: -%D9%85%D9%86%D8%AA%D8%AF%D9%8A%D8%A7%D8%AA-%D8%B4%D8%A8%D9%83%D8%A9-%D8%A8%D8%B1%D8%A8%D8%B1- Add to My Yahoo! Add to Google! Add to AOL! Add to MSN
Subscribe in NewsGator Online Add to Netvibes Subscribe in Pakeflakes Subscribe in Bloglines Add to Alesti RSS Reader
Add to Feedage.com Groups Add to Windows Live iPing-it Add to Feedage RSS Alerts Add To Fwicki
Add to Spoken to You
Feedage Grade C rated

Google

Powered by vBulletin® Copyright ©2000 - 2017, Jelsoft Enterprises Ltd. BrBrNeT
F.T.G.Y 3.0 BY: D-sAb.NeT © 2011
كل المواضيع والمشاركات المنشورة في منتديات شبكة بربر تمثل وجهة نظر كاتبيها ولا تمثل بالضرورة رأي شبـــــكة بربر
اخر المواضيع

تطبيق مسابقة عظماء الإسلام @ تطبيق جامع الكتب التسعة @ تطبيق دوولينجو المميز لتعلم اللغات - استعراض و مراجعة @ لعبة البالونات التعليمية للاطفال @ متجري دليل المتاجر الإلكترونية حمل التطبيق! @ لعبة Halloween Endless Night @ داعيات سعوديات ينتظرون فزعتك ووقوفك بجانبهن (صورة) @ وداعاً 2016م @ تطبيق قصص لكل مسلم @ لعبة سباق نينجا التنين @


 شبكة بربر

Google Adsense Privacy Policy |