BRBRNET

جديد الأخبار
جديد المكتبات
جديد الملفات
جديد الصور

الصحف السودانية
الأهرام اليومالصحافةالوطن أخبار اليومالأيامأخر لحظة الرأي العامالإنتباهةقوونالصدى
 

جديد الصور

المتواجدون الآن


تغذيات RSS

خيوط الذكرى
06-27-2011 12:52 PM


محطه .. محطه بتذكــــــر خيوط الذكرى لى ترجع

ودايماً كنتَ في الخاطر وذكراك لازمة لي تشفع

صوتك فيني زي أنغام حمام بهديلو لي يسجـــــع

صــافى ايامــى تتعكـــر.. وكُـــلَّ أحــزانى تـتجمَّــع

ساعة جينا نتــــــودع وكم حاولت أتشجـــــــع

أريتو اليوم دة ما ينعاد ولا شمسو القبيل تطلــــع

أريتو فراقنا كان في الليد أكان لجيوشو ما نخضع

الا الموقــف الرَّوَّعْ .. هــزَّ دواخـــلى زادنى وجــــع

حبست دموعى فى عيونى غلبنى أقيف أشوف أسمع

بكيت جوايا زي شلال هدير أمواجو يتصـــــــدّع

بكا الخنساء علي صخرٍ بقيت اليوم عليو أجزع

بعدت شديد خلاص منى انا الما كنت بتوقــــــع

أسيبك لحظه فى عمرى وأعيش فى بعدك أتوجع

تفرّق بيننا في لحظات ومن عُشرتنا ديك تقنــــع

تبارح صورتي من جواك وأنا الجوايا ما اتزعزع

يموت حلمى ويجف دمعي .. وأموت بالشوق قبُلْ أشبع

دا ما كان العشم يازول وكُتْ قايلاكَ زول أرفع

تحافظ للوداد الكان بقضيبو الليالي لـــــــــوع

تحفــر قبري بى إيدك .. وعمرى سنينو ما بترجع

رحلت وقلبى كان عارف بلاك العيشه ما بتنفع

مشيتْ درباً صعيب بالحيل وطفّيتْ اللي كان يلمع

خايفاك بكرة في دروبك تتوه ما تلقى لي مرجع

ولا شجــرى الظليل وارف .. بى ثمــر الفــــرح بدَّعْ

طريتك جوه بين اهلى ومن شارعنا للمطلـــــــع

حمَلْتَك ديمة في الخاطر معاك غنيت وبيك بسجع

ودادي وريدي ما هماك وكم قاسيتو في المنبــــع

وذكــراك جارية فى دمى .. ومحــل قبلَّـــتَّ لى تفجع

شعرت بنفسى من غيرك يتيم هائم بدون مضجع

عزفتَ عن الجميع دونك بلاك أيامي تتمنّـــــــع

هويتك إنت دون الناس بقيت للقايا تتصنــــــــــع

تهتَّ فقـــدت خط سيـــرك .. رُبَّـــان ما لقى المُشْـرع

وحزّ فى نفسى ليل بعدك وحزنى وخوفى ما ترجع

وخُفتَ من الضلام والليل ولحظات عمري ما تسطع

تطول أيامي من غيرك مريرة وطولا طول أفظع

وتحـــرم نفسى مــن ودّك ..وشمـس أفراحى ما تطلع

دا ســوء حظى وكُتـــر نحسى ..المن قمـــتَّ لى بتبع

براى سويته فى نفسى صياح مخنوقه ما تُسمــــــع

وهسه معاي ندم فاضح بقيت عطشانة في المُشرع

يا فرحاً دفقتو براي أريتا ندامتي لي تشفـــــــــــــع

ده حال الدنيا من آدم تفرق يوم ويوم تجمــــــــع!!

وأكيد أنا برضى بالمقسوم عشان يمكن تعود ترجع

تعليقات 0 | إهداء 0 | زيارات 868


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


عبير الزين
عبير الزين

تقييم
1.56/10 (15 صوت)

Preview on Feedage: -%D8%B4%D8%A8%D9%83%D8%A9-%D8%A8%D8%B1%D8%A8%D8%B1-%D8%A7%D9%84%D9%85%D9%83%D8%AA%D8%A8%D8%A7%D8%AA- Add to My Yahoo! Add to Google! Add to AOL! Add to MSN
Subscribe in NewsGator Online Add to Netvibes Subscribe in Pakeflakes Subscribe in Bloglines Add to Alesti RSS Reader
Add to Feedage.com Groups Add to Windows Live iPing-it Add to Feedage RSS Alerts Add To Fwicki
Add to Spoken to You

Powered by Dimofinf cms Version 3.0.0
Copyright© Dimensions Of Information Inc.
Free counter and web stats

brbrnet.net