BRBRNET

جديد الأخبار
جديد المكتبات
جديد الملفات
جديد الصور

الصحف السودانية
الأهرام اليومالصحافةالوطن أخبار اليومالأيامأخر لحظة الرأي العامالإنتباهةقوونالصدى
 

جديد الصور

المتواجدون الآن


تغذيات RSS

سواليف مغترب
04-26-2011 11:53 AM


سواليف مغترب. ( علي احمد جارالنبي )


أرجع الخير في رجوعك
لي بلادك إنت ليها
شن جنيت غير المآسي
وإيه لقيت الغربة فيها ؟؟؟
المنال لو عزّ عزه
بلدك الخير مالي فيها
في بلادك تلقى عزة
تبذل الروح تفتديها
ما أما دي الغربة الكريهه
تبقى ليك ساكت نجيها
جدة مكه والمدينه
عمره والحج بي نجيها
أرجع أرجع..دا الصواب عين الحقيقه
ياخي أسرع أوعى تتأخر دقيقه
إغتراب مافيهو فايدة إلا خطواتك يعيقا
مره في نقل الكفالة ومرة طوفت الإقامة
ومرة في المهنة المُعيقة
وهاد بلادك مابتضيقبك
واجبك إنت عليك تطيقا
*****
إنت لي وين تاني ساير
لي مزيد من المراير؟؟..!!!!
ياخي أسرع يلا أرجع
إنتفض ماتبقى حاير
البي مُر ماظِني يرجع
إنشاء الله مال الغربة طاير
تبقي ليك ساكت مواجع
والجرح فيك يبقى غاير
لو لوازم الدنيا دايرا
كمان زمان الآخرة داير
*****
يلا أرجع ....أرجع أرجع
قبل ماتصبح مكعكع
والقلب فيك يبقى خاير
قبل ماتدور الدواير
وقبل ماينضب معينك
أسأل المولى بيعينك
ولي بلادك يلا غادر
تلقى اهلك ...تلقى مهلك
قبل تُهلك عود لي اهلك
انت اصلك في الأساس
ماكان تهاجر
ياخي أرجع لي وهادك
تلقى في بلادك مرادك
والمُراد الخير ولادك
إنت ليهم وهمّ ليك أنفس زخاير
*****
ياخي أرجع ارجع .!!!!!
إغتراب من أصلُو غلطة
والرجوع عين الفضيلة
أمسح الدمع الخزنتُو
كم زرفت دموع هميله
يوم هجرت وإغتربتّ
ظلت أفراحك قليله
والفرح فارق دريبك
وغيرُ ترجع مافي حيله
*****
ياخي أرجع .....
في ربوعك ليكا مرتع
بين ورود زهر الخميله
لي شموع أشعلت نورا
حقها الواجب تجيلا
في مهب الريح تركتا
بالدموع بالليل وحيله
****
تبالي ولا تغالي
وفوض المولى الموالي
وحيل شؤونك ليهو حيلا
وشيل همومك شيله شيلا
زي دموع فيْ شموع تضوي
عايش إحساسات نبيله
كم دموع هتّانه سالت
مالقيت فيهن وسيله
أرجع الخير في رجوعك
والرجوع للحق فضيلة

.
.............................................. ( علي احمد جارالنبي )

تعليقات 0 | إهداء 0 | زيارات 779


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


علي جار النبي المحامي
علي جار النبي المحامي

تقييم
1.04/10 (6 صوت)

Preview on Feedage: -%D8%B4%D8%A8%D9%83%D8%A9-%D8%A8%D8%B1%D8%A8%D8%B1-%D8%A7%D9%84%D9%85%D9%83%D8%AA%D8%A8%D8%A7%D8%AA- Add to My Yahoo! Add to Google! Add to AOL! Add to MSN
Subscribe in NewsGator Online Add to Netvibes Subscribe in Pakeflakes Subscribe in Bloglines Add to Alesti RSS Reader
Add to Feedage.com Groups Add to Windows Live iPing-it Add to Feedage RSS Alerts Add To Fwicki
Add to Spoken to You

Powered by Dimofinf cms Version 3.0.0
Copyright© Dimensions Of Information Inc.
Free counter and web stats

brbrnet.net